Rm 16:1 - Meta’

¹ Mə kə̀b ni mbə̀ kyerɨ a njàbɨ Febè. Məd wɨə wèèrɨ̀ ɨŋga ɨfetɨ bə̂d Kristo we rɨ ə Senkrià.

Ikan feg

¹ Mə kə̀b gha mbə̀ kyeri ìza njàbi, Febè. Məd we wètè ni fàʼ inga ifeti bəd Kristo we a Sènkreyà.

Rm 16:1 Cross References

Matìyò 12:50

Wə̀d mɔʼɔ we nɨə ghɨ ɨnû mbe nɨ mɨ Mbǎʼ rɨkaŋ kə̀bɨ yɨ wum aŋgɔb, yɨ mɨ njàbɨ, bə̀ fɔrɨ mɨ nɨŋ.”

Mk 10:30

nɨ chəi wɨ̀ bɨrɨ wɨrɨ nɨŋ ɨghɨ mbɔ̂ tɨ̀nîn ənɨ ə nyùmə̀ wɔ̂ ɨghəm ɨkɨ fibɨ̀. Wɨ̀ bɨrɨ nɨŋ nəb, nɨŋ bɔŋgɔb mbɨ ə njàbɨ, nɨŋ mɨ̀nɨ̌ŋ, nɨŋ bɔn bə̀ nɨŋ ɨsɨ si, mbɨ bə̀ nwèndɨ̀ tɨkyerɨ-ɨwu ɨməd. Wɨ̀ bɨrɨ jɨg ɨ̀tènɨ̀ rɨ mì ənɨ ə nyùmə̀ we nɨə yeʼe.

Lk 8:3

Jòanà nɨ nyaʼa ɨwi Chuzà we nɨ nyaʼə wə̀d ə̀fàʼì Herɔ̀d mbɨ Sùsanà mbɨ məyi cherə nɔnɔʼ. Məyi mbɔ̂ mbɨə nyaʼə wèèrɨ̀ ə Yeso bə̀ wèèrɨ̀ mə̀mə̀ə̀nɨ̀-ɨnû ɨməd rɨŋga mbə ɨ̀bàmɨ̀.

Ɨ̀fàʼì 18:18

Pɔ̂l nyaʼa wɨrɨ chub ə Kɔrèn ɨni nɔnɔʼ. Ənɨ wɨ̀ nyaʼa maanɨ rəŋgu, wɨ̀ nyaʼa sàŋ bɔŋgɔb mbe, nɨŋ ə Prìsilà mbɨ Àkwilà mbɨ nyɨ əbaŋ ɨgyɨ̀ baanɨ wò ə Sirià. Bɔŋ mbɨ nyaʼa sɨə nɔʼ rɨə Senkrià, wɨ̀ nyaʼa serɨ e ətu ɨchî nɨ wɨ̀ nyaʼa fə kaʼ əmbɨ ə Ŋwiə̀.

2 Kɔrèn 3:1

Tɨ̀ wa bɨrɨ wɨrɨ kɔ gha ɨmbə̀ʼ a ɨnyod mbǎ mbǎ ni tɨ̀ yɨə bə̂d ə̀fàʼì chɔ̀m ə? Kɨ̀ mbə wa kə̀b, ɨchî nɨ bə̂d mɔʼɔ ə ghɨ̀ə̀, ni tɨ̀ ŋwaʼnɨ ə̀ŋwàʼnɨ̀ ɨ nən, kɨ̀ ni mbə̀ ŋwaʼnɨ ə̀ŋwàʼnɨ̀ ɨmbə̀ʼ əwa, ɨmbə̀ʼ bə̂d ben ni tɨ̀ wɨə fàʼ ɨchî chɔ̀m ə?

1 Timotì 5:2

Ghɨ mbɨ məyi mbe nɨ fə nunɨ chè əwe ɨghabɨ ni mbɨ yɨ mbe mɨ̀nɨ̌ŋ. Ghɨ ɨnû ɨzeŋɨ zeŋɨ mbɨ mɨkwirɨ ɨghabɨ ni mbɨ yɨ te njàbɨ.

Filemɔ̀n 1:2

Tɨ̀ wɨə bə̀ ŋwàʼnɨ̀ ɨ ne, àwɔ̀ Afìà, nɨ yeʼ a njàbɨ. Tɨ̀ wɨə bə̀ ŋwàʼnɨ̀ ɨ ne, àwɔ̀ Akipùs, nɨ yeʼ ə sɔgyɨ̀ Kristo ɨghabɨ ə mbǎ. Tɨ̀ wɨə bə̀ ŋwàʼnɨ̀ əmbɨ ə bə̂d mɨ̀jìm mbe nɨ yeʼ ɨŋga ɨfetɨ bə̂d Kristo we nɨə nyɨ ɨŋga e nəb.

Jems 2:15

Aŋgɔb mɔʼɔ kɨ̀ njàbɨ mɔʼɔ mɨ yeʼ əŋgu nɨ kwaŋ ngywɨ̌ bə̀ kwaŋ ɨghɨjɨg,