Rm 11:10 - Meta’

¹⁰ Əghə mɨ̀mə̌d ə fə fin ɨmbə̀ʼ tɨ mbɨ zə ə ɨsɨ. Njìm tɨ mɨ̀mə̌d fə bə̀ gumə koŋ.”

Ikan feg

¹⁰ Àzɔb aghə ze fin imbə̀ʼ mbi nɔ̀ʼ bàd isiŋi. Ìtɔb njìm te gumnə ane ighə̀m imɔʼ.”

Rm 11:10 Cross References

Rm 1:21

Ka à bè yeʼi ni mbɨ nyaʼa kyerɨ ə Ŋwiə̀, àyɨə chəi mbɨ nyaʼa nàʼ ɨwumnɨ we ɨ bɔ ni məd yɨə Ŋwiə̀, kɨ̀ bè nàʼ məben-əwe ɨ bɔ. Ɨ mbɨə nyaʼə kɔndɨ yeʼ ɨnû əko. Əne ɨchî nɨ tɨkɔndɨ tɨ mɨ̀mə̌d nyaʼa tɨ əko, chəi mbɨ nyaʼə wɨrɨə kɔndɨ ənû ə chɔ̀m ə mɔʼɔ.

Rm 11:8

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ŋwìə̀ nyaʼa nàʼ əzwî ze nɨə ghɨ̀ ni bə̂d fundɨ əmbɨ mɨ̀mə̌d, bə̀ nàʼ əghə ɨmbə̀ʼ tɨ mbɨ zə ə ɨsɨ bə̀ nàʼ ɨ̀tǒŋ ɨmbə̀ʼ tɨ mbɨ zu ə ɨnû. Mbɨ nyaʼa chub əne yeʼe pè rə̀chɔ̀ŋ.”

Efesùs 4:18

Ɨ mbɨə kɨrɨ ɨŋga ɨzimɨ. Chəi mbɨ berɨ ənû ə mɔʼɔ ɨŋga ɨ̀tènɨ̀ we nɨ Ŋwìə̀ ə nàʼə̀, ɨmbə̀ʼ ɨghəm nɨ chəi ɨtu fîŋ mɨ̀mə̌d ben mbɨ kyerɨ ənû.

2 Pità 2:17

Məchwiə̀-ɨnû mɨghab mbɔ̂ yɨ ɨghabɨ mɨ̀jwɨ̀-əmboŋ nɨ fə zomɨ. Mbɨ yɨ ɨghabɨ ə pàʼ nɨ əfim ə bèʼè chè i che, nɨ chəi zɨə ghɨ̀ ni mbə̀ŋ nɔ. Ŋwìə̀ fə nùŋ rɨmbin əmbɨ mɨ̀mə̌d ɨŋga əsɨ ze nɨə finə kììm.

2 Pità 2:4

Wɨ̀ bɨrɨ ghɨ əne ɨmbə̀ʼ ɨghəm nɨ wɨ̀ nyaʼa bə̀ chə mbɨ̀aŋgɨrə̀ mbe nɨ nyaʼa ghɨ ɨnû rɨbɔ̀ŋ. Wɨ̀ nyaʼa màʼ mɨ̀mə̌d ɨŋga əsɨ ɨchə, nɨ yeʼ əsɨ nɨ wɨ̀ kod mɨ̀mə̌d ənɨ mɨ̀kàrə̀ ɨŋga ɨsɨ mbe nɨə finə kììm, ɨmbə̀ʼ mbɨ chub əŋgu pè əni ze nɨ wɨ̀ bɨrɨ saʼ ɨsɨg.

Jûd 1:13

Mbɨ yɨ ɨghabɨ rɨ̀bàà nɨə kɔʼə swiʼə kwàʼ rɨ̀kǎ ghɨ̀ əjo. Əjo ze yɨ tɨ̀nìd ətu əmbɨ mɨ̀mə̌d. Mbɨ yɨ ɨghabɨ rɨtəmɨ te nɨə yènɨ̀ yenɨ, nɨ Ŋwìə̀ fə nuŋ əsɨ əmbɨ mɨ̀mə̌d ɨŋga ɨsɨ mbe nɨə finə kììm. Mbɨ bɨrɨ chub əŋgu koŋ.

Jûd 1:6

Mə wɨə bə̀ nɔ̀ɔ̀rɨ̀ mbə ɨtu ɨmbə̀ʼ mbɨ̀aŋgɨrə̀ mbe nɨ chəi mbɨ nyaʼa yim ɨsɨ mbe nɨ Ŋwìə̀ nyaʼa naʼ əmbɨ mɨ̀mə̌d. Mbɨ nyaʼa sàŋ əsɨ ze nɨ mbɨ nyaʼə chub əŋgu. Ŋwìə̀ fə kod mɨ̀mə̌d ənɨ mɨ̀kàrə̀ koŋ əne nùŋ ɨŋga ɨsɨ mbe rɨ əton nɨə finə kììm. Mbɨ bɨrɨ chub əŋgu sɨə wòm Əni ə kyeŋ ze nɨ Ŋwìə̀ bɨrɨ saʼ ɨsɨg.