Rm 6:12 - Meta’

¹² Əne tɨ mbə̀ ben ə ni ɨnû rɨbɔ̀ŋ tumbɨ tə nyamnyod te nɨə kwɨə, əne ghɨ̀ mbə̀ zuunɨ ɨnû rɨbɔ̀ŋ mbe nɨ tə nyamnyod ə feenɨə.

Ikan feg

¹² Ane, icheg bəd-aku, imbə̀ʼ mbə̰ saŋa awən gha inug tibɔ̀ŋ bere ika igun inən se ghìyə̀ gha mbə̀ ya kɔ̀ŋɔ̀ inug tibɔ̀ŋ.

Rm 6:12 Cross References

Rm 13:14

Àyɨə mbə̀ ghɨ ni Ə̀nùŋɨ̀sɨg Yeso Kristo kubrɨ əwən ɨchî nɨ ngywɨ̌ ə kubrə bə̂d. Əne tɨ mbə̀ naʼ ə əpan əmbɨ tə nyamnyod ni tɨ ghɨ ɨnû rɨbɔ̀ŋ mbe nɨ nyamnyod ə feenɨə.

Rm 2:8

Ŋwìə̀ bɨrɨ sə ɨtəm bə̀ chə mbe nɨə kə̀b ɨghɨ àmei əmbɨ tə nyamnyod, nɨ mbɨə bə̀ ton ɨnû mbe nɨ yeʼ mbɨ rəsìʼ ɨmbə̀ʼ sɨə ghɨ̀ yeʼ ɨnû ɨzɨg.

Rm 5:21

ɨmbə̀ʼ ɨchî nɨ ɨnû rɨbɔ̀ŋ nyaʼə tùmbɨ̀ ɨsɨg ənjìm ɨvɨ, əne bə̂ ɨ̀chɔ̀m bɨrɨ bɨ tumbɨ ɨsɨg ənjìm ɨchî nɨ bə̂d təm kùʼnɨ̀. Əze ə bɨrɨ ghɨ ni bə̂d jɨg ɨ̀tènɨ̀ rɨ mì ənjìm ə Yeso Kristo a Ə̀nùŋɨ̀sɨg.

Rm 6:14

Chəi ɨnû rɨbɔ̀ŋ wɨrɨ berɨ ɨka ɨgwɨ nən, ɨmbə̀ʼ ɨghəm nɨ chəi əwən əton rɨkə. Mbə mbɨ əton ɨ̀chɔ̀m Ŋwiə̀.

Rm 6:16

Chəi mbə̀ kyerɨ ni mbə mɨ nàʼ ə ɨnyod əmbɨ ə wə̀d mɔʼɔ ɨghabɨ ɨ̀bòʼò nɨə zuunɨə, əne mbə yɨ sɨ ɨ̀bòʼò əmbɨ ə wə̀d we nɨ mbə̀ə zuunɨ əməd ə? Əne yɨ ɨ̀bòʼò əmbɨ ɨnû rɨbɔ̀ŋ mbe nɨə ghɨ̀ ni bə̂d kwɨ, kɨ̀ ɨ̀bòʼò əmbɨ ɨzuunɨ we nɨə ghɨ̀ ni bə̂d təm kùʼnɨ̀ ɨfě Ŋwiə̀.

Rm 8:11

À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

Rm 8:13

Mbə mɨ chub ɨchî nɨ nyamnyod kəbɨ, mbə bɨrɨ kwɨ, àyɨə mbə mɨ che ənjìm Əzwî zwiirɨ ɨnû rɨbɔ̀ŋ mbe nɨ nyamnyod ə ghɨ̀ə̀, mbə bɨrɨ tènə̀.

2 Kɔrèn 4:11

Ənɨ tɨ̀ yeʼ ɨka, tɨ̀ wɨ ɨchû ɨvɨ ənɨ mɨ̀nyùmə̀ jìm ɨmbə̀ʼ ə Yeso, ɨmbə̀ʼ bə̂d zə ɨ̀tènɨ̀ məd ɨŋga ta nyamnyod te nɨə kwɨə.

2 Kɔrèn 5:4

Ənɨ tɨ̀ kɨrɨ ɨŋga nyamnyod zɔ̂, tɨ̀ wɨə sɔ ɨchû əton ɨghɨ mbe nɨə nìd əwa. Chəi tɨ̀ kəb nimnɨ nyamnyod ənun. Tɨ̀ wɨə kə̀bə̀ yeʼ ni Ŋwiə̀ zɨ nyamnyod fi ɨgwɨ na, ɨmbə̀ʼ nyamnyod ze nɨ bɨrɨ ten i koŋ nɨŋ rɨmbin ze nɨə kwɨə.

Gàlesìyà 5:16

Ənû nɨ mɨ ghà yɨ ni: mbə̀ chub ɨchî nɨ Əzwî ə kəbɨ. Tɨ mbə̀ ghɨ ə ɨnû mbe nɨ tə nyamnyod ə feenɨə,

Gàlesìyà 5:24

Bə̂d Kristo Yeso fə kòmbɨ̀ tə nyamnyod bə̀ kòmbɨ̀ ɨnû mbe nɨ nyamnyod ə kə̀bə̀ bə̀ feenɨ əzed ə baʼnɨ.

Efesùs 2:3

Mba mɨjìm kweʼ yeʼ ɨghabɨ mɨ̀mə̌d ɨchî nɨ tɨ̀ nyaʼə feenɨ ɨghɨ mbe nɨ ta nyamnyod nyaʼə kə̀bə̀. Tɨ̀ wɨə nyaʼə bə̀ beenɨ əbɔʼ ɨghɨ mbe nɨ ta nyamnyod fɔrɨ ta rɨkɔndɨ nyaʼə bə̀ kə̀bə̀. Ɨ beenɨ əbɔʼ mba mɨchî, Ŋwìə̀ nyaʼa sə ɨtəm əbɔʼ na ɨchî nɨ wɨ̀ nyaʼa sə əbɔʼ wə̀d jìm.

Efesùs 4:22

Mbɨ nyaʼa chwi ɨ nən ni mbə̀ waʼ nyamnyod ənun, əne yɨ ɨnû ənun mbe nɨ mbə̀ nyaʼə ghɨ̀ə̀. Ɨnû ənun mbe yɨ tɨfeenɨ rɨbɔ̀ŋ te nɨ nyaʼə tambɨ əwən bə̀ chəkɨ əwən.

1 Tèsàlonikà 4:5

Tɨ̀ wə̀d mɔʼɔ rəbɔʼ nən feenɨ i ənû nɨ ni əyi kɨ̀ mbaŋə̀ əku ɨchî nɨ bə̂d mbe nɨ chəi mbɨ kyerɨ ə Ŋwiə̀ ə ghɨ̀ə̀.

2 Timotì 2:22

Ton ɨnû rɨbɔ̀ŋ mbe nɨ ŋgwàʼ bə̂d ə feenɨə. Beenɨ yeʼ əbɔʼ ɨnû jìm mbe nɨə ghɨ̀ ni à ghɨ ɨnû nɨ kuʼnɨ. Əne yɨ ənû nɨ nuŋ fîŋ ɨgun ə Kristo, ənû nɨ ghaʼ bə̂d cherə mbɨ ənû nɨ chub ənɨ əbɔrəbɔd. Ghɨ ɨnû mbɔ̂ fɔtɨ mbɨ ə bə̂d mbe nɨə kɔ̀ŋgɨ̀ Ə̀nùŋɨ̀sɨg ənɨ ə fîŋ nɨ zeŋɨ.

Tayitùs 2:12

Ɨ̀chɔ̀m we wɨə ghɨ̀ ni tɨ̀ ton ɨnû mbe nɨə ghɨ̀ə̀ ni tɨ rɨ̀ wumnɨ a Ŋwiə̀ bə̀ ton nɨ beenɨ əbɔʼ ɨnû rɨŋga ɨsɨg. Ɨ wɨə ghɨ̀ ni tɨ yimbɨ ɨnyod, wumnɨ ə Ŋwiə̀ bə̀ chub ɨŋga ɨsɨg wɔ̂ ɨchî nɨ kuʼnɨ.

Tayitùs 3:3

Mba bə, tɨ̀ nyaʼa kweʼ ghɨ̀ ɨnû ɨneŋ bə̀ kweʼ ghɨ̀ rɨ̀zuə̀. Mbɨ nyaʼa kweʼ tambɨ əwa tɨ̀ febə. Mbɨ nyaʼa kweʼ ghɨ tɨ̀ ben ɨ̀bòʼò əmbɨ tɨkwɨrɨ ɨnû jìm mbe nɨ nyamnyod ə feenɨə bə̀ ghaʼə. Tɨ̀ wɨə nyaʼə ghɨ̀ ɨzɨg ənɨ ə bə̂d. Tɨ̀ wɨə nyaʼə bə̀ ghɨ̀ ə̀dìì. Bə̂d mbɨə nyaʼə bàn əwa. Tɨ̀ wɨə nyaʼə bə̀ bàn à ɨnyod mbǎ mbǎ.

1 Pità 1:14

Ɨchî nɨ mbə yeʼ bɔn nɨə zuunɨə, tɨ mbə wɨrɨ beenɨ ə əbɔʼ ɨnû rɨbɔ̀ŋ mbe nɨ tə nyamnyod nyaʼə feenɨə ənɨ ə nyùmə̀ we nɨ chəi mbə̀ nyaʼa kɨrɨ kyerɨ ə Ŋwiə̀.

1 Pità 2:11

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ kyerɨ ni mbə yɨ ɨ̀nɔ̀ʼɔ̀ fɔrɨ ni mbə̀ yɨə bə̂d rɨ̀sɔ̀ʼɔ̀ ɨŋga ɨsɨg wɔ̂. Əne mə wɨə buʼ ɨbɔ ɨ nən ni tɨ mbə̀ ghɨ ə ɨnû rɨbɔ̀ŋ mbe nɨ tə nyamnyod ə feenɨə. Mbɔ̂ yɨ ɨnû mbe nɨə màʼə̀ bid ɨŋga tə fîŋ.

Jûd 1:16

Bə̂d mbɔ̂ mbɨə ghàmbɨ̀ə̀. Chəi ənû ə mɔʼɔ ə bɔŋ əmbɨ mɨ̀mə̌d. Ɨ mbɨə beenɨ əbɔʼ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨ mbɨə nɨŋə mbə mɨchû goŋ ɨgɔ̂ ɨmbə̀ʼ tə nyamnyod. Ɨ mbɨə bə̀ ghàm mɨŋgam nəmɨ nəmɨ ɨmbə̀ʼ berɨ ɨghɨ mbe nɨ mbɨ kəbɨ.

Jûd 1:18

Mbɨ nyaʼa ghà ɨ nən ni, “Ɨŋga ɨni mbe nɨ sɨ nwìə̀, məbaʼrɨ-bə̂d bɨrɨ yeʼe. Mbɨ bɨrɨ beenɨ əbɔʼ ɨnû mbe nɨ nyamnyod tɨ mɨ̀mə̌d ə feenɨə. Ɨnû mbe mbɨə ghɨ̀ə̀ ni tɨ mbɨ wumnɨ ə Ŋwiə̀.”