Rm 14:8 - Meta’

⁸ Tɨ̀ mɨ yeʼ ɨkǎ, tɨ̀ wɨ ɨka ɨmbə̀ʼ wumnɨ Ə̀nùŋɨ̀sɨg. Tɨ̀ mɨ kwɨ, tɨ̀ fə kwɨ ɨmbə̀ʼ wumnɨ Ə̀nùŋɨ̀sɨg. Əne tɨ̀ mɨ yeʼ ɨkǎ kɨ̀ tɨ̀ mɨ kwɨ, tɨ̀ yɨə bə̂d Ə̀nùŋɨ̀sɨg.

Ikan feg

⁸ Kə̀, àmə yaʼ aghi ne tì yaʼi izɔm, tì yaʼ izɔm ni ya nàʼà ighumni abə Anɔŋisəg. Kə̀ tì mə ku, à ya ni nàʼ ighumni abə Anɔŋisəg. Ane, kə̀ tì yaʼ izɔm, kə̀ tì ku, mba ya bəd Anɔŋisəg.

Rm 14:8 Cross References

Lk 20:38

Əne yɨ ni, ka məd yɨ i Ŋwìə̀ ɨvɨ bə̂d. Məd yɨə Ŋwìə̀ bə̂d mbe nɨ yeʼ ɨkǎ. Bə̂d mɨjìm mbɨ ɨkǎ ɨmbə̀ʼ əməd.”

Jn 21:19

Yeso nyaʼa ghà ənû zɔ̂ ɨ chwi ɨkwɨ ɨvɨ we nɨ Pità bɨrɨ kwɨ ɨmbə̀ʼ wumnɨ ə Ŋwiə̀. Ənɨ Yeso nyaʼa ghàm əne, wɨ̀ ghà ɨ bɔ ni, “Beenɨ əbɔʼ num!”

Ɨ̀fàʼì 13:36

Ənɨ Dèvîd nyaʼa kɨrɨ ɨkǎ, wɨ̀ nyaʼa ghɨ̀ ɨnû mbe nɨ Ŋwìə̀ nyaʼa kəbɨ ni wɨ̀ ghɨ ə. Wɨ̀ nyaʼa kwɨ mbɨ tweŋ əbɔʼ mɨ̀mbǎʼ məd rəŋwe, əne wɨ̀ nyaʼa bɔb.

Ɨ̀fàʼì 20:24

Àyɨə chəi mə nɨŋ mɨ ɨ̀tènɨ̀ ni à yɨ əghɨ ə mɔʼɔ ɨ num. Mə wɨə kə̀b àmei ni mə maanɨ ə̀fàʼì ze nɨ Ə̀nùŋɨ̀sɨg Yeso zɨ ɨŋga tum rɨkyerɨ-ɨbɔ. Ə̀fàʼì ze yɨ ni mə̀ gha ɨkə̂n chɔ̀m ɨmbə̀ʼ ɨ̀chɔ̀m we nɨ Ŋwiə̀ ə ghɨ̀ə̀.

Ɨ̀fàʼì 21:13

Àyɨə Pɔ̂l nyaʼa wììrɨ̀ ni, “Mbə̀ kɨ əni ghɨ̀ə̀ ye ə? Mbə̀ kɨə chweŋə mɨsɨ bə̀ wɔ̀ʼrɨ̀ mbɨ ɨwu ə? Mə fə tekɨ mɨ ɨnyod nɨ nyɨ ə ndəŋ bə̀ fɔrɨ nɨ kwɨ ə Jèrusalèm ɨmbə̀ʼ Ə̀nùŋɨ̀sɨg Yeso.”

1 Kɔrèn 15:23

Ŋwìə̀ bɨrɨ zwemnɨ wə̀d mɔʼ mɔʼ ɨwaŋ ɨwaŋ. Wə̀d rɨtu we nɨ wɨ̀ zwemnɨ yɨə Kristo. Ənɨ Kristo wɨrɨ yeʼe, wɨ̀ bɨrɨ beenɨ zwemnɨ bə̂d mbe nɨ yeʼ mbɨ Kristo.

Fìlipì 1:20

Ənû nɨ mə kàŋ kə̀b bə̀ kyerɨ ni zɨə bɨrɨ jwɨ ənɨ ənû nɨ mə̀ fə bə̀ nùŋ mɨ ɨkɔndɨ ɨ wòm yɨ ni chəi mɨ ətu ə bɨrɨ nɔ nìd ɨmbə̀ʼ ənû ze nɨ mɨə ghɨ̀ə̀. Àyɨə ənɨ mɨ̀nyùmə̀ jìm, màànɨ̀ rɨ̀nîn, mə berɨ ɨka fîŋ ɨmbə̀ʼ wumnɨ ə Kristo mbɨ mɨ ɨ̀tènɨ̀ jìm, kɨ̀ à kɨ ənɨ mə̀ yeʼ ɨkǎ kɨ̀ ənɨ mə̀ fə kwɨ,

Fìlipì 2:17

Kɨ̀ mə be kwɨ, mɨ ənəm ə bɨrɨ yeʼ ɨghabɨ ɨchəmnɨ nɨ mbɨ zɨ ɨgun ɨghɨ ə̀fà. Ɨghɨ ə̀fà mbe yɨ ɨbenɨ we nɨ mbə̀ nuŋ ɨgun ə Ŋwiə̀. Əne mɨ ɨnyod wɨə bɔ̀ŋə̀, mə bə̀ ghaʼrɨ ɨchî nɨ mbə̀n ə bə̀ ghaʼrɨə.

Fìlipì 2:30

ɨmbə̀ʼ ɨghəm nɨ wɨ̀ nyaʼa nɨrə kwɨ ɨchî nɨ wɨ̀ nyaʼə fàʼ əmbɨ Kristo. Wɨ̀ nyaʼa bə̀ sɔ̀ŋ i ɨ̀tènɨ̀ ɨmbə̀ʼ weerɨ əmɨ nɨ chəi ənɨ tɨ̀ mbə nyaʼa ghɨ̀ əne.

1 Tèsàlonikà 5:10

nɨ nyaʼa kwɨ ɨgwɨ mba ɨtu ɨmbə̀ʼ kɨ̀ tɨ wɨ ɨkǎ kɨ̀ tɨ fə kwɨ, tɨ̀ we tɨ rɨ chubɨ mbɨ məd.

Ɨnû 14:13

Ŋwìə̀ zɨ əbɔrəbɔd ɨgun ə bə̂d mbe nɨ kwɨ ənɨ mbɨ yeʼ ənɨ ɨfɔtɨ mbɨ Ə̀nùŋɨ̀sɨg! Əzwî ə ghà ni, “Ee, à yɨə kàŋ əne. Mbɨ bɨrɨ zwiirɨ tɨ ənɨ ɨ̀fàʼì mbe nɨ mbɨə fàʼə̀, ɨmbə̀ʼ ɨghəm nɨ ɨnû mbe nɨ mbɨ fə ghɨ̌ bɨrɨ beenɨ əbɔʼ mɨ̀mə̌d!”