Mə̀Hibrù 10:31 - Meta’

³¹ Ənû nɨ wə̀d jìm berɨ nɨ bɔ yɨ nɨ feŋ ɨŋga tɨkyerɨ-ɨbɔ Ŋwìə̀ we nɨ yeʼ ɨkǎ.

Ikan feg

³¹ Anug ne wə̀d ijìm beri ni taŋ bɔ ya gha imbə̀ʼ wì nɔʼ nyi ikye abo abə Ŋwiye we ne yaʼi izɔm.

Mə̀Hibrù 10:31 Cross References

Matìyò 10:28

Tɨ̀ mbə̀ bɔ ə bə̂d mbe nɨə zwiirɨə nyamnyod, àyɨə chəi ənɨ tɨ̀ mbɨ zwiirɨ əzwî. Mbə̀ bɔ yeʼ məd we nɨ tɨ̀ wɨ̀ nimnɨ nyamnyod bə̀ nimnɨ əzwî ɨŋga əsɨ ɨchə.

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Lk 12:5

Àyɨə mə bɨrɨ patɨ əwən ɨmbə̀ʼ wə̀d we nɨ tɨ̀ mbə bɔ. Mbə̀ bɔ yeʼ Ŋwiə̀, ɨmbə̀ʼ ɨghəm nɨ ənɨ wɨ̀ zwiirɨ bə̂d, wɨ̀ kɨrɨ berɨ ɨka nɨ maʼ mɨ̀mə̌d ɨŋga əsɨ ɨchə. Ee, mə ghà ɨ nən ni mbə̀ bɔ əməd!

Lk 21:11

Si bɨrɨ wùd kwàʼ rɨ̀kǎ, njì kǎ kǎ mbɨ ɨwɔn rɨbɔ̀ŋ bɨrɨ jwɨ̀ ɨsɨ ɨsɨ, ənû nɨ bə̂d bɨrɨ neŋ bɔ mbɨ ɨnweenɨ ɨnû yiirɨ bɨrɨ jwɨ̀ rɨkaŋ.

Ɨ̀fàʼì 13:11

Tɨ̀nîn zə, Ə̀nùŋɨ̀sɨg bɨrɨ zɨ ŋgəʼ ɨgwɨ ne. À bɨrɨ fɨg ə. Ka à bɨrɨ zə e ɨsɨ ənɨ ɨkə nyumə̀.” Àmei əwu əwən, əghə əməd ə nyaʼa fin, əne wɨ̀ nyaʼa kɔ kə̀b bə̂d ni mbɨ yim əbɔ chà əməd.

2 Kɔrèn 5:11

Tɨ̀ kyerɨ əton ɨmbə̀ʼ ənû nɨ wumnɨ Ə̀nùŋɨ̀sɨg, əne tɨ̀ wɨə kywɨ ənywɨ ɨ ghɨ ni bə̂d cherə bə kyerɨ. Ŋwiə̀ fə kyerɨ əwa màànɨ̀, əne mə kyerɨ ni mbə fə bə̀ kyerɨ ənû zɔ̂ tə fîŋ zeŋ.

Mə̀Hibrù 10:27

Ənû nɨ sɨ bùʼ yɨ ni tɨ̀ chubɨ mbɨ ɨbɔɔ wòm əni ze nɨ Ŋwìə̀ bɨrɨ saʼ ɨsɨg. Tɨ̀ bə̀ bɔ ɨwid ka ka we nɨ bɨrɨ nimnɨ bə̂d pə̀n Ŋwiə̀.

Mə̀Hibrù 12:29

ɨmbə̀ʼ ɨghəm nɨ a Ŋwiə̀ yɨ ɨwid nɨə tɔn ɨghɨ.

Mə̀Hibrù 3:12

Mbə̀ we əwən, kyɨə bɔŋgɔb, ɨmbə̀ʼ tɨ wə̀d mɔʼɔ rəbɔʼ nən berɨ i fîŋ rɨbɔ̀ŋ nɨ chəi zɨ ben ə Ŋwiə̀, əne ghɨ̀ mbə̀ sàŋ Ŋwìə̀ we nɨ yeʼ ɨkǎ.