Rm 5:14 - Meta’

¹⁴ Àyɨə ɨvɨ wɨə nyaʼə tùmbɨ̀ ɨsɨg kɔ rɨ ənɨ ə nyùmə̀ Adàm wò pè ənɨ ə nyùmə̀ Mose. Ɨ wɨə nyaʼə tùmbɨ̀ əne wò pè ɨgwɨ ə bə̂d mbe nɨ chəi mbɨ nyaʼa ghɨ ɨnû rɨbɔ̀ŋ ɨghabɨ ə Adàm. Adàm yɨə nyaʼə əmɨgɨ tɨ ənɨ ə wə̀d we nɨ nyaʼa wo yeʼe.

Ikan feg

¹⁴ Tesiʼ ya gha, iwu ya bèrì ika igun wə̀d ijìm ni ko ane nyùmə̀ Adàm ghò pè ane nyùmə̀ Muse. Iwu bèrì ika fɔrɔ igun bəd ne chəyi mbi ya gùghi anug kwàʼ icheg Adàm. Adàm ya iku wə̀d ne yaʼi icheg wə̀d we ne ya beri ni ghum yeʼe.

Rm 5:14 Cross References

Rm 5:12

Ɨchî nɨ ɨnû rɨbɔ̀ŋ nyaʼa yeʼe ɨŋga ɨsɨg ənjìm wə̀d mɔʼ, ɨvɨ bə̀ yeʼe ənjìm ɨnû rɨbɔ̀ŋ, əne ɨvɨ nyaʼa yeʼe əmbɨ ə bə̂d mɨjìm ɨmbə̀ʼ ɨghəm nɨ bə̂d mɨjìm nyaʼa ghɨ ɨnû rɨbɔ̀ŋ.

Rm 5:17

À mɨ yeʼ nɨ ɨvɨ wɨə nyaʼə tùmbɨ̀ ɨsɨg ənjìm ɨgu-ənû wə̀d mɔʼ, njɨ à yɨə bə̀ rəsìʼ ni bə̂d mbe nɨ jɨg ɨ̀chɔ̀m nɔnɔʼ bə̀ jɨg ɨneʼe we nɨ ghɨ ni mbɨ təm kùʼnɨ̀ bɨrɨ chub ɨkǎ tùmbɨ̀ ɨsɨg ənjìm ə wə̀d mɔʼ, əne yɨə Yeso Kristo.

Rm 5:21

ɨmbə̀ʼ ɨchî nɨ ɨnû rɨbɔ̀ŋ nyaʼə tùmbɨ̀ ɨsɨg ənjìm ɨvɨ, əne bə̂ ɨ̀chɔ̀m bɨrɨ bɨ tumbɨ ɨsɨg ənjìm ɨchî nɨ bə̂d təm kùʼnɨ̀. Əze ə bɨrɨ ghɨ ni bə̂d jɨg ɨ̀tènɨ̀ rɨ mì ənjìm ə Yeso Kristo a Ə̀nùŋɨ̀sɨg.

Rm 8:20

ɨmbə̀ʼ ɨghəm nɨ ɨghɨjìm mbe nɨ wɨ̀ nyaʼa tekɨ nyaʼa berɨ chè ətu ə̀kǒ. Chəi mbɨ nyaʼa berɨ che ətu əko ənɨ ə ɨghəm. Mbɨ nyaʼa berɨ chè ɨchî nɨ wə̀d we nɨ nyaʼa tekɨ ɨghɨ mbe nyaʼa kəbɨ, bə̀ nùŋ ɨkɔndɨ wòm

Rm 8:22

Tɨ̀ kyerɨ ni ɨ pe rɨ̀nîn, ɨghɨjìm mbe nɨ Ŋwìə̀ nyaʼa tekɨ mbɨə kɨrɨ chwem ɨghabɨ əyi nɨə zu rɨbuʼ ənɨ wɨə nombɨə.

1 Kɔrèn 15:22

Bə̂d mɨ̀jìm berɨ kwɨ ɨchî nɨ mbɨ yeʼ ənɨ ɨfɔtɨ mbɨ Adàm, əne bə̂ bə̂d mɨ̀jìm bɨrɨ chub ɨkǎ ɨchî nɨ mbɨ yeʼ ənɨ ɨfɔtɨ mbɨ Kristo.

1 Kɔrèn 15:45

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨ̀tènɨ̀ wɨə nyaʼa ɨŋga Adàm nɨ nyaʼə wə̀d rɨtu.” Adàm we nɨ sɨ nwìə̀ yɨ Əzwî nɨə nàʼ ɨ̀tènɨ̀.

Mə̀Hibrù 9:27

Ɨchî nɨ Ŋwìə̀ nyaʼa fə nuŋ ni wə̀d ə berɨ kwɨ ɨghəm we mɔʼ, à sɨ əwu rənjìm wɨ̀ saʼ əməd,