Mk 14:26 - Meta’

²⁶ Ənɨ mbɨ nyaʼa fə kwerɨ ɨkyî, mbɨ nyaʼa jwɨ̀ wò ɨkaŋ Ɨwum mɨ̀Olìf.

Ikan feg

²⁶ Anyumə̀ ne mbi ya fə zə̀ʼi ikyeg, mbi ya dù ghò ikaŋ iwum mə̀Olìf.

Mk 14:26 Cross References

Matìyò 26:30

Ənɨ mbɨ nyaʼa fə kwerɨ ɨkyî, mbɨ nyaʼa jwɨ̀ wò ɨkaŋ Ɨwum mɨ̀Olìf.

Lk 22:39

Yeso nyaʼa jwɨ̀ wò ɨkaŋ Ɨwum mɨ̀Olìf, ɨchî nɨ wɨ̀ nyaʼə mɨə ghɨ̀ə̀. Mə̀mə̀ə̀nɨ̀-ɨnû ɨməd nyaʼa beenɨ əbɔʼ məd.

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.

Jems 5:13

Wə̀d mɔʼɔ rəbɔʼ nən wɨə wa ə ŋgəʼ ə? Wɨ̀ kɔŋgɨ ə Ŋwiə̀. Wə̀d mɔʼɔ rəbɔʼ nən wɨə wa ghaʼrɨ əwi ə? Wɨ̀ kwerɨ ɨkyî yiirɨ ə Ŋwiə̀.

Kòlosè 3:16

Ɨŋgam ɨmbə̀ʼ ə Kristo kaŋ tèn ɨŋga tə fîŋ kwàʼ ɨchî chɔ̀m. Mbə chwi ɨnû, bə̀ kəərɨ mbə bɔŋgɔb ənɨ ɨwe jìm. Mbə̀ kwerɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî naʼ əmbɨ ə Ŋwiə̀. Mbə̀ ghɨ əne mbɨ ɨghaʼi kyeŋ ɨŋga tə fîŋ.

1 Kɔrèn 14:15

Əne, mə̀ kɨə wò ghɨ ye ə? Mə bɨrɨ kɔŋgɨ ə Ŋwiə̀ ənɨ mɨ əzwî bə̀ kɔ̀ŋgɨ̀ əməd ɨŋga mɨ fîŋ. Mə bɨrɨ kwerɨ mɨkyî nɨ yiirɨ ə Ŋwiə̀ ənɨ mɨ əzwî bə̀ kwerɨ mɨkyî nɨ yiirɨ əməd ɨŋga mɨ fîŋ.

Ɨ̀fàʼì 16:25

À nyaʼa sɨ ɨghabɨ ɨzimɨ ka, Pɔ̂l mbɨ Sailàs mbɨə nyaʼə kɔ̀ŋgɨ̀ ə Ŋwiə̀, bə̀ kwerɨ mɨkyî yiirɨ ə Ŋwiə̀. Bə̂d ndəŋ mbe nɨ nyaʼa əŋgu mbɨə nyaʼə zwetɨə.

Matìyò 21:1

Ənɨ Yeso mbɨ mbi mə̀mə̀ə̀nɨ̀-ɨnû nyaʼə sɨə tiinɨ ɨban ə Jèrusalèm, mbɨ nyaʼa pè ə Bètfagè nɨ nyaʼa ɨbom Ɨwum mɨ̀Olìf. Mbɨ nyaʼa pè əŋgu əne, Yeso tom mbi mə̀mə̀ə̀nɨ̀-ɨnû mɨ̀be ni mbɨ beə wò ɨmbì.

Mk 14:25

Mə ghà rəsìʼ ɨ nən ni, chəi mə bɨrɨ wɨrɨ nɔ mɨnoʼ pè əni ze nɨ mə bɨrɨ nɨ nɔ ənɨ ɨghəm fi ɨŋga ənû ɨfɔ̀n ə Ŋwiə̀.”

Jn 18:1

Ənɨ Yeso nyaʼa fə kɔŋgɨ ə Ŋwiə̀ màànɨ̀, wɨ̀ nyaʼa nɔ̀ʼ mbɨ mbi mə̀mə̀ə̀nɨ̀-ɨnû mbɨ wò baanɨ ɨmeʼ we nɨ mbɨ nyaʼə tɔŋ ənɨ ə Kidròn wo ɨnjin. Mbeŋ mɨ̀olìf mɔʼɔ nyaʼa əsɨ ze. Mbɨ nyaʼa wò nyɨ ɨŋga mbeŋ ze.