Mk 1:11 - Meta’

¹¹ Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ Wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Ikan feg

¹¹ Gì mɔ̀ʼɔ ya bə̀ ghàm ikaŋ àbɔ̀ŋɔ gha, “Àghò ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ awe.”

Mk 1:11 Cross References

Matìyò 12:18

“Mbə̀ zə, wɔ̂ yɨ mɨ wə̀d ə̀fàʼì we nɨ mə̀ fə chɔʼɔ. Mə ghaʼ əməd kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əməd. Mə bɨrɨ cha mɨ Əzwî ɨŋga məd, əne wɨ̀ bɨrɨ ghà əmbɨ ɨbeŋ mbe nɨ kaʼi mbɨ mɨ̀Jû ni mə bɨrɨ saʼ mɨ̀mə̌d ɨchî nɨ kuʼnɨ.

Matìyò 17:5

Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

Mk 1:10

Ənɨ Yeso nyaʼə jwɨ̀ rɨŋga ɨgyɨ̀ we, wɨ̀ nyaʼa zə ɨkaŋ nɨ nyaʼa əfìʼə, bə̀ zə Əzwî ə Ŋwìə̀ nɨ nyaʼə swiʼə yeʼe ɨgwɨ məd ɨghabɨ tə̀bə̀ŋə.

Mk 9:7

Pàʼ mɔʼɔ nyaʼa kubrɨ mɨ̀mə̌d, əne gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨə mɨ Wan nɨ mə̀ ghaʼi kwàʼ rɨŋgəʼ, mbə̀ zu ənû ze nɨ wɨə ghàə̀!”

Lk 3:22

əne Əzwî ə Zeŋɨ ə nyaʼa swiʼi yeʼe ɨgwɨ məd ɨghabɨ tə̀bə̀ŋə. Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Lk 9:35

Gɨ̂ mɔʼɔ nyaʼa jwɨ̀ rɨŋga pàʼ ze ghà ni, “Wɔ̂ yɨ mɨ Wan nɨ mə chɔʼɔ, mbə̀ zu ənû ze nɨ wɨə ghàə̀!”

Jn 1:34

Mə fə zə, əne mə wɨə bə̀ ghà əmbɨ ə bə̂d ni məd yɨə Wan Ŋwìə̀.”

Jn 3:16

“Ŋwìə̀ nyaʼa kàŋ ghaʼ ɨsɨg, əne wɨ̀ nyaʼa chà i Wan we mɔʼ, ɨmbə̀ʼ tɨ wə̀d mɔʼɔ we nɨ ben əməd nim i, àyɨə wɨ̀ jɨg ɨ̀tènɨ̀ rɨ mì.

Jn 5:37

Mbǎʼ we nɨ nyaʼa tom əmɨ yɨə bə̀ ə zərɨmbin ɨ num. Chəi mbə̀ kweʼ zu gɨ̂ məd kɨ̀ bè zə ɨfě məd.

Jn 6:69

Tɨ̀ fə benɨ bə̀ kyerɨ ni àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Rm 1:4

Ŋwìə̀ nyaʼa chwi ənɨ i ɨka ənjìm Əzwî ə Zeŋɨ ni Yeso Kristo a Ə̀nùŋɨ̀sɨg yɨ i Wan. Wɨ̀ nyaʼa chwi əne ɨchî nɨ wɨ̀ nyaʼa zwemnɨ əməd.

Kòlosè 1:13

Wɨ̀ fə chɨ əwa rɨŋga tɨkyerɨ-ɨbɔ məd we nɨə tùmbɨ̀ ɨsɨ firɨ, əne zɨ̀ ɨŋga ənû ɨfɔ̀n ə Wan məd we nɨ wɨ̀ ghaʼi kwàʼ rɨŋgəʼ.