Kòlosè 4:4 - Meta’

⁴ Mbə̀ kɔŋgɨ ə Ŋwiə̀ ni mə̀ gha ɨnû mbe mbɨ zeŋ, àmei ɨchî nɨ mə kəʼ berɨ ghɨ̀.

Ikan feg

⁴ Mbə̀ chaʼra Ŋwiye inum gha mə chete ikən chɔm we bə̀ tòʼrì we zen kwàʼ icheg ne mə beri ni ghì.

Kòlosè 4:4 Cross References

Ɨ̀fàʼì 4:29

Əne tɨ̀nîn Ə̀nùŋɨ̀sɨg, zə ɨchî nɨ mbɨə fàŋ əwa. Ghɨ ni mbǎ, mbe bə̂d ə̀fàʼì, gha e ɨŋgam mbɨ ə fîŋ nɨ kǎ.

Ɨ̀fàʼì 5:29

Àyɨə Pità mbɨ ə bə̂d tom Kristo mbə nyaʼa wiirɨ ni, “Tɨ̀ berɨ zuunɨ ə Ŋwiə̀, kaʼi bə̂d.

2 Kɔrèn 3:12

Ɨchî nɨ tɨ̀ nuŋ ta rɨkɔndɨ ɨgun ənû zɔ̂, tɨ̀ wɨə ghɨ̀ ɨnû mbɨ ɨka fîŋ.

Efesùs 6:20

Mə wɨ ə nəb ndəŋ ɨmbə̀ʼ ɨghəm nɨ mə̀ təm ənɨ ɨkum Yeso Kristo. Mbə̀ kɔŋgɨ ə Ŋwiə̀ ni mə̀ gha ɨkə̂n we mbɨ fîŋ nɨ kǎ, ɨchî nɨ mə̀ kaŋ berɨ nɨ ghàm.

Kòlosè 4:5

Mbə̀ we əwən ɨchî nɨ mbə̀ə ghɨ̀ə̀ mbɨ ə bə̂d mbe nɨ kaʼi bə̂d Kristo. Mbə̀ nɨŋ əpan ze nɨ mbə̀ berɨ fàʼ mbɨ mɨ̀mə̌d ɨchî chɔ̀m.

Kòlosè 4:6

Ɨŋgam we nɨə jwɨ rɨ ənɨ mbə mɨchû berɨ mɨə nə̀m ɨghabɨ ni mbɨ fə nùʼ ənɨ fɨ̀ŋgwaŋ. Mə kə̀b ni mbə̀ kyerɨ ɨchî nɨ wiirɨ ɨŋgam əmbɨ wə̀d jìm.