Lk 1:2 - Meta’

² Mbɨ nyaʼa ŋwàʼnɨ̀ àmei ɨchî nɨ bə̂d mbe nɨ nyaʼa zə ɨnû mbe tɨ ənɨ mbɨ nyaʼa kɔ nyaʼa gha ɨ na. Bə̂d mbɔ̂ yɨ mbe nɨ nyaʼə ghà ɨkə̂n chɔ̀m.

Ikan feg

² Mbɔb ŋwàʼrì kwàʼ icheg ne tì ya zughi abə bəd mbe ne ya bàri inug mbe ijìm nɔ̀ʼ ane nyùmə̀ ne Yeso ya ko àze àfàʼì. À ya bəd ne ya bə̀ fàʼ ni chètì ikən chɔm we.

Lk 1:2 Cross References

Mk 1:1

Ɨkɔ rɨ ənɨ ɨkə̂n chɔ̀m ɨmbə̀ʼ ə Yeso Kristo we nɨ yeʼ Wan Ŋwìə̀.

Mk 16:20

Mə̀mə̀ə̀nɨ̀-ɨnû mbe nyaʼa jwɨ̀ wò ghà ɨkə̂n chɔ̀m we ɨsɨ jìm. Ə̀nùŋɨ̀sɨg nyaʼə fàʼə̀ mbɨ mɨ̀mə̌d. Wɨ̀ nyaʼa bə̀ ben ni ɨnû mbe nɨ mbɨ nyaʼə ghàə̀ yɨ ɨnû rəsìʼ ɨchî nɨ mbɨ nyaʼə ghɨ̀ ɨnû yiirɨ. À yɨ əne.

Mk 4:14

Wə̀d nɨə fàʼə̀ mbeŋ we wɨə kon ɨŋgam Ŋwiə̀.

Lk 24:48

Mbə yɨ mɨ̀zərɨmbin ənɨ ɨnû mbɔ̂, əne mbə̀ bɨrɨ bə̀ sɨə ghà əmbɨ ə bə̂d cherə.

Jn 15:27

Mbə̀n bə̂ bɨrɨ bɨ gha ɨnû ɨmbə̀ʼ əmɨ, ɨmbə̀ʼ ɨghəm nɨ mbə̀ mbɨə nyaʼa mbɨ num tɨ ənɨ mə̀ nyaʼa kɔ chwi ɨnû.

Jn 16:4

Àyɨə mə fə ghà ɨnû mbɔ̂ ɨ nən ɨmbə̀ʼ nyùmə̀ we mɨ kùʼ, mbə bɨrɨ fə kyerɨ ni mə nyaʼa fə patɨ əwən.” Yeso nyaʼa wo ɨmbì gha ni, “Chəi mə̀ nyaʼa gha ɨnû mbɔ̂ ɨ nən ənɨ mə̀ nyaʼa kɔ chwi ɨnû ɨmbə̀ʼ ɨghəm nɨ mə wɨə nyaʼa kɨrɨ mbɨ nən.

Ɨ̀fàʼì 1:3

Ənɨ wɨ̀ nyaʼa fə zə ŋgəʼ, kwɨ, wɨrɨ zwemə, wɨ̀ nyaʼa chwi i ɨnyod əmbɨ mɨ̀mə̌d ənɨ ɨnweenɨ nɔnɔʼ ɨmbə̀ʼ mbɨ kyerɨ ni tə wɨ ɨkǎ. Ɨ wɨə nyaʼə jwɨ̀ ɨfě mɨ̀mə̌d ɨŋga ɨni ɨwum kwè. Wɨ̀ nyaʼa mɨ jwɨ̀, wɨ̀ ghà əmbɨ mɨ̀mə̌d ɨmbə̀ʼ ənû ɨfɔ̀n ə Ŋwiə̀.

Ɨ̀fàʼì 1:8

Àyɨə mbə bɨrɨ berɨ ɨka ənɨ Əzwî ə Zeŋɨ ə fə nyɨ ɨgwɨ nən. Əne mbə bɨrɨ sɨ yeʼ bə̂d nɨə ghà ɨnû ɨmbə̀ʼ əmɨ ɨŋga Jèrusalèm, ɨŋga ɨsɨ jìm mbe rɨ ə Jùdeyà, bə̀ fɔrɨ ɨŋga ɨsɨ jìm mbe rɨ ə Sàmàriyà, əne əne wò pè ɨnwǐ ɨsɨg.”

Ɨ̀fàʼì 14:25

Ənɨ mbɨ nyaʼa ghà ɨŋgam Ŋwiə̀ ə Pegà, mbɨ nyaʼa nɔ̀ʼ rəŋgu swiʼi wò ə Atalià.

Ɨ̀fàʼì 16:6

Pɔ̂l mbɨ Sailàs fɔrɨ ə Timotì nyaʼa wò chè ə Frigìà nɨ nyaʼa ɨŋga əbà əbeŋ ze rɨ ə Gàlesià. Chəi Əzwî ə Zeŋɨ ə nyaʼa ben ni mbɨ ghà ɨŋgam Ŋwiə̀ ə Esià.

Ɨ̀fàʼì 17:11

Mɨ̀Jû mbe rɨ ə Berià nyaʼa berɨ fîŋ chɔ̀m chè mbe rɨ ə Tèsàlonikà, ɨmbə̀ʼ ɨghəm nɨ mbɨ nyaʼa nɨŋ ɨŋgam Ŋwiə̀ ənɨ tə fîŋ rɨjìm. Ɨ mbɨə nyaʼə foŋ ɨŋgam Ŋwiə̀ ɨni jìm ɨ zə ni ɨnû mbe nɨ Pɔ̂l nyaʼə ghàə̀ kɨ ɨnû rəsìʼ ə?

Ɨ̀fàʼì 26:16

Nɔʼɔ təm, mə fə jwɨ̀ ənɨ e ɨfě, ɨmbə̀ʼ chɔʼ əwe ni à faʼ ɨ num, ghà ɨnû mbe nɨ à zə ɨmbə̀ʼ əmɨ bə̀ ghà mbe nɨ mə̀ bɨrɨ chwi ɨ ne.

Ɨ̀fàʼì 4:20

Chəi tɨ̀ bɨrɨ sob nɨ gha ɨnû mbe nɨ tɨ̀ fə zə bə̀ zu.”

Ɨ̀fàʼì 8:4

Bə̂d Kristo mbe nɨ nyaʼa jaŋɨ, mbɨə nyaʼə yènə̀ ghà ɨŋgam Ŋwiə̀ ɨsɨ jìm.

Rm 15:16

ni mə yeʼ wə̀d ə̀fàʼì Kristo Yeso əmbɨ ə bə̂d mbe nɨ kaʼi mɨ̀Jû. Mə wɨə fàʼ ɨghabɨ ə wə̀d mbàn Ŋwìə̀ ɨchî nɨ mɨə ghà ɨkə̂n chɔ̀m ɨmbə̀ʼ ə Ŋwiə̀. Əne yɨ ɨmbə̀ʼ bə̂d mbe nɨ kaʼi mɨ̀Jû yeʼ ɨghɨ ə̀fà nɨ Ŋwìə̀ benɨ, nɨ Əzwî ə Zeŋɨ fə bə̀ ghɨ̀ ni mbɨ zeŋ.

1 Kɔrèn 4:1

Bə̂d berɨ neŋ əwa ni tɨ̀ yɨə bə̂d ə̀fàʼì Kristo fɔrɨ bə̂d nɨ Ŋwìə̀ ghɨ ni mbɨ gha ɨnû mbe nɨ yeʼ ənə̀mə ɨmbə̀ʼ əməd.

Mə̀Hibrù 2:3

Tɨ̀ kɨə wò nod ɨchə we rɨ ye ənɨ chəi tɨ̀ zɨ ətu ənɨ ənû ə kyeŋ ze ni Ŋwìə̀ bɨrɨ chɨ̀ əwa rəŋgəʼ ə? À yɨ Ə̀nùŋɨ̀sɨg ziə nyaʼa bè ghà ɨmbə̀ʼ əzɨ əwən. Bə̂d mbe nɨ nyaʼa zu nyaʼa bə̀ ghɨ̀ tɨ̀ kyerɨ ni à yɨ rəsìʼ ni Ŋwìə̀ bɨrɨ chɨ̀ əwa rəŋgəʼ.

1 Pità 5:1

Mə yɨə wə̀d nɨə chà ɨfetɨ bə̂d Kristo. Mə yɨə zərɨmbin ɨchî nɨ Kristo nyaʼa zə ŋgəʼ. Mə yɨə bə̀ wɨ mɔʼɔ rəbɔʼ bə̂d mbe nɨ bɨrɨ zə ɨzeŋɨ zeŋɨ we nɨ Ŋwiə̀ bɨrɨ chwi ənɨ Kristo wɨrɨ yeʼe. Əne mə wɨə buʼ ɨbɔ əmbɨ mbə̀n mbe nɨə chà ɨfetɨ bə̂d Kristo ni,

2 Pità 1:16

Chəi tɨ̀ nyaʼa beenɨ əbɔʼ tɨpoʼ əko te nɨ bə̂d nyaʼa nɨŋ ɨwe tekɨ ənɨ tɨ̀ nyaʼə ghà ɨ nən ɨmbə̀ʼ ɨka a Ə̀nùŋɨ̀sɨg Yeso Kristo fɔrɨ ɨmbə̀ʼ nyùmə̀ we nɨ wɨ̀ bɨrɨ wɨrɨ yeʼe. Tɨ̀ yɨə nyaʼə mɨ̀zərɨmbin ənɨ wɨ̀ nyaʼa jɨg ənû ɨfɔ̀n.