Mk 7:21 - Meta’

²¹ Əne yɨ ɨmbə̀ʼ ɨghəm nɨ tɨkɔndɨ rɨbɔ̀ŋ ɨ tɨə jwɨ̀ rɨŋga wə̀d bə̀ jwɨ rɨŋga fîŋ wə̀d. Tɨkɔndɨ te tɨə ghɨ̀ ni wə̀d ni məyi kɨ̀ mbaŋə̀ əbəŋ əbəŋ, ni wə̀d jɨ, ni wə̀d zwiirɨ wɨ cherə, ni wə̀d ni ɨwi kɨ̀ ɨnom wə̀d cherə,

Ikan feg

²¹ Aton ya gha, tikɔndi tibɔ̀ŋ ya dùwə̀ inga fìŋ wə̀d. Tikɔndi te ne ghìyə̀ gha wə̀d ghi inug tibɔ̀ŋ icheg: ni nɔ̀kì mə̀yi kə̀ nɔ̀kì mbaŋà abu abu, ni ji, ni zweti wə̀d,

Mk 7:21 Cross References

Matìyò 15:19

ɨmbə̀ʼ ɨghəm nɨ tɨkɔndɨ rɨbɔ̀ŋ tɨə jwɨ̀ rɨŋga fîŋ. Tɨkɔndɨ te tɨə ghɨ̀ ni wə̀d zwiirɨ wɨ cherə, ni wə̀d ni əyi kɨ̀ ɨnom wə̀d cherə, ni wə̀d ni məyi kɨ̀ mbaŋə̀ əbəŋ əbəŋ, ni wə̀d jɨ, ni wə̀d ben zərɨmbin mɨ̀ghab fɔrɨ ni wə̀d chəkɨ rɨkum bə̂d.

Matìyò 9:4

Yeso nyaʼa kyerɨ tɨkɔndɨ tɨ mɨ̀mə̌d, əne wɨ̀ nyaʼa ghà ni, “Mbə̀ kɨə kɔndɨ ɨnû rɨbɔ̀ŋ ɨŋga tə fîŋ ɨmbə̀ʼ ə yè ə?

Mk 7:20

Wɨ̀ nyaʼa bə̀ yì ghà ni, “Əghɨ ze nɨə jwɨ̀ rɨŋga wə̀d, ə zɨə ghɨ̀ ni tɨ wɨ̀ zeŋ i.

Mk 7:22

ni wə̀d feenɨ ɨghɨ bə̂d, ni wə̀d ghɨ ɨnû ɨzɨg, ni wə̀d tam bə̂d, ni wə̀d ghɨ ɨnyamnɨ-ɨnû, ni wə̀d ghɨ ə̀dìì, ni wə̀d chəkɨ rɨkum bə̂d, ni wə̀d nɔ ɨnyod fɔrɨ ni wə̀d fundɨ.

Lk 16:15

Àyɨə Yeso nyaʼa ghà əmbɨ mɨ̀mə̌d ni, “Mbə yɨə bə̂d mbe nɨə chwi ɨfě bə̂d ni mbə̀ mbɨə ghɨ̀ ɨnû nɨ kuʼnɨ, àyɨə Ŋwìə̀ ə kyerɨ tə fîŋ. Mbə̀ zə rəŋgu ni ɨnû mbe nɨ Ŋwiə̀ ə bànə̀ yɨ mbe nɨ bə̂d ə kɔndɨə ni mbɨ yɨ ɨnû kyeŋ.

Ɨ̀fàʼì 5:4

Ənɨ chəi à nyaʼa kɨrɨ fen əsɨ ze, ɨmbə̀ʼ à yɨə nyaʼa əze ə? Ənɨ à nyaʼa fenɨ, ɨmbə̀ʼ ɨkab we yɨə nyaʼa kɨrɨ we ə? Əton nɨ à kɔndɨ ɨkwɨ ənû zɔ̂ kɨ ɨmbə̀ʼ ə yè ə? Chəi à gha mɨghab mbɔ̂ əmbɨ ə bə̂d, à ghà yeʼ əmbɨ ə Ŋwiə̀.”

Ɨ̀fàʼì 8:22

Əne beŋ e fîŋ tɨ ənɨ ənû rɨbɔ̀ŋ zɔ̂, kɔ̀ŋgɨ̀ Ə̀nùŋɨ̀sɨg ni, ɨghə̀m ɨ we tɨ̀ wɨ̀ waʼ ɨnû rɨbɔ̀ŋ mbe nɨ àwɔ̀ ə kɔndɨ ɨŋga e fîŋ.

Rm 7:5

Ənɨ tɨ̀ nyaʼə ghɨ̀ ɨnû rɨbɔ̀ŋ, tɨfeenɨ ɨnû rɨbɔ̀ŋ te nɨ nyaʼa ɨŋga na, nɨ tɨkə nyaʼə nɔ̀ɔ̀rɨ̀ə̀, tɨə nyaʼə fàʼ ɨŋga ta nyamnyod ɨ ghɨ ni tɨ̀ kwɨ.

Rm 7:8

Àyɨə ənû rɨbɔ̀ŋ ə nyaʼa zə əpan chè ənjìm ɨkə we nɨ gha ni tɨ wə̀d feenɨ i ɨghɨ wə̀d cherə, əne ghɨ̀ ni mə berɨ tɨkwɨrɨ ɨchî jìm nɨ feenɨ ɨghɨ bə̂d. À mɨ yeʼ nɨ chəi rɨkə, njɨ ɨnû rɨbɔ̀ŋ fə bə̀ kwɨ.

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

Tayitùs 3:3

Mba bə, tɨ̀ nyaʼa kweʼ ghɨ̀ ɨnû ɨneŋ bə̀ kweʼ ghɨ̀ rɨ̀zuə̀. Mbɨ nyaʼa kweʼ tambɨ əwa tɨ̀ febə. Mbɨ nyaʼa kweʼ ghɨ tɨ̀ ben ɨ̀bòʼò əmbɨ tɨkwɨrɨ ɨnû jìm mbe nɨ nyamnyod ə feenɨə bə̀ ghaʼə. Tɨ̀ wɨə nyaʼə ghɨ̀ ɨzɨg ənɨ ə bə̂d. Tɨ̀ wɨə nyaʼə bə̀ ghɨ̀ ə̀dìì. Bə̂d mbɨə nyaʼə bàn əwa. Tɨ̀ wɨə nyaʼə bə̀ bàn à ɨnyod mbǎ mbǎ.

Jems 2:4

njɨ chəi mbə̀ kɨrɨ ghabrɨ bə̂d əkaʼ nən, bə̀ saʼ bə̂d mbɨ rɨkɔndɨ rɨbɔ̀ŋ ə?