Rm 12:14 - Meta’

¹⁴ Mbə̀ zɨ əbɔrəbɔd ɨgun ə bə̂d mbe nɨə nwèndɨ̀ tə rɨkyerɨ-ɨwu. Mbə̀ zɨ yeʼ əbɔrəbɔd, kaʼi ndɔ̀n.

Ikan feg

¹⁴ Mbə chaʼra Ŋwiye gha wì ziye àbɔrɔ̀bɔd igun bəd mbe ne chɔ̀ʼrɔ ìmbən ibɔʼì ighog. Mbə gha Ŋwiye ziye yaʼ àbɔrɔ̀bɔd igun inɔb, kayi ndɔ̀n.

Rm 12:14 Cross References

Matìyò 5:44

Àyɨə mə ghà ɨ nən ni, mbə̀ ghaʼ mbə bə̂d pə̀n bə̀ kɔŋgɨ ə Ŋwiə̀ ɨgun ə bə̂d mbe nɨə nwèndɨ̀ tə rɨkyerɨ-ɨwu,

Lk 23:34

Yeso nyaʼa ghà ni, “Mɨ Mbǎʼ, waʼ ɨnû rɨbɔ̀ŋ mɨ̀mə̌d, ɨmbə̀ʼ ɨghəm nɨ chəi mbɨ kyerɨ ənû ze nɨ mbɨə ghɨ̀ə̀.” Mɨ̀sɔgyɨ̀ mbe nyaʼa sɔ̀ŋ mbaŋ ɨmbə̀ʼ ghàpɨ̀ ngywɨ̌ rɨ məd.

Lk 6:28

Mbə̀ zɨ əbɔrəbɔd ɨgun ə bə̂d mbe nɨə zɨ̀ə̀ ndɔ̀n ɨgwɨ nən, bə̀ kɔ̀ŋgɨ̀ ə Ŋwìə̀ ɨgwɨ mbe nɨə zɔ̀m əwən.

Ɨ̀fàʼì 7:60

Ənɨ wɨ̀ nyaʼa ghà əne, wɨ̀ nyaʼa chìndɨ̀ ɨtu ɨnywɨ ə si, kyeŋ rɨ̀kǎ ghà ni, “Ə̀nùŋɨ̀sɨg, tɨrə̀ yim e mɨ̀mə̌d ɨŋga fîŋ ɨmbə̀ʼ ənû rɨbɔ̀ŋ zɔ̂ nɨ mbɨ ghɨ.” Ənɨ wɨ̀ nyaʼa ghà əne, wɨ̀ nyaʼa mèndɨ̀.

Rm 12:21

Tɨrə̀ ben e ni ɨnû rɨbɔ̀ŋ baŋ əwe, àyɨə baŋ ɨnû rɨbɔ̀ŋ mbɨ ɨ̀chɔ̀m.

1 Tèsàlonikà 5:15

Mbə̀ zə ni tɨ wə̀d mɔʼɔ rəbɔʼ nən wi i ɨbə ɨgwɨ ɨbə, àyɨə mbə kywɨ ənywɨ ghɨ̀ ɨ̀chɔ̀m ənɨ wə̀d mɔʼ mɔʼ bə̀ ghɨ̀ ənɨ ə wə̀d jìm.

Jems 3:10

Ənû nɨ yiirɨ ə Ŋwiə̀ mbɨ ənû nɨ zɨ ndɔ̀n ɨgun ə wə̀d mbɨə jwɨ̀ àmei rɨŋga ɨchû mɔʼ. Mbɨ bɔŋgɔb, tɨ zɨə yeʼi əne!

1 Pità 3:9

Tɨ mbə̀ wi ə ɨbə ɨgwɨ ɨbə. Tɨ mbə wi ə mɨzɔ̂m ɨgwɨ mɨzɔ̀m. Bə̂d mɨ ghɨ̀ ənû ənɨ ə nən, mbə̀ wi yeʼ ənɨ əbɔrəbɔd. Ŋwiə̀ nyaʼa tɔŋ əwən ni mbə ghɨ əne ɨmbə̀ʼ wɨ̀ zɨ əbɔrəbɔd ɨgwɨ nən.