Rm 12:17 - Meta’

¹⁷ Tɨ̀ mbə̀ wi ə ɨbə ənɨ ɨbə, àyɨə mbə̀ kywɨ ənywɨ ghɨ̀ yeʼ ɨnû mbe nɨ wə̀d jìm kyerɨ ni à yɨ ɨnû chɔ̀m.

Ikan feg

¹⁷ Imbə̀ʼ mbə̰ ywiti awən anug tibɔ̀ŋ igun anug tibɔ̀ŋ. Mbə̀ ghì ika ni ya ghìyə̀ yaʼ inug ne bəd məjìm biri bàd gha à ya inug ìchɔ̀mì.

Rm 12:17 Cross References

Matìyò 5:24

nùŋ əghɨ ze ɨfě ɨkwi ɨjə̀ŋ we, bè wò màànɨ̀ tàŋ mbɨ we aŋgɔb, bɔŋ sɨ wò nàʼ.

Matìyò 5:39

Àyɨə mə wɨə ghà ɨ nən ni, tɨ mbə̀ nod əwən tɨ ənɨ ə wə̀d nɨə ghɨ̀ ɨnû rɨbɔ̀ŋ. Wə̀d mɔʼɔ mɨ nìb e ɨnwa jɨgɨ, à bèŋ wɨ tweŋ chwi ɨ bɔ.

Rm 12:19

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ wi ə pə̀n, àyɨə mbə saŋ ənû nɨ wi pə̀n əmbɨ ə Ŋwiə̀, ɨmbə̀ʼ ɨghəm nɨ ə zɨ ɨŋga Ə̀ŋwàʼnɨ̀ ə Ŋwiə̀ ni, Ə̀nùŋɨ̀sɨg ə ghà ni, “À yɨ mɔ̌ ə wìə̀ pə̀n. Mə bɨrɨ wì.”

Rm 14:16

Tɨrə̀ ben e ni əghɨ ze nɨə bɔŋ ɨ ne ə yeʼ əghɨ nɨ bə̂d ə ghà ni zɨ̀ rɨka bɔŋ i.

Kòlosè 4:5

Mbə̀ we əwən ɨchî nɨ mbə̀ə ghɨ̀ə̀ mbɨ ə bə̂d mbe nɨ kaʼi bə̂d Kristo. Mbə̀ nɨŋ əpan ze nɨ mbə̀ berɨ fàʼ mbɨ mɨ̀mə̌d ɨchî chɔ̀m.

1 Tèsàlonikà 4:12

Mbə ghɨ əne ɨmbə̀ʼ bə̂d mbe nɨ kaʼi bə̂d Kristo wumnɨ əwən fɔrɨ ɨmbə̀ʼ tɨ mbə̀ kəb ə ni bə̂d cherə naʼ ɨghɨ mbe nɨ mbə̀ kəbɨ.

1 Tèsàlonikà 5:15

Mbə̀ zə ni tɨ wə̀d mɔʼɔ rəbɔʼ nən wi i ɨbə ɨgwɨ ɨbə, àyɨə mbə kywɨ ənywɨ ghɨ̀ ɨ̀chɔ̀m ənɨ wə̀d mɔʼ mɔʼ bə̀ ghɨ̀ ənɨ ə wə̀d jìm.

1 Tèsàlonikà 5:22

ton tɨkwɨrɨ ɨnû jìm mbe nɨ rɨka bɔŋ i.

1 Timotì 5:14

Əne mə wɨə kəərɨə mɨku əyi mbe nɨ chəi mbɨ kɨrɨ nunə ni mbɨ wɨrɨ nam, gywɨ bɔn, nəŋgɨ bə̂d mbe nɨ yeʼ ɨŋga nəb tɨ mɨ̀mə̌d, ɨmbə̀ʼ tɨ bə̂d pə̀n berɨ ə əpan nɨ gha ɨnû rɨbɔ̀ŋ ɨgwɨ na,

1 Pità 2:12

Mbə mɨchî əkaʼ bə̂d mbe nɨ kaʼi mɨ̀Jû berɨ bɔ̀ŋ, ɨmbə̀ʼ ka mbɨ bè gha ə ni mbə yɨə bə̂d nɨə ghɨ̀ ɨnû rɨbɔ̀ŋ, mbɨ bɨrɨ zə ɨnû chɔ̀m mbe nɨ mbə̀ə ghɨ̀ əne yiirɨ ə Ŋwiə̀ əni ze nɨ wɨ̀ bɨrɨ wɨrɨ yeʼe.

1 Pità 3:16

Mbə̀ berɨ fîŋ nɨ zeŋɨ, ɨmbə̀ʼ ɨtu nid bə̂d mbe nɨə ghà ɨnû rɨbɔ̀ŋ ɨmbə̀ʼ mɨchî chɔ̀m mbe nɨ mbə̀ berɨ ɨchî nɨ mbə̀ yeʼ bə̂d Kristo,

1 Pità 3:9

Tɨ mbə̀ wi ə ɨbə ɨgwɨ ɨbə. Tɨ mbə wi ə mɨzɔ̂m ɨgwɨ mɨzɔ̀m. Bə̂d mɨ ghɨ̀ ənû ənɨ ə nən, mbə̀ wi yeʼ ənɨ əbɔrəbɔd. Ŋwiə̀ nyaʼa tɔŋ əwən ni mbə ghɨ əne ɨmbə̀ʼ wɨ̀ zɨ əbɔrəbɔd ɨgwɨ nən.