Mk 1:41 - Meta’

⁴¹ Yeso nyaʼa nèŋ əməd kə̀nə̀, əne wɨ̀ nyaʼa sèm e əbɔ bètɨ̀ əməd ghà ɨ bɔ ni, “Mə ghaʼ nɨ ghɨ əne. Ɨnyod, zeŋ!”

Ikan feg

⁴¹ Yeso ya nèn aməd sɔ̀mnɔ̀. Ane, wì ya chà abo bètì aməd ghà ibo gha, “Mə kɔ̀ŋ ni ghù awe. Ìwe nyɔd meghe!”

Mk 1:41 Cross References

Matìyò 9:36

Ənɨ wɨ̀ nyaʼa zə mɨnɔ̂n bə̂d mbe, wɨ̀ nyaʼa kàŋ kə̀n ənɨ mɨ̀mə̌d, ɨmbə̀ʼ ɨghəm nɨ mbɨ nyaʼə zəə ŋgəʼ bə̀ fɔrɨ ɨmbə̀ʼ ɨghəm nɨ chəi wə̀d nɨ nyaʼə wèèrɨ̀ mɨ̀mə̌d. Mbɨ nyaʼa ɨghabɨ ə njɨ̀g nɨ chəi wə̀d ə nə̀ŋgɨə.

Mk 1:40

Mbaŋə̀ mɔʼɔ nɨ nyaʼə wɔ̀nə̀ əpabɨ nyaʼa wò əsɨ Yeso, pè chìndɨ̀ ɨtu ɨnywɨ ə si buʼ ɨbɔ ɨ bɔ ghà ni, “À mɨ ghaʼ, à ghɨ̀ mɨ ɨnyod zeŋ.”

Mk 1:42

Àmei əwu əwən, əpabɨ ze ə nyaʼa mì i, ɨnyod məd zeŋ.

Mk 4:39

Wɨ̀ nyaʼa nɔ̀ʼ, ghàm əbɔʼ əfim ze əne ghà əmbɨ mɨnib mbe nɨ nyaʼə nɔ̀ʼə̀ swiʼə ni, “Kəm rəziə! Tɨrə̀ bə̀ jùʼ e!” Ənɨ wɨ̀ nyaʼa ghà əne, əfim ze ə nyaʼa sobə, ɨsɨ bɔd rɨ gwèèd.

Mk 5:41

Ənɨ mbɨ nyaʼa nyɨ, wɨ̀ nyaʼa yim əbɔ ə wan əyi we ghà ɨ bɔ ni, “Talità kumi” əne yɨ ni, “Wan əyi kwa, mə ghà ɨ ne ni nɔʼ rətiə!”

Mk 6:34

Ənɨ Yeso nyaʼa jwɨ rɨŋga əbaŋ ɨgyɨ̀ ze wò əsaŋ, wɨ̀ nyaʼa zə bə̂d kwàʼ ɨnɔ̂n kyeŋ. Ə̀kə̀n ə nyaʼa swi ɨŋga fîŋ məd ɨmbə̀ʼ bə̂d mbe, ɨmbə̀ʼ ɨghəm nɨ mbɨ nyaʼa ɨghabɨ ə njɨ̀g nɨ chəi ənə̂ŋgɨ̀-njɨ̀g əbɔʼ mɨ̀mə̌d. Wɨ̀ nyaʼa ghɨ̀ əne kɔ chwi ɨnû nɔnɔʼ əmbɨ mɨ̀mə̌d.

Mə̀Hibrù 1:3

Wan we wɨə chwi ɨchî nɨ ɨzeŋɨ zeŋɨ Ŋwìə̀ ə teə. Ɨnû jìm ɨmbə̀ʼ əməd mbɨə chwi ɨchî nɨ Ŋwìə̀ ziə yeʼ ə. Ɨ wɨə ghɨ̀ə̀ ni ɨsɨg chub ɨchî nɨ wɨ yeʼ ə. Ɨ wɨə ghɨ̀ əne ənjìm ɨka we nɨ yeʼ ənɨ ɨŋgam məd. Ənɨ wɨ̀ nyaʼa fə ghɨ̌ Ŋwiə̀ waʼ ɨnû rɨbɔ̀ŋ bə̂d, wɨ̀ nyaʼa chub əbà əbɔ ə jɨg ə Məd we nɨ berɨ ɨka jìm.

Mə̀Hibrù 2:17

À yɨ əton nɨ wɨ̀ nyaʼa berɨ yeʼ ɨghabɨ mbi bɔŋgɔb ənɨ ɨnû jìm, ɨmbə̀ʼ wɨ̀ yeʼ ətu ɨgwɨ ə bə̂d mbàn Ŋwìə̀. Ɨ wɨə dììrɨ̀ə̀ bə̂d bə̀ fàʼ əmbɨ ə Ŋwiə̀ ənɨ i fîŋ jìm. Ɨ wɨə ghɨ̀ əne ɨmbə̀ʼ Ŋwìə̀ waʼ ɨnû rɨbɔ̀ŋ bə̂d.

Mə̀Hibrù 4:15

Chəi tɨ̀ berɨ ətu ɨgwɨ ə bə̂d mbàn Ŋwìə̀ nɨ chəi ənɨ tɨ̀ wɨ̀ kən ɨmbə̀ʼ ɨchî nɨ tɨ̀ bɔrɨ. Tɨ̀ berɨ yeʼ we nɨ mbɨ nyaʼa numbɨ əməd ənɨ mɨ̀nə̂njɨ̀ jìm ɨchî nɨ mbɨə bə̀ numbɨ əwa, àyɨə chəi wɨ̀ nyaʼa ghɨ̌ ənû rɨbɔ̀ŋ.