1 Pita 2:6 - Laulau na Vinalu mine Salemo

⁶ Laulau mine Salemo ei isa a inade maido, “Longe. Eau vilealesi a vatu tasa ni palea a munugana vatu mina toesagalina luma. Ei doana mei sagali sele. Seidei eau tau e ei na loena e Saion. Vanua sou silimuli e ei, ne sou ma guale ete a maelana.”

1 Pita 2:6 Cross References

Matiu 12:18

“Ieli ei a bibi na pipigona minau. Eau oto eau vileale ei. Eau kale mamai e ei, ma lilogu ei mongemonge mamau sele e ei. Eau na tau a Nunugu ne ei, me ei ni veipale a inade mina bilesina inigogona na abuna vanunua ma tavivine vuso na magamaga.

Malongolongona Kubaana mine Iesu Mak ei niage 12:10

Amutou ma gi ete a malibuuna inade li ino na Laulau mine Salemo, io? A inade do ei maido, ‘A vatu odo sou a vanua na gagatuna sou pitaselele, seidei ei palea a munugana vatu tasa mina masagalina inapu na luma.

Malongolongona Kubaana mine Iesu Luk ei niage 20:17

Moni e Iesu i gemuale sou, mei vei, “Io, vuna matina sou niage a inade tasa na Laulau mine Salemo maido, ‘Vatu iedolo a vanunua na tinigena luma sou pitaselele, i palea a munugana vatu mina toesagalina inapu na luma’?

Malongolongona Kubaana mine Iesu Luk ei niage 23:35

Vanunua ma tavivine sou magili me sou gemugemu, moni sou a munuganuga sou adepintola ane Iesu maido, “Mane ei e Krais mine Salemo me Salemo i vileale ei, ei ni buloi liu ei oto tomane ei buloi a vanunua sanii.”

Ioanes 7:38

Ei tomane a inade ino na Laulau mine Salemo, mane a bibi ei silimuli e eau, de a nanu papaina ei isa a maulina ni sali maino na lilo ne ei, me ei ni sali usino.”

Aposel 1:16

“Amutou tamtamaigu, lisa Maolona Nunu ei goli e Devit i veipale a inade tasa, ma inade do ino na Laulau mine Salemo. Ei ade e Iudas, a bibi ei maite a vea usino ne sou a vanunua sou sautole e Iesu. Me seidei ei paleasi tomane Devit ei ade i.

Laulau Pol ei niage usino ne sou e Rom 10:11

Laulau mine Salemo ei vei maido, “Vanunua sou silimuli e ei, ne sou ma guale ete a maelana.”

Epesus 1:4

Malada Salemo saboa i mapale a magamaga ma golugolu vuso, ei vilealesi eitou lilo ne Krais, ne eitou maolo me neitou muina bilesi na matane ei.

Epesus 2:20

Amutou tomane a luma, Salemo ei tige muata ne sou a aposel pilu e sou a profet, tomane a vuna luma ie. Me Krais Iesu ei a munugana vatu.

2 Timoti 3:16

Nunu mine Salemo oto ei mapale a Laulau na vinalu mine Salemo, me a inade li ei matetengi e eitou mei toebilelesi a damutatalana mine eitou me ei toebilelesi a mavaana mine eitou me ei matetengi a inigogona vuso i doana.

1 Pita 2:4

Amutou asuale ei e Bibi Taula, ei tomane a vatu tasa ei isa a maulina, moni sou damu ei a golu pagu me sou pitaselele ei, moni e Salemo ei matoalesi ei mei ite ei i doana sele.

1 Pita 2:8

Me “Ei palea tomane a vatu ino na vea ne sou, me papaina mine sou ne sou bosa me sou mamau.” Sou bosa a vatu odo, vuna sou saukikiki a inade mine Salemo. Lisa Salemo ei veiosi ane sou ei ni goli simaido.

2 Pita 1:20

Golu buo namutou muada i ei maido. Neitou ma ogomulimuli lei a damutatalana mine eitou oto me eitou veipale a vuna inade mina profet vuso ino lilo na Laulau mine Salemo.

2 Pita 3:16

Na laulau vuso minei, ei adeade a golu ie. Ivu, a inade sanii ino na laulau sou ieli eitou ma muada kuba oto i, me ei sana le eitou neitou muada kuba a vuna inade. Maido ma vanua sou ma isa oto a muadana ma silimulina mine sou i ma sagali oto, sou toemaisabesabe a inade ieli ma inade sea vuso ino na Laulau mine Salemo tamai, maidolo me ne sou mamau vuso.