Rm 11:13 - Meta’

¹³ Mə yɨ əni ghàm ɨ nən, mbə̀n mbe nɨ kaʼi mɨ̀Jû. Ɨchî nɨ mə̀ yeʼ wə̀d tom əmbɨ ə bə̂d mbe nɨ kaʼi mɨ̀Jû, mə wɨə zɨ̀ ətu ənɨ ə̀fàʼì ze nɨ Ŋwìə̀ chɔʼ əmɨ ni mə̀ faʼ ə

Ikan feg

¹³ Mə ya bə̀ ghàmà inən mbə̰ mbe ne kayi mə̀Ju. Icheg ne mo ya wə̀dtɔm Kristo abə bəd ne kayi mə̀Ju, mə ya kə̀bə̀ ni zì atog ane àfàʼì ze ne Ŋwiye chɔ̀ʼi amə gha mə faʼa.

Rm 11:13 Cross References

Ɨ̀fàʼì 13:2

Ənɨ mbɨ nyaʼə wumnɨ ə Ə̀nùŋɨ̀sɨg bə̀ chubə rɨ jɨg, Əzwî ə Zeŋɨ ə nyaʼa ghà əmbɨ mɨ̀mə̌d ni, “Mbə̀ sweŋ ə Banabàs mbɨ Sɔ̂l ɨ num ɨmbə̀ʼ mbɨ faʼ ə̀fàʼì ze nɨ mə chɔʼ mɨ̀mə̌d ni mbɨ faʼa.”

Ɨ̀fàʼì 22:21

Ə̀nùŋɨ̀sɨg nyaʼa ghà ɨ num ni, 'Ndə̀, ɨmbə̀ʼ ɨghəm nɨ mə bɨrɨ cha əwe əsa əgha əsɨ ə bə̂d mbe nɨ kaʼi mɨ̀Jû.'”

Ɨ̀fàʼì 9:15

Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

Gàlesìyà 1:16

nɨ chwi i Wan ɨ num, ɨmbə̀ʼ mə̀ gha ɨkə̂n chɔ̀m ɨmbə̀ʼ əməd əmbɨ ə bə̂d mbe nɨ kaʼi mɨ̀Jû. Ənɨ wɨ̀ nyaʼa ghɨ ɨ̀chɔ̀m we ənɨ ə num əne, chəi mə̀ nyaʼa ghambɨ mbɨ wə̀d mɔʼɔ.

Gàlesìyà 2:2

Mə nyaʼa wò ɨmbə̀ʼ ɨghəm nɨ à yɨə Ŋwìə̀ nyaʼa chwi ɨ num ni mə̀ wo əŋgu. Mə nyaʼa wò pè tòʼrɨ̀ ɨkə̂n chɔ̀m we nɨ mə nyaʼə ghà əmbɨ ə bə̂d mbe nɨ kaʼi mɨ̀Jû. Mə nyaʼa tòʼrɨ̀ àmei əmbɨ ə bə̂d mbe nɨ nyaʼə chà ɨfetɨ we rɨ ə Jèrusalèm. Mə nyaʼa ghɨ̀ əne ɨmbə̀ʼ tɨ ə̀fàʼì ze nɨ mɨə fàʼə̀ kɨ̀ əze nɨ mə nyaʼa fə faʼi, ə che ətu ə̀kǒ.

Efesùs 3:8

Ka à bè yeʼi ni mə kə chè wɨ kwa rəbɔʼ bə̂d Ŋwiə̀ mɨ̀jìm, àyɨə Ŋwiə̀ nyaʼa ghɨ̀ ɨ̀chɔ̀m ənɨ ə num ni mə̀ gha əmbɨ ə bə̂d mbe nɨ kaʼi mɨ̀Jû ɨmbə̀ʼ mbɔ̂n ze nɨ chəi zɨ̀ bɨrɨ nɔ mì, nɨ tɨ̀ berɨ àmei ɨchî nɨ mbɨ kyerɨ ə Kristo.

1 Timotì 2:7

À yɨ ɨmbə̀ʼ ənû zɔ̂ nɨ Kristo nyaʼa chɔʼ əmɨ ni mə̀ gha ɨŋgam Ŋwiə̀, bə̀ yeʼ wə̀d tom, bə̀ yeʼ wə̀d nɨə chwi ɨnû ɨmbə̀ʼ ɨbenɨ mbɨ we nɨə chwi rəsìʼ ɨmbə̀ʼ Kristo əmbɨ bə̂d mbe nɨ kaʼi mɨ̀Jû. Chəi mɨə ghàə̀ mɨghab. Mə wɨə ghàə̀ yeʼ rəsìʼ.