Mk 16:15 - Meta’

¹⁵ Wɨ̀ nyaʼa ghà əmbɨ mɨ̀mə̌d ni, “Mbə̀ wo ɨŋga ɨsɨg jìm, wò ghà ɨkə̂n chɔ̀m əmbɨ ə bə̂d mɨ̀jìm.

Ikan feg

¹⁵ Wì ya ghà inɔb gha, “Mbə̀ gho inga isəg ijìm, ghò ghà ikən chɔm abə bəd məjìm.

Mk 16:15 Cross References

Matìyò 28:19

Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ.

Mk 13:10

Mbə̀ kyerɨ ni mbɨ bɨrɨ be gha ɨkə̂n chɔ̀m ɨŋga ɨbeŋ jìm bɔŋ ɨnwǐ sɨə yeʼe.

Jn 15:16

Kaʼi mbə̀nə nyaʼa chɔʼ əmɨ. À yɨə mɔ̌ nyaʼa chɔʼ əwən tom ni mbə̀ wo kɔ rɨtam, nɨ yeʼ rɨtam te nɨ bɨrɨ ten i koŋ. Mbə mɨ ghɨ̀ əne, Mbǎʼ bɨrɨ naʼ əghɨ ə mɔʼɔ ze nɨ mbə̀ biirɨ ɨ bɔ ənɨ mɨ ɨkum.

Jn 20:21

Yeso nyaʼa yì ghà əmbɨ mɨ̀mə̌d ni, “Mbə̀ chub ənɨ əbɔrəbɔd. Ɨchî nɨ mɨ Mbǎʼ nyaʼa tom əmɨ, mə fə bə̀ tom əwən.”

Ɨ̀fàʼì 1:2

wò pè əni ze nɨ Ŋwìə̀ nyaʼa nɨŋ əməd ɨkaŋ. Bɔŋ wɨ̀ nyaʼə sɨə wò ɨkaŋ, wɨ̀ nyaʼa chè ənjìm Əzwî ə Zeŋɨ nàʼ rɨkə əmbɨ ə bə̂d tom mbe nɨ wɨ̀ nyaʼa fə chɔʼɔ.

Ɨ̀fàʼì 1:8

Àyɨə mbə bɨrɨ berɨ ɨka ənɨ Əzwî ə Zeŋɨ ə fə nyɨ ɨgwɨ nən. Əne mbə bɨrɨ sɨ yeʼ bə̂d nɨə ghà ɨnû ɨmbə̀ʼ əmɨ ɨŋga Jèrusalèm, ɨŋga ɨsɨ jìm mbe rɨ ə Jùdeyà, bə̀ fɔrɨ ɨŋga ɨsɨ jìm mbe rɨ ə Sàmàriyà, əne əne wò pè ɨnwǐ ɨsɨg.”

Rm 10:18

Àyɨə mə wɨə biirɨə ni: chəi mbɨ kɨrɨ zu ə? Təsìʼ yɨ ni mbɨ fə zu. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨkə̂n we nɨ mbɨə ghàə̀ fə jàŋ si jìm, mɨŋgam mɨ̀mə̌d fə wò pè ɨnwǐ ɨsɨg.”

Rm 16:26

Tɨ̀nîn mbɨ fə toʼ ɨnû mbe əsaŋ ənjìm ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ ghɨ̀ ni ɨbeŋ ɨjìm kyerɨ. Ŋwìə̀ we nɨ ten i koŋ nyaʼa fə sob əne, ɨmbə̀ʼ ɨbeŋ jìm ben əməd bə̀ zuunɨ əməd.

Efesùs 2:17

Wɨ̀ nyaʼa yeʼe pè ghà ɨkə̂n chɔ̀m ɨmbə̀ʼ əbɔrəbɔd əmbɨ mbə̀n mbe nɨ nyaʼa əsa əgha rɨ ənɨ ə Ŋwiə̀. Wɨ̀ nyaʼa bə̀ ghà əmbɨ mɨ̀Jû mbe nɨ nyaʼa tiinɨ ɨban ə Ŋwiə̀.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.

Kòlosè 1:6

nɨ fə yeʼe ɨ nən. Ɨkə̂n chɔ̀m wɔ̂ wɨə kwiə bə̀ ghɨ̀ə̀ ni bə̂d mɨ̀jìm ɨŋga ɨsɨg ghɨ ɨnû mbe nɨ Ŋwiə̀ kəbɨ, àmei ɨchî nɨ mbə nyaʼa fə bə̀ fə kɔ ghɨ̌, kɔ rɨ əni ze nɨ mbə̀ nyaʼa zu bə̀ kyerɨ rəsìʼ ɨmbə̀ʼ ɨ̀chɔ̀m Ŋwiə̀.

1 Jɔn 4:14

Tɨ̀ nyaʼa fə zə, əne tɨ̀ wɨə ghà əmbɨ ə bə̂d ni Mbǎʼ nyaʼa tom i Wan ni wɨ̀ yeʼ wə̀d nɨə chɨ̀ ɨsɨg jìm rəŋgəʼ.

Ɨnû 14:6

Mə nyaʼa zə aŋgɨrə̀ cherə nɨə fìd əton ɨkaŋ. Aŋgɨrə̀ we nyaʼa berɨ ɨkə̂n chɔ̀m we nɨ ten i koŋ nɨ gha əmbɨ ə bə̂d mbe nɨ yeʼ ɨgwɨ ə si, nɨ gha əmbɨ bə̂d ɨŋga ɨbeŋ jìm, nɨ gha əmbɨ bə̂d ɨŋga mɨnəbɨ jìm, nɨ gha əmbɨ ə bə̂d nɨə ghàmə̀ mɨŋgam jìm bə̀ fɔrɨ nɨ gha əmbɨ ə bə̂d mɨ̀jìm ɨsɨ jìm.