Lk 11:9 - Meta’

⁹ “Əne mə ghà ɨ nən ni, mbə̀ nɔn, Ŋwìə̀ bɨrɨ naʼ ɨ nən. Mbə̀ kəbə, Ŋwìə̀ bɨrɨ ghɨ̀ ni mbə̀ zə. Mbə̀ goŋgɨ, Ŋwìə̀ bɨrɨ fiʼ ɨ nən.

Ikan feg

⁹ Ane, mə ghà inən gha, mbə̀ biri, Ŋwiye biri nàʼ inən. Mbə̀ kəbə, Ŋwiye biri ghì mbə bàd. Mbə̀ gɔngi, Ŋwiye biri fìʼì inuʼ nəb inən.

Lk 11:9 Cross References

Matìyò 21:22

Mbə mɨ berɨ ɨbenɨ, njɨ Ŋwìə̀ bɨrɨ naʼ ɨghɨjìm mbe nɨ mbə̀ kɔŋgɨ əməd nɔn ɨ bɔ.”

Matìyò 21:31

À kɨ wi rəbɔʼ bɔn mbaŋə̀ mbɔ̂ mɨ̀be nɨ nyaʼa ghɨ ənû ze nɨ mbǎʼ məd nyaʼa kə̀b ə?” Mbɨ nyaʼa wììrɨ̀ ni, “À yɨ wɨ rɨtu.” Əne Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, məfetɨ mɨ̀tagsɨ̀ mbɨ ɨ̀kùnɨ̀ bɨrɨ be nyɨ ɨŋga ənû ɨfɔ̀n ə Ŋwiə̀ bɔŋ ə mbə̀nə.

Matìyò 6:29

àyɨə mə̀ ghà ɨ nən ni ka àbei ɨfɔ̂n Solomòn nɨ nyaʼə fɔ̀ɔ̀nɨ̀ ɨŋga mbɔ̂n, chəi wɨ̀ nyaʼa berɨ ngywɨ̌ nɨ bɔŋ ɨghabɨ ɨ̀kwě mɔʼ rəbɔʼ rɨ̀kwě tɔ̂.

Mk 11:24

Əne mə ghà ɨ nən ni, ɨnû jìm mbe nɨ mbə̀ kɔŋgɨ ə Ŋwiə̀ nɔnə ɨ bɔ, mbə̀ ben ni mbə fə berɨ, əne mbɨ bɨrɨ yeʼ mbən.

Mk 13:37

Əne ənû ze nɨ mə ghà ɨ nən, yɨ mə fə bə̀ ghà əmbɨ ə bə̂d mɨ̀jìm. Ənû ze yɨ ni mbə̀ chub ɨkyèʼe!”

Lk 11:10

Ɨmbə̀ʼ ɨghəm nɨ wə̀d jìm we nɨ nɔnɨ, Ŋwìə̀ bɨrɨ naʼ ɨ bɔ, we nɨ kə̀bɨ, Ŋwìə̀ bɨrɨ ghɨ̀ ni wɨ̀ zə, we nɨ goŋgɨ, Ŋwìə̀ bɨrɨ fiʼ ɨ bɔ.

Jn 14:13

Mə bɨrɨ ghɨ ənû ə mɔʼɔ ze nɨ mbə̀ biirɨ ənɨ mɨ ɨkum, ɨmbə̀ʼ ə bə̂d wumnɨ ə Mbǎʼ ənjìm ə Wan.

Jn 15:16

Kaʼi mbə̀nə nyaʼa chɔʼ əmɨ. À yɨə mɔ̌ nyaʼa chɔʼ əwən tom ni mbə̀ wo kɔ rɨtam, nɨ yeʼ rɨtam te nɨ bɨrɨ ten i koŋ. Mbə mɨ ghɨ̀ əne, Mbǎʼ bɨrɨ naʼ əghɨ ə mɔʼɔ ze nɨ mbə̀ biirɨ ɨ bɔ ənɨ mɨ ɨkum.

Jn 15:7

Mbə mɨ chub ənɨ ənû ə mɔʼ mbɨ num, mɨ ɨŋgam bə̀ chub ɨŋga nən, mbə bɨrɨ biirɨ ənû ə mɔʼɔ ze nɨ mbə̀ kəbɨ, əne mɨ Mbǎʼ bɨrɨ ghɨ ənû ze ɨ nən.

Jn 4:10

Yeso nyaʼa wììrɨ̀ ɨ bɔ ni, “À mɨ kəʼ kyerɨ əghɨ ze nɨ Ŋwìə̀ ə nàʼə̀, bə̀ kyerɨ wə̀d we nɨə biirɨ mɨnib rɨ ne, njɨ à kəʼ ghà ni wɨ̀ naʼ mɨnib mbe nɨə nàʼ ɨ̀tènɨ̀ ɨ ne.”

Rm 2:7

Wɨ̀ bɨrɨ naʼ ɨ̀tènɨ̀ rɨ mì əmbɨ ə bə̂d mbe nɨə yimə fîŋ ghɨ̀ ɨ̀chɔ̀m, nɨə kə̀b ɨzeŋɨ zeŋɨ mbɨ ɨwumnɨ fɔrɨ ənû nɨ chəi bə̂d bɨrɨ nɔ kwɨ.

2 Kɔrèn 6:2

Ŋwìə̀ ə ghà ni, “Ənɨ nyùmə̀ nyaʼa kuʼ ənɨ mɨə ghɨ̀ ɨ̀chɔ̀m, mə nyaʼa zu ənû ze nɨ à nyaʼa ghǎ; mə nyaʼa weerɨ əwe əni ze nɨ mə nyaʼə chɨ̀ə̀ bə̂d rəŋgəʼ.” Mə ghà ɨ nən ni tɨ̀nîn yɨə nyùmə̀ we nɨ Ŋwìə̀ ə ghɨ̀ ɨ̀chɔ̀m, tɨ̀nîn yɨə nyùmə̀ we nɨ Ŋwìə̀ ə chɨ̀ə̀ bə̂d rəŋgəʼ!

Mə̀Hibrù 11:6

Ɨbenɨ mɨ bù i, chəi ənɨ tɨ̀ bə̂d ghɨ̀ fîŋ Ŋwìə̀ bɔ̀ŋ, ɨmbə̀ʼ ɨghəm nɨ wə̀d we nɨə kəb tindɨ ɨban ə Ŋwiə̀ berɨ ben ni Ŋwìə̀ wɨ əŋgu bə̀ ben ni wɨ̀ bɨrɨ chɔʼ ə̀fàʼì bə̂d mbe nɨə kə̀b əməd ənɨ tə fîŋ rɨ̀jìm.

Mə̀Hibrù 4:16

Əne tɨ̀ nɨŋ fîŋ nɨ kǎ tindɨ ɨban ətən ɨfɔ̀n ə Ŋwiə̀ we nɨə ghɨ̀ ɨ̀chɔ̀m, ɨmbə̀ʼ məd we tɨ̀ wɨ̀ dììrɨ̀ əwa bə̀ ghɨ̀ ɨ̀chɔ̀m ənɨ ə na ənɨ ə nyùmə̀ we nɨ tɨ̀ kəb ə̀wèèrɨ̀.

Jems 1:5

Wə̀d mɔʼɔ rəbɔʼ nən mɨ kwaŋ ɨwe, wɨ̀ nɔn rɨ əmbɨ ə Ŋwiə̀. Məd wɨə nàʼ ɨghɨ əmbɨ ə bə̂d mɨ̀jìm əbu əbu. Ɨ wɨə bə̀ nàʼ ənɨ ə fîŋ chɔ̀m. Wɨ̀ bɨrɨ naʼ ɨwe ɨ bɔ.

Jems 5:15

Ə̀kɔ̀ŋgɨ̀ ə wə̀d we nɨ ben ə Ŋwiə̀ bɨrɨ ghɨ ni wə̀d əwɔn we bɔtɨ. Ə̀nùŋɨ̀sɨg bɨrɨ ghɨ ni ɨnyod məd wɨrɨ kàànɨ̀. À mɨ yeʼ nɨ wɨ̀ ghɨ̌ ɨnû rɨbɔ̀ŋ mɔʼɔ, Ŋwìə̀ bɨrɨ waʼ ɨnû rɨbɔ̀ŋ mbe.

1 Jɔn 3:22

Məd wɨə nàʼ ɨghɨjìm mbe nɨ tɨ̀ biirɨ ɨ bɔ. Ɨ wɨə ghɨ̀ əne ɨmbə̀ʼ ɨghəm nɨ tɨ̀ wɨə nùŋ tɨkə rɨ məd bə̀ ghɨ̀ ɨnû mbe nɨ bɔŋ ɨ bɔ.

Ɨnû 2:24

Àyɨə əmbɨ ə mbə̀n mbe nɨ buʼ ə Tìatirà, nɨ chəi mbɨə beenɨ əbɔʼ ɨnû mbɔ̂, nɨ chəi mbə̀ kɨrɨ kwembɨ ɨnû mbe nɨ yeʼ ənə̀mə ɨmbə̀ʼ ə Satàn, mə ghà ɨ nən ni chəi mə bɨrɨ zɨ ɨkom cherə ɨgwɨ nən.