Mk 3:17 - Meta’

¹⁷ Jems mbɨ Jɔ̌n nɨ nyaʼa aŋgɔb məd. Mbɨ yɨə nyaʼə bɔn Zebèdiî, nɨ wɨ̀ nyaʼa chu mɨ̀mə̌d ni Boanejès, əne yɨə ni, Bɔn nɨə ghàm ɨghabɨ ə mbə̀ŋ nɨə kùmə̀.

Ikan feg

¹⁷ Jem tì Jɔn ne ya ifi məd. Mbɔb ya bɔn ìmbi Zebedì, ne wì ya chùbi awɔb ane Bòyanegès, ane ya gha, bəd gì mbə̀ŋ.

Mk 3:17 Cross References

Matìyò 4:21

Wɨ̀ nyaʼa yèndɨ̀ wò ɨmbì rɨpiî, pè zə bɔŋgɔb cherə mɨbe. Mbɨ yɨə nyaʼə Jems wan Zebèdiî mbɨ Jɔ̌n nɨ nyaʼə aŋgɔb məd. Mbɨ nyaʼa baŋgɨə tə kɨ̀ ɨŋga əbaŋ ɨgyɨ̀ mbɨ Zebèdiî nɨ nyaʼə mbǎʼ mɨ̀mə̌d. Yeso nyaʼa bə̀ tɔŋ mɨ̀mə̌d.

Mk 10:35

Jems mbɨ Jɔ̌n nɨ nyaʼə bɔn Zebèdiî nyaʼa wò əsɨ Yeso pè ghà ɨ bɔ ni, “Əchwiə̀-ɨnû, tɨ̀ kə̀b ni à ghɨ ənû ə mɔʼɔ ze nɨ tɨ̀ biirɨ ɨ ne.”

Mk 14:33

Wɨ̀ nyaʼa ghà əne, nɨŋ ə Pità mbɨ Jems fɔrɨ ə Jɔ̌n mbɨ wò ɨnɔ̂n. Ɨnyod məd nyaʼa kɔ bə, fîŋ bə̀ kɔ tɔb əməd.

Mk 3:16

Mbaŋə̀ te nɨ wɨ̀ nyaʼa chɔʼɔ yɨə: Saimòn, nɨ wɨ̀ nyaʼa chu əməd ni Pità;

Mk 3:18

Mbɨ cherə yɨə Andrù, Filip, Bàtòlòmiù, Matiù, Tomas, Jems nɨ nyaʼə wan Alfaùs, Tadiòs, Saimòn nɨ mbɨ nyaʼə tɔŋ ənɨ ə mɨ̀taku

Mk 5:37

Chəi Yeso nyaʼa ben ni wə̀d cherə beenɨ əbɔʼ ni chè rɨ ənɨ Pità mbɨ Jems fɔrɨ ə Jɔ̌n nɨ nyaʼə aŋgɔb Jems.

Mk 9:2

Ənɨ ɨni nyaʼa chè rɨ̀fuə, Yeso nyaʼa nɨŋ ə Pità mbɨ Jems fɔrɨ ə Jɔ̌n mbɨ kɔʼ wò ɨkaŋ ɨwum se mɔʼɔ, əsɨ nɨ àmei mɨ̀mə̌d nyaʼa əŋgu. Ənɨ mbɨ nyaʼa pè əŋgu, ɨnyod məd nyaʼa kwepə ɨfě mɨ̀mə̌d.

Lk 9:54

Ənɨ mə̀mə̀ə̀nɨ̀-ɨnû ɨməd nyaʼa zə ənû ze, mbɨ nyaʼa biirɨ ni, “Ə̀nùŋɨ̀sɨg, à wa kəb ni tɨ̀ gha Ŋwìə̀ cha ɨwid rɨkaŋ ni wɨ yeʼe ton mɨ̀mə̌d ə?”

Jn 21:2

Saimon Pità mbɨ Tomas, nɨ mbɨ nyaʼə bə̀ tɔŋ ənɨ ə Didimùs, əne yɨ ni wan ŋwìə̀, mbɨ Natanaèl, nɨ nyaʼa rɨ ə Kanà ə Galiliî, mbɨ ə bɔn Zebèdiî mbɨ mə̀mə̀ə̀nɨ̀-ɨnû Yeso cherə be nyaʼa əsɨ ə mɔʼ.

Ɨ̀fàʼì 12:1

À nyaʼa ənɨ ə nyùmə̀ we, ɨfɔ̂n Herɔ̀d nyaʼa kɔ nwendɨ tɨkyerɨ-ɨwu bə̂d mɔʼɔ mbe nɨ nyaʼa ɨŋga ɨfetɨ bə̂d Kristo.

Mə̀Hibrù 4:12

Ɨŋgam Ŋwiə̀ wɨ ɨkǎ. Ɨ wɨə bə̀ ghɨ̀ ənû ze nɨ Ŋwìə̀ kəbɨ. Wɨ tɔ chè ɨbi ɨba jìm. Ɨ wɨə zum ə wə̀d wò pè əsɨ ze nɨ ɨ̀tènɨ̀ mbɨ əzwî ghabrə. Ɨ wɨə bə̀ wò pè əsɨ ze nɨ tɨnaanɨ ɨnyod mbɨ rɨfɔm ghabrə. Ɨ wɨə saʼə tɨkɔndɨ bə̂d bə̀ saʼ ɨnû mbe nɨ fîŋ tɨ mɨ̀mə̌d ə kə̀bə̀.

Ɨnû 10:11

Mbɨ nyaʼa ghà ɨ num ni, “À berɨ wɨrɨ gha ɨkə̂n Ŋwiə̀ ɨmbə̀ʼ ənû ze nɨ wɨ̀ kàʼi əmbɨ ə bə̂d mɨ̀nɔnɔʼ, əmbɨ ə bə̂d ɨŋga ɨbeŋ nɔnɔʼ, əmbɨ ə bə̂d nɨə ghàm mɨŋgam jìm bə̀ ghà əmbɨ mɨ̀fɔ̀n.”