Matie 22:9 - TAFO AYO

⁹ 'E ro ɓa lœ shangbeda awa, dœ́ œ e azu kɔ á 'e gbɔ endje gu tœnœ ndœ kœzɨrœ.”

Matie 22:9 Cross References

Kœwurœ 22:17

Ɨshirɨ nœ Ndjaba œdœ pe Awo aya Pata pa adœke: «Na ga mœ!» Kaka uzu á tshe dji o'onœ asœ, pa ndje adœke: «Na ga mœ!» Kaka uzu á tshe sœ dœ ogo ungu na ga mœ, kaka uzu á tshe yindœ ungu nœ soro gbɔ œtœnœ gbambanœ.

Efeze 3:8

Œmœ kœdœ ndɔngɔlɔ uzu ugurutœ ayerœ azu nœ Ndjaba para kɔkɔ. Ngɔngɔ asœke, Ndjaba má ɔtshɔ lɔsu ga ndœ mœ adœke mœ yisœ dili kœgbɔrœ nœ Kristu fœ angbɨ azu.

Akwa 13:47

Awa akwanœ á Gbozu pa tœnœ fœ 'a dœke: “Mœ za ɓœ ɓata ɔlɔ kœtshi pa angbɨ azu lœ ogo kɔ, mbœrœ adœke ɓœ yisœ o'o nœ kœshe œrrr tɔ ga tœ ndɔngɔlɔ osho.”»

Matie 22:8

Manda nœ, tshe pa fœ aayi akwa nœ ye adœke: “Mœ guma kœzɨrœ angbo ye, kashe azu á mœ e endje, œ dœ́dœ́ azu á li má adœke mœ e endje dœmœ nene.

Matie 22:10

Aayi akwanœ asœmœ wuta ga lœ shangbeda awa, œ ngbɔɓa azu kɔ á endje gbɔ endje gu tœnœ: Œdœ aekpe azu, œdœ ɔtshɔ azu. Yé dœ tœnœ ataa, anda angbonœ su kperœ dœ azu.

Matie 20:7

Endje gi fœ she adœke: “Uzu bale zaza akwa fœ 'a nene.” Gbozu akwanœ kœpa fœ endje adœke: “E'e ndje, 'e na ga lœ kɨndɨ vinu nœ mœ.”