Rm 3:30 - Meta’

³⁰ ɨchî nɨ məd mei we mɔʼ. Wɨ̀ bɨrɨ ghɨ ni bə̂d mbe nɨ mbɨ ne mɨ̀mə̌d təm kùʼnɨ̀ ənjìm ɨbenɨ. Wɨ̀ bɨrɨ bɨ ghɨ̀ ni bə̂d mbe nɨ chəi mbɨ ne mɨ̀mə̌d bə təm kùʼnɨ̀ ənjìm ɨbenɨ.

Ikan feg

³⁰ Ŋwiye məyi imɔʼ. Wì biri ghì mə̀Ju təm kòʼ ibo imbìghè anjìm ìwɔb ibḛfiŋ igun Yeso. Wì biri bə ghì bəd mbe ne kayi mə̀Ju bə̀ təm kòʼ ibo imbìghè anjìm ìwɔb ibḛfiŋ igun Yeso bə.

Rm 3:30 Cross References

Rm 2:26

Mbaŋə̀ ze nɨ chəi mbɨ kɨrɨ ne əməd mɨ yeʼə ghɨ̀ ɨnû mbe nɨ yeʼ ɨŋga rɨ̀kə̌, njɨ chəi mbɨ wa bɨrɨ nɨŋ ni mbɨ fə nè əməd ə?

Rm 2:27

Mbaŋə̀ ze nɨ chəi mbɨ kɨrɨ ne məd, àyɨə ɨ wɨə nùŋ rɨkə, bɨrɨ zɨ ɨsaʼi ɨgwɨ ne, àwɔ̀ we nɨ kyerɨ rɨkə mbɨ bə̀ nè əwe, àyɨə chəi àwɔ̀ ə nùŋ rɨkə te.

Rm 3:22

Ŋwiə̀ fə ghɨ̀ ni bə̂d mɨ̀jìm mbe nɨ benɨ təm kùʼnɨ̀ ɨfě məd ənjìm ɨchî nɨ mbɨ ben ə Yeso Kristo. Chəi ɨkwepɨ əkaʼ bə̂d,

Rm 3:28

Tɨ̀ benɨ ni wə̀d ə təm kùʼnɨ̀ ənjìm ɨbenɨ, kaʼi ɨmbə̀ʼ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌.

Rm 4:16

Ŋwìə̀ nyaʼa kàʼ ɨghɨ ənjìm ɨbenɨ, ɨmbə̀ʼ ənjìm ɨ̀chɔ̀m məd, bɔn mɨjìm tɨ ənɨ əghaŋ ə Abràham mbe tɨ̀ mbɨ jɨg ɨghɨ mbe nɨ wɨ̀ nyaʼa kàʼi. Ka ɨghɨ mbe nɨ wɨ̀ nyaʼa kàʼi nyaʼa àmei əmbɨ ə bə̂d mbe nɨə nùŋə̀ rɨkə, ɨ mbɨə nyaʼa bə̂ əmbɨ mbe nɨ nyaʼa benɨ ɨchî nɨ Abràham nyaʼa bə benɨ. Abràham yɨə mbǎʼ ɨgwɨ mbà mɨjìm.

Rm 4:9

Ŋwìə̀ wa nyaʼa zɨ əbɔrəbɔd zɔ̂ àmei ɨgun ə bə̂d mbe nɨ mbɨ nyaʼa ne mɨ̀mə̌d, kɨ̀ wɨ̀ wa nyaʼa bə̀ zɨ̀ fɔrɨ ɨgun mbe nɨ chəi mbɨ nyaʼa ne mɨ̀mə̌d ə? Tɨ̀ wɨə ghàə̀ ni, Ŋwìə̀ nyaʼa ben ni Abràham nyaʼa təm kùʼnɨ̀ ɨmbə̀ʼ ɨbenɨ məd.

Gàlesìyà 3:20

Wə̀d mɨ yeʼ ɨŋga mɨgharə̀, əne yɨ ni bə̂d ə nɔʼ. Àyɨə Ŋwìə̀ mei we mɔʼ.

Gàlesìyà 3:28

Əne chə wɨrɨ i Jû kɨ̀ wə̀d nɨ kaʼi Jû, chə wɨrɨ i ə̀bòʼò kɨ̀ wə̀d nɨ yeʼ ənɨ i ɨghəm, chə wɨrɨ i mbaŋə̀ kɨ əyi, ɨmbə̀ʼ ɨghəm nɨ mbə̀n mɨ̀jìm fə sɨə wə̀d mɔʼ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Gàlesìyà 3:8

Ə̀ŋwàʼnɨ̀ ə Ŋwìə̀ ə nyaʼa fə ghà rɨmbì ni Ŋwìə̀ bɨrɨ ghɨ ni bə̂d mbe nɨ kaʼi mɨ̀Jû təm kùʼnɨ̀ ənjìm ɨchî nɨ mbɨ nuŋ fîŋ ɨgwɨ məd. Əne wɨ̀ nyaʼa fə bè ghà ɨkə̂n chɔ̀m əmbɨ ə Abràham ni, “Mə bɨrɨ che ənɨ e njìm zɨ̀ əbɔrəbɔd ɨgwɨ ɨbeŋ jìm.”

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Gàlesìyà 6:15

Kɨ̀ mbɨ nè wə̀d, kɨ̀ chəi mbɨ ne wə̀d, chəi əze ə berɨ ənû ə mɔʼɔ nɨ ghɨ̀. Ənû ə kyeŋ nɨ yeʼ əŋgu yɨ ni tɨ̀ yɨə sɨə bə̂d fi.

Fìlipì 3:3

À yɨə mbǎ nɨ mbɨ ne ɨchî rəsìʼ. Əzwî ə zɨə wèèrɨ̀ əwa ni tɨ wumnɨ ə Ŋwiə̀. Tɨ̀ wɨə ghaʼ ɨchî nɨ tɨ̀ yeʼ ənɨ ɨfɔtɨ mbɨ Kristo Yeso əne chəi tɨə zɨ̀ ta fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀,

1 Timotì 2:5

Ŋwìə̀ mei we mɔʼ. Wə̀d we nɨ yeʼ ɨŋga mɨgharə̀, maanɨə taŋ ze nɨ Ŋwiə̀ berɨ mbɨ ə bə̂d mei we mɔʼ. Təŋgàŋ yɨə Kristo Yeso.