Rm 9:33 - Meta’

³³ Ə zɨ ɨŋga Ə̀ŋwàʼnɨ̀ ə Ŋwiə̀ ni, “Zə, mə fə nùŋ ɨti ə Zayɔ̀n nɨ bɨrɨ ghɨ ni bə̂d tɨ̀grə, ɨwɔ̌ nɨ bɨrɨ ghɨ ni mbɨ gu ə. Chəi Ŋwìə̀ bɨrɨ naʼ tɨ̀nìd ətu əmbɨ wə̀d we nɨ nuŋ fîŋ ɨgwɨ məd.”

Ikan feg

³³ A ze inga Àŋwàʼrì Ŋwiye gha, “Mbə̀ nḛ, mə fə nɔ̀ŋì iteg a Zayɔ̀n ne biri ghì bəd gùg. À ya igho ne biri ghì bəd gùg. Chəyi Ŋwiye biri zì tìnìrètog igun bəd mbe ne biri nɔ̀ŋì ìwɔb ibḛfiŋ igun məd.”

Rm 9:33 Cross References

Matìyò 21:42

Yeso nyaʼa ghà əmbɨ mɨ̀mə̌d ni, “Chəi mbə̀ kweʼ foŋ ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ ə? Zɨə ghà ni, 'Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb. Ənû zɔ̂ yɨ Ə̀nùŋɨ̀sɨg ghɨ̌, əne à yɨ ənû ə yiirɨ ɨ na nɨ zə.'?

Matìyò 21:44

[Wə̀d we nɨ gu ɨgun ɨti wɔ̂ bɨrɨ sopə tɨkə rɨkə. Ɨti we mɨ bə̀ feŋ ɨgun ə wə̀d mɔʼɔ, wɨ bɨrɨ wɔʼ əməd.]

Rm 10:1

Mbɨ bɔŋgɔb, əghɨ ze nɨ mɨ fîŋ ə kə̀bə̀, nɨ mɨə bə̀ kɔ̀ŋgɨ̀ ə Ŋwiə̀ ɨmbə̀ʼ əzɨ əwən yɨ ni wɨ̀ chɨ mɨ̀Izre rəŋgəʼ.

Rm 10:11

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ka Ŋwìə̀ bɨrɨ naʼ i tɨ̀nìd ətu əmbɨ wə̀d we nɨ nuŋ fîŋ ɨgwɨ məd,”

Rm 5:5

Ka ɨchî nɨ tɨ̀ nuŋ ɨkɔndɨ wɨə tam i əwa, ɨmbə̀ʼ ɨghəm nɨ Ŋwìə̀ fə chwi ni tə ghaʼ əwa, əne wɨ̀ fə zɨ̀ ɨghaʼi ɨŋga ta fîŋ ənjìm Əzwî ə Zeŋɨ ze nɨ wɨ̀ naʼ ɨ na.

Gàlesìyà 5:11

Mbɨ bɔŋgɔb, mə mɨ yeʼə ghàə̀ ni mbɨ ne bə̂d, njɨ əton nɨ bə̂d ə kɨrɨ nwendɨ tum rɨkyerɨ-ɨwu kɨ ɨmbə̀ʼ ə yè ə? À mɨ yeʼ nɨ mə̀ kaŋ gha əne, njɨ chəi ənû ze nɨ mɨə ghà ɨmbə̀ʼ ɨchî nɨ Kristo nyaʼa kwɨ əzed ə baʼnɨ ə wɨrɨ berɨ ənû ə mɔʼɔ nɨ ghɨ̀.

Fìlipì 1:20

Ənû nɨ mə kàŋ kə̀b bə̀ kyerɨ ni zɨə bɨrɨ jwɨ ənɨ ənû nɨ mə̀ fə bə̀ nùŋ mɨ ɨkɔndɨ ɨ wòm yɨ ni chəi mɨ ətu ə bɨrɨ nɔ nìd ɨmbə̀ʼ ənû ze nɨ mɨə ghɨ̀ə̀. Àyɨə ənɨ mɨ̀nyùmə̀ jìm, màànɨ̀ rɨ̀nîn, mə berɨ ɨka fîŋ ɨmbə̀ʼ wumnɨ ə Kristo mbɨ mɨ ɨ̀tènɨ̀ jìm, kɨ̀ à kɨ ənɨ mə̀ yeʼ ɨkǎ kɨ̀ ənɨ mə̀ fə kwɨ,

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

1 Jɔn 2:28

Əne tɨ̀nîn, kyɨə bɔn nɨ mə̀ ghaʼi kwàʼ rɨŋgəʼ, mbə̀ chubɨ ənɨ ɨfɔtɨ mbɨ məd, ɨmbə̀ʼ ənɨ wɨ̀ wɨrɨ yeʼe, chəi tɨ̀ bɨrɨ bɔ. Chəi tɨ̀nìd ətu bɨrɨ ghɨ ni tɨ̀ nəmbɨ rɨ bɔ.