Kòlosè 3:3 - Meta’

³ Mbə fə kwɨ, əne ə ɨ̀tènɨ̀ wɨ ənə̀mə mbɨ Kristo ɨfě Ŋwiə̀.

Ikan feg

³ Mbə̀ nɔŋɔ ikɔndi ane imbə̀ʼ icheg ne mbə̰ ya fə ku abə ighi igun isəg. Si ya gha, Ŋwiye fə nə̀m ìwən ìtḛ̀ ikye abo abə Kristo.

Kòlosè 3:3 Cross References

Matìyò 11:25

À nyaʼa ənɨ ə nyùmə̀ we, Yeso nyaʼa ghà ni, “Mɨ Mbǎʼ, Ə̀nùŋɨ̀sɨg ɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ-ɨnû, sɨ chwiə yeʼ əmbɨ ə bɔn bɔd.

Jn 14:19

À sɨ bùʼ ɨkə nyumə̀, chəi ɨsɨg bɨrɨ wɨrɨ zə əmɨ, àyɨə mbə bɨrɨ zə əmɨ. Ɨchî nɨ mə yeʼ ɨkǎ, əne bə̂ mbə bɨrɨ bɨ yeʼ ɨkǎ.

Jn 3:16

“Ŋwìə̀ nyaʼa kàŋ ghaʼ ɨsɨg, əne wɨ̀ nyaʼa chà i Wan we mɔʼ, ɨmbə̀ʼ tɨ wə̀d mɔʼɔ we nɨ ben əməd nim i, àyɨə wɨ̀ jɨg ɨ̀tènɨ̀ rɨ mì.

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Jn 5:21

Ɨchî nɨ Mbǎʼ ə zwemnɨ ə bə̂d bə̀ nàʼ ɨ̀tènɨ̀ əmbɨ mɨ̀mə̌d yɨə bə ɨchî nɨ Wan ə nàʼ ɨ̀tènɨ̀ əmbɨ wə̀d we nɨ wɨ̀ ghaʼi.

Jn 5:24

“Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Jn 5:40

àyɨə chəi mbə̀ ben nɨ yeʼe əsɨ num ɨmbə̀ʼ jɨg ɨ̀tènɨ̀.

Rm 5:10

ɨmbə̀ʼ ɨghəm nɨ ənɨ tɨ̀ nyaʼa kɨrɨ bə̂d pə̀n Ŋwiə̀, wɨ̀ nyaʼa màànɨ̀ taŋ mbɨ na ənjìm ɨvɨ Wan məd. Tɨ̀nîn nɨ tɨ̀ fə maanɨ taŋ, ɨ̀tènɨ̀ Kristo bɨrɨ ghɨ ni tɨ̀ jwɨ rəŋgəʼ.

Rm 5:21

ɨmbə̀ʼ ɨchî nɨ ɨnû rɨbɔ̀ŋ nyaʼə tùmbɨ̀ ɨsɨg ənjìm ɨvɨ, əne bə̂ ɨ̀chɔ̀m bɨrɨ bɨ tumbɨ ɨsɨg ənjìm ɨchî nɨ bə̂d təm kùʼnɨ̀. Əze ə bɨrɨ ghɨ ni bə̂d jɨg ɨ̀tènɨ̀ rɨ mì ənjìm ə Yeso Kristo a Ə̀nùŋɨ̀sɨg.

Rm 6:11

Mbə̀ bə nɨŋ ni mbə fə kwɨ dè ɨnû rɨbɔ̀ŋ, àyɨə mbə mbɨ ɨkǎ ɨmbə̀ʼ wumnɨ ə Ŋwiə̀ ənjìm ə Kristo Yeso.

Rm 6:2

Chə̂! Mba mbe nɨ fə kwɨ dè ɨnû rɨbɔ̀ŋ kɨə kɨrɨ wò ɨmbì ghɨ̀ ɨnû rɨbɔ̀ŋ ɨmbə̀ʼ ə yè ə?

Rm 8:2

ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

1 Kɔrèn 15:45

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨ̀tènɨ̀ wɨə nyaʼa ɨŋga Adàm nɨ nyaʼə wə̀d rɨtu.” Adàm we nɨ sɨ nwìə̀ yɨ Əzwî nɨə nàʼ ɨ̀tènɨ̀.

1 Kɔrèn 2:14

Ka wə̀d we nɨ chəi Əzwî ə Ŋwiə̀ ɨŋga məd we tɨ wɨ̀ ben ɨnû rəsìʼ mbe nɨ Əzwî ə Ŋwìə̀ ə nàʼə̀, ɨmbə̀ʼ ɨghəm nɨ mbɨ yɨ ənû əneŋ ɨ bɔ. Chəi ənɨ tɨ̀ wɨ̀ kyerɨ ɨnû mbe ɨmbə̀ʼ ɨghəm nɨ àmei Əzwî ə Ŋwiə̀ ze tɨ̀ zɨə ghɨ̀ ni wɨ̀ kyerɨ.

2 Kɔrèn 5:14

Əghɨ ze nɨə tin əwa yɨ ɨghaʼi we nɨ Kristo ghaʼ əwa. Tɨ̀ kyerɨ əne ɨmbə̀ʼ ɨghəm nɨ wə̀d mɔʼ nyaʼa kwɨ ɨgwɨ ətu ə bə̂d mɨjìm, əne bə̂d mɨjìm fə bə̀ kwɨ.

2 Kɔrèn 5:7

Tɨ̀ wɨ ɨkǎ ɨmbə̀ʼ ɨbenɨ, kaʼi ɨmbə̀ʼ ɨghɨ mbe nɨ tɨə zəə.

Gàlesìyà 2:20

əne kaʼi mɔ̌ yeʼ ɨkǎ. Wə̀d we nɨ yeʼ ɨkǎ yɨə Kristo we nɨ yeʼ ɨŋga num. Ɨ̀tènɨ̀ we nɨ mə berɨ tɨ̀nîn yɨ ɨmbə̀ʼ ɨchî nɨ mə̀ nuŋ fîŋ ɨgun ə Wan Ŋwìə̀ we nɨ nyaʼa ghaʼ əmɨ əne nàʼ i ɨnyod ənɨ əghɨ ə̀fà ɨmbə̀ʼ əmɨ.

Efesùs 3:9

Wɨ̀ nyaʼa bə̀ chɔʼ əmɨ ni mə̀ ghɨ wə̀d jìm kyerɨ ənû zɔ̂ nɨ yeʼ ənə̀mə, nɨ Ŋwìə̀ we nɨ nyaʼa tekɨ ɨghɨjìm, nyaʼa nə̀m ɨŋga i fîŋ tɨ ənɨ wɨ̀ nyaʼa tekɨ ɨsɨg.

Fìlipì 4:7

Mbə mɨ ghɨ̀ əne, njɨ əbɔrəbɔd ə Ŋwiə̀, nɨ chəi ənɨ tɨ ɨwe bə̂d mɨ̀sɔŋɨchù kyerɨ màànɨ̀, bɨrɨ ghɨ ni tɨ tə fîŋ bɔrɨ i, bə̀ ghɨ̀ ni tɨ tə rɨkɔndɨ tɔb i əwən ɨchî nɨ mbə̀ yeʼ ənɨ ɨfɔtɨ mbɨ Kristo.

Kòlosè 1:5

Tɨ̀ wɨə bə̀ nàʼ ɨmbə̀ʼ ɨnû mbe nɨ mbə nuŋ rɨkɔndɨ wòm nɨ Ŋwìə̀ nuŋ ɨ nən ɨkaŋ. Mbə nyaʼa fə be zu ənû zɔ̂ ɨŋga ɨŋgam rəsìʼ we nɨ yeʼ ɨkə̂n chɔ̀m we

Kòlosè 2:20

Mbə mɨ fə kwɨ mbɨ Kristo, əne wɨ̀ fə chɨ̀ əwən rɨ əton ɨka we nɨ ɨzwî rɨbɔ̀ŋ mbe rɨŋga ɨsɨg berɨ ɨgwɨ nən. À kɨə ye sɨ ghɨ ni mbə̀ chub ɨghabɨ bə̂d nɨ kɨrɨ ɨŋga ɨsɨg ə? Mbə kɨə zuunɨ rɨkə te rɨŋga ɨsɨg ɨmbə̀ʼ ə yè ə? Tɨ mɔʼɔ rəbɔʼ yɨ ni:

Kòlosè 2:3

Ŋwìə̀ fə nə̀m ɨwe jìm bə̀ nə̀m ɨkyerɨ-ɨnû jìm ɨŋga məd.

Kòlosè 3:4

Ənɨ Kristo nɨ yeʼ a ɨ̀tènɨ̀ wɨrɨ jwɨ̀, mbə̀ bɨrɨ bɨ jwɨ mbɨ məd ɨŋga ɨwumnɨ məd.

Mə̀Hibrù 7:25

Əne məd ə berɨ ɨka ənɨ mɨ̀nyùmə̀ jìm nɨ chɨ bə̂d mbe nɨ che ənjìm məd tindɨ ɨban ə Ŋwiə̀ rəŋgəʼ, ɨmbə̀ʼ ɨghəm nɨ məd wɨ i ɨkǎ koŋ ɨmbə̀ʼ kɔŋgɨ ə Ŋwiə̀ ɨgwɨ mɨ̀mə̌d.

1 Pità 3:4

Ɨchî nɨ mbə̀ təm berɨ jwɨ̀ yeʼ rɨŋga fîŋ. Kaʼ ɨkwɨ ɨtəm wɔ̂ wɨə bəi. Wɨ yɨ rɨ ənɨ əzwî ze nɨə bɔtɨə. Əzwî ze nɨə bɔtɨə yɨ əghɨ əka ɨnùn əghə ə Ŋwiə̀.

1 Pità 4:2

Əne mbə̀ nɨŋ nyùmə̀ we nɨ buʼ ɨ nən ɨgwɨ ə si ghɨ̀ ɨnû mbe nɨ Ŋwiə̀ kəbɨ, kaʼi mbe nɨ bə̂d rɨ ɨgwɨ ə si ə kə̀bə̀.

1 Jɔn 3:2

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ yɨə bɔn Ŋwiə̀ tɨ̀nîn. Chəi zɨə kɨrɨ zeŋ ni tɨ̀ kɨə wò yeʼ rɨ ye ənɨ ə Kristo wɨrɨ yeʼe. Ənû nɨ tɨ̀ kyerɨ yɨ ni tɨ̀ bɨrɨ yeʼ ɨghabɨ əməd, ɨmbə̀ʼ ɨghəm nɨ tɨ̀ bɨrɨ zə əməd ɨchî nɨ wɨ̀ yeʼ ə.

Ɨnû 2:17

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghà əmbɨ rɨfetɨ bə̂d Kristo. Mə bɨrɨ naʼ ə manà mɔʼɔ rəbɔʼ we nɨ yeʼ ənə̀mə əmbɨ wə̀d jìm we nɨ baŋ ɨnû rɨbɔ̀ŋ. Mə bɨrɨ naʼ ɨti rɨ̀fɨ nɨ mbɨ ŋwaʼnɨ ɨkum fi ɨgun ɨ bɔ. Chəi wə̀d mɔʼɔ kyerɨ ɨkum we chè rɨ ənɨ wə̀d we nɨ nɨŋ ɨti we.'”