Mə̀Hibrù 5:14 - Meta’

¹⁴ Ɨghɨjɨg nɨ kaanɨ yɨ əmbɨ ə bə̂d kyeŋ mbe nɨ fə kwembɨ ɨnû mə̀d əne kyerɨ ɨkwepɨ rəbɔʼ ɨnû chɔ̀m mbɨ ɨnû rɨbɔ̀ŋ.

Ikan feg

¹⁴ Tijəg ka ka ya abə bəd kyen ne fə nani inug bə̀ kyèri icha ne yaʼi inga anug tibɔ̀ŋ tì anug chɔm.

Mə̀Hibrù 5:14 Cross References

Matìyò 5:48

Əne mbə berɨ bɔŋ màànɨ̀ ɨchî nɨ ə Mbǎʼ rɨkaŋ bə̀ bɔ̀ŋ màànɨ̀.

Rm 14:1

“Mbə̀ nɨŋ bə̂d mbe nɨ ɨbenɨ mɨ̀mə̌d bɔrɨ, àyɨə tɨ mbə̀ taŋ ə mbɨ mɨ̀mə̌d ɨmbə̀ʼ tɨkɔndɨ mɔʼɔ te nɨ mbɨ berɨ.

1 Kɔrèn 2:6

Ənɨ tɨ̀ yeʼ əkaʼ bə̂d Kristo mbe nɨ fə kaanɨ, tɨ̀ wɨə ghàm ɨŋgam ɨwe. Ka ɨwe we yɨ i rɨ əmbɨ ə bə̂d mbe rɨŋga ɨsɨg wɔ̂, kɨ̀ rɨ əmbɨ ɨzwî mbe nɨə tùmbɨ̀ ɨsɨg wɔ̂, nɨ ɨka mɨ̀mə̌d bɨrɨ mì.

Efesùs 1:18

Mə wɨə kɔ̀ŋgɨ̀ ə Ŋwiə̀ ni wɨ̀ fiʼ tə fîŋ mbə̀ zə ɨzeŋɨ zeŋɨ ɨmbə̀ʼ mbə̀ kyerɨ ənû mbe nɨ mbɨə nùŋ rɨkɔndɨ wòmə̀, nɨ yeʼ ɨnû mbe nɨ Ŋwìə̀ tɔŋ əwən ɨmbə̀ʼ mbɨwən. Ɨnû mbe yɨ ɨ̀chɔ̀m rɨ mì we nɨ Ŋwìə̀ kaʼ əmbɨ mbi bə̂d.

Efesùs 4:13

wò pè ənɨ mba mɨjìm bɨrɨ fɔtɨ sɨ wə̀d mɔʼ ənɨ a ɨbenɨ, bə jeŋgɨ kyerɨ Wan Ŋwìə̀, bə̀ kwi kuʼ sɨ ɨghabɨ ə Kristo.

Fìlipì 3:15

Mba mɨjìm mbe nɨ yeʼ bə̂d Kristo nɨ fə kaanɨ berɨ nuŋ ta rɨkɔndɨ ənɨ wɨ mɔʼ ɨmbə̀ʼ ɨnû mbɔ̂. Àyɨə mbə mɨ berɨ tɨkɔndɨ cherə, Ŋwìə̀ bɨrɨ ghɨ ni zɨə zeŋ ɨ nən.

1 Tèsàlonikà 5:21

àyɨə mbə̀ zweʼrɨ mɨkə̂n mbe jìm, yim mbe nɨ bɔŋɨ,

1 Timotì 4:7

Ton tɨpoʼ əko mɔʼɔ te nɨ chəi tɨə ghɨ̀ ni bə̂d kyerɨ ə Ŋwiə̀. Dandɨ e ɨnyod nɨ ghɨ ɨnû mbe nɨ chwi ni à wɨə wumnɨ ə Ŋwiə̀.

Mə̀Hibrù 6:1

Tɨ̀ saŋ ɨnû mbe nɨ tɨ̀ nyaʼa be kwembɨ ɨmbə̀ʼ ə Kristo, əne wò ɨmbì kwembɨ mbe nɨ fə kaanɨ. Tɨ rɨ wɨrɨ gha a ɨnû rɨtu mbe ni bə̂d beŋ tə fîŋ tɨ ənɨ ɨnû mbe nɨə zwiirɨə bə̂d mbɨ ni bə̂d nuŋ fîŋ ɨgun ə Ŋwiə̀.

Jems 3:2

Mba mɨjìm mbɨə fàn ɨnû ənɨ mɨnə̂njɨ̀ nɔnɔʼ. Wə̀d mɔʼɔ mɨ yeʼ əŋgu nɨ chəi wɨə fàn ənɨ ɨnû mbe nɨ wɨə ghàə̀, njɨ məd ə bɔŋ màànɨ̀, bə̀ kyerɨ ɨchî nɨ yimbɨ i ɨnyod jìm.