2 Korin 1:13 - Laulau na Vinalu mine Salemo

^13-14 Amiteu niage moni a inade i mapigogoi namutou gi me ne amutou muada iiti a vuna. Amiteu ma niagage ete a matana inade sea usino ne amutou. Ivu, seidei amutou ma muada iiti oto e amiteu, moni amiteu kale ne amutou muada iiti sele e amiteu mulimuli, me na malada na vavasana buo mine Iesu, Bibi Taula mine eitou, ne amutou masalai sele e amiteu na inigogona tasa moni tomane namiteu masalai e amutou.

2 Korin 1:13 Cross References

Aposel 27:39

Oaso tala, me sou ite a mado amiteu sibitala ie, moni sou ma muada oto i, ei a mado mine sei avena magamaga. Sou ite a mata tasa ei vele ulilo oto mei tau a madona i doana sele. Me sou damutale, mane sou mapigogoi, sou kale ne sou goli a kuta ni vele usino mei ontola na mado iedo.

1 Korin 1:8

Iesu Krais ei ni masagali e amutou pea na punuluna malada, ne amutou ma isa oto a mamauna na malada mine Bibi Taula mine eitou Iesu Krais.

2 Korin 13:6

Me eau kale ne amutou pogevuti maido, amiteu goli ivu a pipigona mine Krais.

2 Korin 4:2

Amiteu lametasesi a matamatana inigogona pagu vanua sou ovu me sou goli. Amiteu ma asuasu oto na inigogona aualana. Me amiteu ma sauvuvulevule ete a inade mine Salemo. Boa. Amiteu malongolongo a inade ivu moni na avena muada, na vanua vuso ne sou gegemuliale a inigogona mine amiteu, me na lilone sou ne sou muada i maido amiteu goli a pipigona i bilesi moni na matane Salemo.

2 Korin 5:11

Io amiteu laelae e Bibi Taula me amiteu muina matano moni ne ei, maidolo me amiteu mailisi a damutatalana mina vanunua ne sou silimuli e ei. Salemo ei muadasi i a damutatalana vuso ma inigogona vuso mine amiteu. Me eau silimuli maido, na lilone amutou amutou tamai mu muada i maido amiteu goli a pipigona i bilesi.

Pilemon 1:6

Oo silimuli e Iesu Krais me oo maitamaina pilu e amiteu, mea kake Salemo ei ni toe eitou neitou muada sele a golugolu vuso i kubaana Krais ei bilii e eitou me neitou maisobula i.