Mk 9:2 - Meta’

² Ənɨ ɨni nyaʼa chè rɨ̀fuə, Yeso nyaʼa nɨŋ ə Pità mbɨ Jems fɔrɨ ə Jɔ̌n mbɨ kɔʼ wò ɨkaŋ ɨwum se mɔʼɔ, əsɨ nɨ àmei mɨ̀mə̌d nyaʼa əŋgu. Ənɨ mbɨ nyaʼa pè əŋgu, ɨnyod məd nyaʼa kwepə ɨfě mɨ̀mə̌d.

Ikan feg

² Anyumə̀ ne ineg ya chè tìfughə, Yeso ya niŋ Pità tì Jem fɔrɔ Jɔn mbi kɔʼ ghò ikaŋ iwum mɔ̀ʼɔ, asiŋi ne məyi mbɔb mbɔb ya yaʼi angu. Anyumə̀ ne mbi ya pè angu, nyàmnyɔd məd ya kɔpɔ inɔb imbìghè.

Mk 9:2 Cross References

Matìyò 14:13

Ənɨ Yeso nyaʼa zu ənû ze nɨ mbɨ nyaʼa ghɨ̌ ənɨ Jɔ̌n, wɨ̀ nyaʼa nɔ̀ʼ rɨ əsɨ ze ɨŋga əbaŋ ɨgyɨ̀, wò rə̀zìʼ wi əsɨ nɨ chə nyaʼa i bə̂d əŋgu. Ənɨ mɨnɔ̂n bə̂d mbe nyaʼa zu ni wɨ̀ fə nɔ̀ʼ rɨ əsɨ ze, mbɨ nyaʼa bə̀ nɔ̀ʼ rɨŋga mbə ɨsɨ beenɨ əbɔʼ məd ɨwu.

Mk 14:33

Wɨ̀ nyaʼa ghà əne, nɨŋ ə Pità mbɨ Jems fɔrɨ ə Jɔ̌n mbɨ wò ɨnɔ̂n. Ɨnyod məd nyaʼa kɔ bə, fîŋ bə̀ kɔ tɔb əməd.

Mk 16:12

Ənɨ ə nyùmə̀ mɔʼɔ nyaʼa chè, Yeso nyaʼa chwi i ɨnyod əmbɨ mbi mə̀mə̀ə̀nɨ̀-ɨnû mɨbe ənɨ ɨkwɨ ɨnə̂njɨ̀ cherə, ənɨ mbɨ nyaʼə wò ə mbeŋ.

Mk 5:37

Chəi Yeso nyaʼa ben ni wə̀d cherə beenɨ əbɔʼ ni chè rɨ ənɨ Pità mbɨ Jems fɔrɨ ə Jɔ̌n nɨ nyaʼə aŋgɔb Jems.

Lk 6:12

À nyaʼa əni ə mɔʼɔ, Yeso nyaʼa wò ɨkaŋ ɨwum ɨ kɔŋgɨ ə Ŋwiə̀. Wɨ̀ nyaʼa kɔŋgɨ ə Ŋwiə̀ ɨzimɨ we jìm.

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Rm 12:2

Tɨ mbə̀ beenɨ ə əbɔʼ ɨnû mbe nɨ bə̂d ɨŋga ɨsɨg wɔ̂ ə ghɨ̀ə̀, àyɨə mbə̀ saŋə ni Ŋwìə̀ beŋ əwən ɨchî nɨ wɨə nàʼ rɨkɔndɨ fi ɨ nən, ɨmbə̀ʼ mbə kyerɨ ənû ze nɨ wɨ̀ kə̀bɨ. Əne yɨ ni mbə̀ kyerɨ ɨnû mbe nɨ yeʼ mbɨ chɔ̀m, kyerɨ mbe nɨ wɨ̀ ghaʼi bə̀ kyerɨ mbe nɨ kuʼnɨ.

2 Kɔrèn 13:1

Tɨ̀nîn yɨ ɨghəm nɨ pe tad nɨ mɨə yeʼe əsɨ nən. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mbɨ mɨ zɨ̀ ɨsaʼi ɨgun ə wə̀d mɔʼɔ, mɨ̀zərɨmbin mɨbe kɨ̀ mɨtad berɨ təm ben ni mbɨ kə̀ʼ zə ənû ze.”

Fìlipì 3:21

Məd bɨrɨ kwepɨ ta nyamnyod tɔ̂ nɨə kwɨə, əne ghɨ̀ tɨ̀ berɨ nyamnyod ɨghabɨ zɨ məd ze nɨ wɨ̀ nyaʼa zwemə mbɨ zɨwən. Wɨ̀ bɨrɨ ghɨ əne ənjìm ɨka we nɨə ghɨ̀ ni wɨ̀ tumbɨ ɨghɨjìm.

Ɨnû 20:11

Mə nyaʼa zə ətən ɨfɔ̀n ə kyeŋ ə fufu bə̀ zə məd we nɨ nyaʼa chub ɨgun. Ɨkaŋ mbɨ ə si nyaʼa nim rɨ ɨfě məd. Chəi mbɨ nyaʼa wɨrɨ zə mɨ̀mə̌d.