Rm 12:12 - Meta’

¹² Mbə̀ ghaʼrɨ əwən ɨmbə̀ʼ ɨghɨ mbe nɨ mbə̀ nuŋ rɨkɔndɨ ɨ wòm, yim fîŋ ənɨ mɨ̀nyùmə̀ jìm mbe nɨ mbə̀ə zəə ŋgəʼ bə̀ kɔŋgɨ ə Ŋwiə̀ ənɨ mɨ̀nyùmə̀ jìm.

Ikan feg

¹² Mbə̀ ya gyènde imbə̀ʼ inug mbe ne Anɔŋisəg kàʼi nɔ̀ŋì inən. Anyumə̀ ne mbə̰ mbe chè inga ngəʼ, mbə̀ ya nyìmbe fìŋ. Mbə̀ ya chàʼrà Ŋwiye mà nyumə̀ ijìm.

Rm 12:12 Cross References

Matìyò 5:12

Mbə̀ ghaʼrɨ bə̀ gyendɨ əwən, ɨmbə̀ʼ ɨghəm nɨ Ŋwìə̀ bɨrɨ naʼ ɨneʼe kyeŋ ɨ nən ɨkaŋ. À yɨə bə̀ ɨchî nɨ bə̂d nyaʼə nwèndɨ̀ rɨkyerɨ-ɨwu bə̂d ɨ̀kə̀n Ŋwiə̀ mbe nɨ nyaʼa ɨmbì ɨ nən.

Lk 10:20

Àyɨə tɨ mbə ghaʼ àmei ni ɨzwî rɨbɔ̀ŋ mbɨə zuunɨ əwən, àyɨə mbə ghaʼ yeʼ ɨmbə̀ʼ ɨghəm nɨ Ŋwìə̀ fə ŋwaʼnɨ tə rɨkum ɨkaŋ.”

Lk 21:19

Mbə mɨ nyìʼ, mbə bɨrɨ jɨg ɨ̀tènɨ̀ rəsìʼ.

Lk 8:15

Ɨghɨ mbe nɨ nyaʼa feŋ ɨŋga si chɔ̀m, yɨə bə̂d mbe nɨ ənɨ mbɨ zu ɨŋgam we, mbɨ yim wɨ kàànɨ ɨŋga tə fîŋ te nɨ zeŋɨ bə̀ bɔ̀ŋ, əne yim fîŋ pè ənɨ mbɨ ghɨ ɨnû mbe nɨ Ŋwìə̀ kə̀bɨ.

Ɨ̀fàʼì 1:14

Mɨ̀mə̌d mbɔ̂ mɨ̀jìm mbɨə nyaʼə bòmnɨ̀ə̀ kɔ̀ŋgɨ̀ ə Ŋwiə̀ ənɨ ə fîŋ mɔʼ. Ɨ mbɨə nyaʼə bòmnɨ̀ə̀ mbɨ məyi, mbɨ Mèri ɨŋgɔb Yeso fɔrɨ mbɨ ə bɔŋgɔb məd.

Ɨ̀fàʼì 12:5

Əne mbɨ nyaʼa nuŋ ə Pità ə nəb ndəŋ. Àyɨə ɨfetɨ bə̂d Kristo wɨə nyaʼə kɔ̀ŋgɨ̀ ə Ŋwiə̀ ɨgwɨ məd ənɨ tə fîŋ rɨjìm.

Ɨ̀fàʼì 2:42

Mbɨ nyaʼa zɨ ətu ənɨ ɨnû mbe nɨ bə̂d tom Kristo nyaʼə chwiə. Ɨ mbɨə nyaʼa ənɨ ɨfɔtɨ, əne ɨ mbɨə nyaʼə bəʼrɨə ŋgə̀ŋ jɨg ɨnɔ̂n bə̀ kɔŋgɨ ə Ŋwiə̀ ɨnɔ̂n.

Ɨ̀fàʼì 6:4

Əne mbǎ ənɨ wa rɨghəm, tɨ̀ bɨrɨ ten nɨ kɔŋgɨ ə Ŋwiə̀ bə̀ ten nɨ ghà ɨŋgam Ŋwiə̀.”

Rm 15:13

Ŋwìə̀ we nɨə ghɨ̀ ni mbə̀ berɨ ɨghɨ mbe nɨ mbə̀ə wòmə̀, ghɨ ni ɨghaʼi swi ɨŋga tə fîŋ, mbə̀ bə chub ənɨ əbɔrəbɔd ɨchî nɨ mbə̀ ben əməd, ɨmbə̀ʼ Əzwî ə Zeŋɨ ə ghɨ̀ ni mbə̀ wo ɨmbì wòm ɨnû mbe nɨ Ŋwiə̀ nyaʼa kaʼi.

Rm 15:4

Ɨŋgam wɔ̂ yɨ ɨmbə̀ʼ ɨghəm nɨ ɨnû mbe nɨ mbɨ nyaʼa ŋwaʼnɨ rəŋwe, mbɨ nyaʼa ŋwàʼnɨ̀ ɨmbə̀ʼ kəərɨ əwa. Mbɨ nyaʼa ŋwaʼnɨ ɨmbə̀ʼ ɨghəm nɨ ənjìm ɨnyiʼ fîŋ bə̀ fɔrɨ ənjìm ɨka we nɨ Ə̀ŋwàʼnɨ̀ ə Ŋwiə̀ ə nàʼ ɨ na, tɨ̀ we tɨ̀ rɨ̀ wòm ɨnû mbe nɨ Ŋwiə̀ nyaʼa kaʼ ɨ na.

Rm 2:7

Wɨ̀ bɨrɨ naʼ ɨ̀tènɨ̀ rɨ mì əmbɨ ə bə̂d mbe nɨə yimə fîŋ ghɨ̀ ɨ̀chɔ̀m, nɨə kə̀b ɨzeŋɨ zeŋɨ mbɨ ɨwumnɨ fɔrɨ ənû nɨ chəi bə̂d bɨrɨ nɔ kwɨ.

Rm 8:25

À mɨ yeʼ nɨ tɨə nùŋ ɨkɔndɨ wòm əghɨ ze nɨ chəi tɨə zəə, njɨ tɨ̀ bɨrɨ wòm mbɨ ɨyim fîŋ.

1 Kɔrèn 13:13

Əne ɨnû mbɔ̂ tad fə ten i koŋ. Ɨnû mbe yɨ ənû nɨ nuŋ fîŋ ɨgun ə Kristo, ənû nɨ nuŋ ɨkɔndɨ wòm ɨnû jìm mbe nɨ tɨ̀ benɨ mbɨ ənû nɨ ghaʼ aŋgɔb. Àyɨə əze nɨ che mbɨ cherə yɨ ənû nɨ ghaʼ aŋgɔb.

2 Kɔrèn 12:8

Mə nyaʼa buʼ ɨbɔ əmbɨ Ə̀nùŋɨ̀sɨg ɨghəm tad ni wɨ̀ chɨ əwɔn zɔ̂.

Fìlipì 3:1

Mbɨ bɔŋgɔb, bɔŋ mə sɨə màànɨ̀ə̀, mə wɨə ghà ɨ nən ni mbə̀ ghaʼ ɨchî nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg. Kaʼi ŋgəʼ mɔʼɔ ɨ num nɨ wɨrɨ ŋwaʼnɨ ɨnû mbe nɨ mə̀ nyaʼa be ŋwàʼnɨ̀ ɨ nən. Mə wɨə ghɨ̀ əne ɨmbə̀ʼ tɨ ŋgəʼ nyɨ i ɨgwɨ nən.

Fìlipì 4:4

Mbə̀ ghaʼrɨ ɨghəm jìm ɨchî nɨ mbə̀ yeʼ ənɨ ɨfɔtɨ mbɨ Kristo. Mə yì ghà ɨ nən ni: Mbə ghaʼrɨ!

Kòlosè 1:11

Ŋwiə̀ we nɨ berɨ ɨka nɨ chè ɨka jìm ghɨ ni mbə̀ jeŋgɨ təm kàànɨ̀ ɨmbə̀ʼ mbə̀ sɨə nyìʼ əton ə ŋgəʼ, sɨə yimə fîŋ, sɨə ghaʼə bɔŋgɔb,

Kòlosè 1:27

Ŋwiə̀ nyaʼa kàŋ kə̀b ni bə̂d məd kyerɨ ni ənû ə kyeŋ ze nɨ yeʼ ənə̀mə yɨə bə̀ əmbɨ ə bə̂d mbe nɨ kaʼi mɨ̀Jû. Ənû ze nɨ yeʼ ənə̀mə yɨ ni Kristo wɨ ɨŋga mbə̀n mbe nɨ kaʼi mɨ̀Jû. Əne yɨ ni mbə bɨrɨ bɨ berɨ ɨwumnɨ ɨghabɨ wɨ məd.

Kòlosè 4:12

Epafràs, nɨ yeʼ wə̀d ə̀fàʼì Kristo, nɨ bə̀ yeʼ wə̀d rəbɔʼ nən wɨə chàʼrɨ̀ əwən. Ɨ wɨə kɔ̀ŋgɨ̀ ə Ŋwiə̀ kwàʼ rɨka ɨghəm jìm kɔndɨ əwən ni mbə̀ təm kàànɨ̀ bə̀ jeŋgɨ kyerɨ ɨnû jìm mbe nɨ Ŋwìə̀ kə̀bɨ.

Kòlosè 4:2

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm. Mbə mɨ yeʼə kɔ̀ŋgɨ̀ə̀, mbə̀ chub ɨkyèʼe bə̀ nàʼə̀ məben-əwe ɨ bɔ.

1 Tèsàlonikà 1:3

Ənɨ tɨə kɔŋgɨ Ŋwiə̀ a Mbǎʼ, tɨ̀ wɨə kɔndɨ ɨnû mbe nɨ mbə̀ə ghɨ̀ə̀ ɨchî nɨ mbə̀ nuŋ fîŋ ɨgun ə Yeso. Tɨ̀ wɨə bə̀ kɔndɨ ɨchî nɨ mbə̀ə fàʼə̀ rɨ̀kǎ ɨmbə̀ʼ weerɨ bə̂d ɨmbə̀ʼ ɨghəm nɨ mbə ghaʼ mɨ̀mə̌d. Tɨ̀ wɨə bə̀ kɔndɨ ɨchî nɨ mbə̀ə nyìʼə̀ fîŋ wòm ɨchî nɨ a Ə̀nùŋɨ̀sɨg Yeso Kristo bɨrɨ chɨ əwən rəŋgəʼ.

1 Tèsàlonikà 5:8

Àyɨə ɨchî nɨ tɨə ghɨ̀ ɨnû nɨ kuʼnɨ, tɨ̀ yimbɨ a ɨnyod, zɨ̀ fîŋ ɨgun ə Kristo bə̀ ghaʼ mbə bɔŋgɔb àmei ɨghabɨ ɨchî nɨ sɔgyɨ̀ zɨ ə parɨwa ətənɨ nɨ kən ɨgɔ̂. Mbə̀ nùŋ ɨkɔndɨ wòm ɨchî nɨ Ə̀nùŋɨ̀sɨg bɨrɨ chɨ əwa rəŋgəʼ àmei ɨghabɨ ɨchî nɨ sɔgyɨ̀ zɨ ɨdəm ətənɨ nɨ kən ətu.

2 Tès 1:4

Əne tɨ̀ wɨə goŋ ɨgɔ̂ ɨmbə̀ʼ əwən ɨŋga rɨfetɨ bə̂d Ŋwiə̀ ɨchî nɨ mbə̀ə nyìʼə̀ fɔrɨ ɨmbə̀ʼ ɨchî nɨ ə ɨbenɨ kaanɨ ənɨ mɨ̀nyùmə̀ jìm mbe nɨ mbɨə nwèndɨ̀ tə rɨkyerɨ-ɨwu fɔrɨ ənɨ mbɨə zəə ŋgəʼ.

2 Tès 3:5

Ə̀nùŋɨ̀sɨg ghɨ ni mbə̀ jeŋgɨ kyerɨ ɨchî nɨ Ŋwìə̀ ghaʼ əwən, bə̀ ghɨ̀ ni mbə nyiʼ ənɨ bə̂d ə nwèndɨ̀ tə rɨkyerɨ-ɨwu àmei ɨchî nɨ Kristo ziə nyaʼa bə nyìʼ.

1 Timotì 6:11

À yeʼ ɨmbə̀ʼ əwe, àwɔ̀ wə̀d Ŋwìə̀, fə ton ɨnû mbɔ̂ jìm. Ghɨ yeʼ ənû mbe nɨ kuʼnɨ bə̀ ghɨ̀ yeʼ mbe nɨ Ŋwìə̀ kəbɨ. Nuŋ fîŋ ɨgun ə Kristo, ghaʼ bə̂d, chi ɨnû bə̀ berɨ ɨbɔtɨ fîŋ.

2 Timotì 3:10

À yeʼ ɨmbə̀ʼ əwe, àwɔ̀ Timotì, à fə kyerɨ e ɨnû mbe nɨ mə̀ nyaʼə chwiə, à fə kyerɨ e ɨchî nɨ mə̀ nyaʼə ghɨ̀ ɨnû, à fə kyerɨ e ɨnû mbe nɨ mə̀ nyaʼə kəb nɨ ghɨ. À fə kyerɨ e ɨchî nɨ mə̀ nyaʼa nuŋ fîŋ ɨgun ə Ŋwìə̀. À fə kyerɨ e ɨchî nɨ mə̀ nyaʼə yimə fîŋ. À fə kyerɨ e ɨchî nɨ mə̀ nyaʼə ghaʼ ə bə̂d. À fə kyerɨ e ɨchî nɨ mə nyaʼə nyìʼ əton ə ŋgəʼ.

Tayitùs 2:13

Tɨ̀ wɨə nùŋə̀ rɨkɔndɨ wòm əbɔrəbɔd ze nɨ Ŋwiə̀ kaʼ ɨ na. Əbɔrəbɔd ze ə bɨrɨ yeʼe ənɨ ə nyùmə̀ we nɨ a Ŋwìə̀ kyeŋ Ə̀nùŋɨ̀sɨg Yeso Kristo wɨrɨ yeʼe mbɨ ɨwumnɨ.

Tayitùs 3:7

Wɨ̀ nyaʼa nàʼ əne ɨmbə̀ʼ tɨ̀ we tɨ̀ rɨ chè ənjìm ɨ̀chɔ̀m we təm kùʼnɨ̀ ɨfě məd bə̀ jɨg ɨ̀tènɨ̀ rɨ mì we nɨ tɨ̀ nuŋ ɨkɔndɨ ɨ wòm.

Mə̀Hibrù 10:32

Mbə̀ kɔndɨ ɨni mbe nɨ nyaʼa fə che i. Mbə̀ kɔndɨ ɨchî nɨ ənɨ mbə̀ nyaʼa zə ɨzeŋɨ zeŋɨ Ŋwiə̀, mbə mbɨə nyaʼə kàŋə̀ zə ə ŋgəʼ àyɨə mbə nyaʼa nyìʼ kwàʼ ɨchî chɔ̀m.

Mə̀Hibrù 10:36

Mbə berɨ nyiʼ, ɨmbə̀ʼ mbə ghɨ ənû ze nɨ Ŋwìə̀ kə̀bɨ. Mbə mɨ ghɨ̀ əne, mbə bɨrɨ berɨ əghɨ ze nɨ Ŋwìə̀ kaʼ ɨ nən.

Mə̀Hibrù 12:1

Ɨchî nɨ mɨ̀zərɨmbin mbɔ̂ ɨnɔ̂n kyeŋ kaŋ kad əwa, əne tɨ̀ waʼ ɨnû jìm mbe nɨə kən ɨnə̂njɨ̀ ɨ na bə̀ waʼ ɨnû rɨbɔ̀ŋ mbe nɨ kod əwa. Tɨ̀ notɨ ə̀nòtɨ̀ ze nɨ yeʼ ɨmbì ɨ na mbɨ ɨnyiʼ fîŋ.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Mə̀Hibrù 5:7

Ənɨ Yeso nyaʼa ɨgwɨ ə si, ɨ wɨə nyaʼə kɔ̀ŋgɨ̀ ə Ŋwìə̀ bə̀ nɔn ɨnû rɨ əmbɨ ə Ŋwìə̀ we nɨ tɨ̀ wɨ̀ nyaʼa fe əməd tɨ əmbɨ ɨvɨ. Ɨ wɨə nyaʼə kɔŋgɨ əne mbɨ əwob ə ka ka fɔrɨ mbɨ mɨsɨ əghə. Ŋwiə̀ nyaʼa zu ə̀kɔ̀ŋgɨ̀ əməd ɨmbə̀ʼ ɨghəm nɨ wɨ̀ nyaʼa swi i ɨnyod wumnɨ ə Ŋwiə̀.

Mə̀Hibrù 6:12

Chəi tɨ̀ kəb ni mbə̀ ghɨ ɨgwed. Mbə̀ ghɨ yeʼ ɨnû mbe nɨ bə̂d mbe nɨ ənjìm ɨbenɨ fɔrɨ ənjìm ɨyim fîŋ nyaʼə ghɨ̀ə̀. Mbɨ nyaʼə ghɨ̀ əne ɨmbə̀ʼ jɨg ɨghɨ mbe nɨ Ŋwìə̀ nyaʼa kaʼi.

Mə̀Hibrù 6:15

Abràham nyaʼa yim fîŋ bə̀ wòm, əne wɨ̀ nyaʼa berɨ əghɨ ze nɨ Ŋwìə̀ nyaʼa kaʼ ɨ bɔ.

Jems 5:7

Mbɨ bɔŋgɔb, mbə̀ yim fîŋ pè əni ze nɨ Ə̀nùŋɨ̀sɨg bɨrɨ wɨrɨ yeʼe. Mbə̀ zə, wə̀d nɨə fàʼə̀ mbeŋ wɨə wòmə̀ ni ɨghɨjɨg kɔʼ ə mbeŋ. Ɨ wɨə yimə fîŋ wòmə̀ kɔ rɨ ənɨ mbə̀ŋ chubɨ wò pè ənɨ mbə̀ŋ ə sobə.

1 Pità 4:13

Àyɨə mbə̀ ghaʼ ɨchî nɨ mbə̀ə zəə ŋgəʼ ɨchî nɨ Kristo nyaʼa bə zə. Ɨghaʼi bɨrɨ swi ɨŋga tə fîŋ ənɨ wɨ̀ wɨrɨ yeʼe ɨŋga ɨzeŋɨ zeŋɨ məd.

1 Pità 4:7

Ɨnwǐ ɨghɨjìm fə tiinɨ, əne mbə nuŋ mbə ɨtu mbɨ zeŋ bə̀ yimbɨ ə ɨnyod ɨmbə̀ʼ kyerɨ ɨchî nɨ kɔŋgɨ ə Ŋwiə̀.

2 Pità 1:6

Ɨchî nɨ mbə̀ kyerɨ ə Ŋwiə̀ ə ghɨ ni mbə̀ yimbɨ ɨnyod. Ɨchî nɨ mbə̀ə yimbɨ ɨnyod ə ghɨ ni mbə̀ chi ɨnû. Ɨchî nɨ mbə̀ə chì ɨnû ə ghɨ ni mbə̀ wumnɨ ə Ŋwìə̀.

Ɨnû 13:10

Mbɨ mɨ berɨ gywɨ wə̀d mɔʼ wò mbɨ wɨwən, mbɨ berɨ bɨ gywɨ nɨŋ wò. Mbɨ mɨ berɨ zwiirɨ wə̀d mɔʼɔ ənɨ ɨbi bid, mbɨ berɨ bɨ zwiirɨ. Əne yɨ ni bə̂d Ŋwiə̀ berɨ nyiʼ. Mbɨ bə̀ berɨ kɨrɨ nuŋ fîŋ ɨgwɨ məd.