Rm 7:14 - Meta’

¹⁴ Tɨ̀ kyerɨ ni tɨkə yɨ rɨ əmbɨ Əzwî, àyɨə chəi əzwî ɨŋga num. Mbɨ fə fen əmɨ ənɨ ə̀bòʼò əmbɨ ɨnû rɨbɔ̀ŋ.

Ikan feg

¹⁴ Tè kyèri gha mə̀nɔ̀ʼɔ̀ Muse ya Azwighi Ŋwiye nàʼi. Chəyi mbi beri ngəʼ. Àsi wə̀d-aku icheg inum, inug tibɔ̀ŋ fə niŋ amə ane àbòʼì.

Rm 7:14 Cross References

Matìyò 16:23

Àyɨə wɨ̀ nyaʼa bèŋ ghà əmbɨ Pità ni, “Àwɔ̀ Satàn, nɔʼ e rɨ ɨban num! À wɨə kən ɨnə̂njɨ̀ ɨ num, ɨmbə̀ʼ ɨghəm nɨ chəi à nuŋ e ɨkɔndɨ ɨgun ɨghɨ mbe nɨ Ŋwìə̀ kəbɨ. À nùŋ yeʼ ɨgun mbe nɨ bə̂d mɨ̀sɔŋɨchù kəbɨ.”

Matìyò 18:25

Ɨchî nɨ chəi wɨ̀ nyaʼa berɨ ɨkab nɨ wì, mbǎʼ ə̀fàʼì məd we nyaʼa ghà ni mbɨ fen əməd mbɨ ɨwi məd fɔrɨ bɔn bə̀ fèn ɨghɨjìm mbe nɨ wɨ̀ berɨ, ɨmbə̀ʼ wi njɔ̌ ze.

Matìyò 5:22

Àyɨə mə wɨə ghà ɨ nən ni: Wə̀d mɔʼɔ mɨ sə ɨtəm əbɔʼ wi aŋgɔb, mbɨ bɨrɨ saʼ əməd. Wə̀d mɔʼɔ mɨ zɔ̀m wi aŋgɔb, mbɨ bɨrɨ nɨŋ əməd wò ni mə̀saʼ əbeŋ saʼ əməd. Wə̀d mɨ ghà əmbɨ wi aŋgɔb ni, 'Àwɔ̀ yɨ əneŋ!' mbɨ bɨrɨ maʼ əməd ɨŋga əsɨ ɨchə nɨ chəi ɨwid ə nɔ nìmə.

Matìyò 5:28

Àyɨə mə wɨə ghà ɨ nən ni, wə̀d we nɨ neŋ əyi kɨ̀ mbaŋə̀ feenɨ, fə ni əməd ɨŋga i fîŋ.

Lk 5:8

Ənɨ Saimon Pità nyaʼa zə əne, wɨ̀ nyaʼa gù ə si ɨfě Yeso ghà ni, “Nɔʼ e rɨ ɨban num, kyɨ Ə̀nùŋɨ̀sɨg, ɨmbə̀ʼ ɨghəm nɨ mɔ̌ yɨə wə̀d nɨə ghɨ̀ ɨnû rɨbɔ̀ŋ.”

Lk 7:6

Ənɨ Yeso nyaʼa zu əne, wɨ̀ nyaʼa nɔ̀ʼ kɔ wò mbɨ mɨ̀mə̌d. Ənɨ wɨ̀ nyaʼa sɨə tindɨ ɨban ə nəb ze, ətu ɨgwɨ mɨ̀sɔgyɨ̀ we nyaʼa chà mbi mɨ̀sə̀ʼ ni mbɨ gha ɨ bɔ ni, “Masà, tɨrə̀ chə e e nyamnyod ɨmbə̀ʼ ɨghəm nɨ mɨ rɨka kùʼ əmɨ ni à nyɨ ɨŋga mɨ nəb.

Rm 3:9

Əne kɨ ni ye ə? Mbǎ mɨ̀Jû ə wa bɔ̀ŋ chè bə̂d cherə ə? Chə̂! Ka àbei rɨpiî! Tɨ̀ fə chwi ni ɨnû rɨbɔ̀ŋ mbɨə tùmbɨ̀ə̀ bə̂d mɨjìm, əne yɨ mɨ̀Jû mbɨ ə bə̂d nɨ kaʼi mɨ̀Jû.

Rm 6:6

Tɨ̀ kyerɨ ni mbɨ nyaʼa fə kòmbɨ̀ à nyamnyod ənun əzed ə baʼnɨ mbɨ məd, ɨmbə̀ʼ nimnɨ nyamnyod ɨnû rɨbɔ̀ŋ. Əne chəi ənɨ tɨ̀ rɨ̀ wɨrɨ chub ənɨ ɨ̀bòʼò əton ɨnû rɨbɔ̀ŋ,

Rm 7:18

Mə kyerɨ ni chəi ənû ə chɔ̀m ə mɔʼɔ ɨŋga num, əne yɨ ɨŋga mɨ ɨnyod. Mə wɨə kàŋə̀ kə̀b nɨ ghɨ ɨ̀chɔ̀m, àyɨə chəi ənɨ tɨ̀ mə ghɨ̀.

Gàlesìyà 4:3

À yɨ əndəŋ əndəŋ mbɨ na. Əne yɨ ni ənɨ tɨ̀ nyaʼə bɔn kwa, tɨ̀ yɨə nyaʼə ɨ̀bòʼò əton ɨzwî mbe nɨ nyaʼə tùmbɨ̀ ɨsɨg.

Efesùs 3:8

Ka à bè yeʼi ni mə kə chè wɨ kwa rəbɔʼ bə̂d Ŋwiə̀ mɨ̀jìm, àyɨə Ŋwiə̀ nyaʼa ghɨ̀ ɨ̀chɔ̀m ənɨ ə num ni mə̀ gha əmbɨ ə bə̂d mbe nɨ kaʼi mɨ̀Jû ɨmbə̀ʼ mbɔ̂n ze nɨ chəi zɨ̀ bɨrɨ nɔ mì, nɨ tɨ̀ berɨ àmei ɨchî nɨ mbɨ kyerɨ ə Kristo.

Mə̀Hibrù 4:12

Ɨŋgam Ŋwiə̀ wɨ ɨkǎ. Ɨ wɨə bə̀ ghɨ̀ ənû ze nɨ Ŋwìə̀ kəbɨ. Wɨ tɔ chè ɨbi ɨba jìm. Ɨ wɨə zum ə wə̀d wò pè əsɨ ze nɨ ɨ̀tènɨ̀ mbɨ əzwî ghabrə. Ɨ wɨə bə̀ wò pè əsɨ ze nɨ tɨnaanɨ ɨnyod mbɨ rɨfɔm ghabrə. Ɨ wɨə saʼə tɨkɔndɨ bə̂d bə̀ saʼ ɨnû mbe nɨ fîŋ tɨ mɨ̀mə̌d ə kə̀bə̀.