Kòlosè 2:19 - Meta’

¹⁹ Chəi mɨ̀mə̌d ə wɨrɨə beenɨ əbɔʼ Kristo we nɨ yeʼ ətu rɨ ənɨ ə nyamnyod mɨ̀mə̌d. Nyamnyod ze yɨ ɨfetɨ bə̂d Kristo. À yɨə Kristo ə jəə nyamnyod ze. À yɨə məd ə fɔtɨ ɨsɨ ɨnyod mbe nɨ gumə, bə̀ fɔtɨ rɨnye tɨ kwiə ɨchî nɨ Ŋwiə̀ kəbɨ.

Ikan feg

¹⁹ Tiku bəd ìto̰ fə sàŋì anug ni nyimi Kristo ne yaʼi atog abə nyàmnyɔd məd, ne ya ifeti bəd Kristo. À ya Kristo we ghìyə̀ ifeti bəd məd kweghe icheg ne Ŋwiye kə̀bi. À ya məd we nyìme ifeti bəd Kristo kwàʼ icheg ne atog ze nyìme nyàmnyɔd wə̀d ane tinḭ kyen kyen fɔrɔ mə̀nàra.

Kòlosè 2:19 Cross References

Lk 5:38

Mbɨ berɨ zɨ mɨnoʼ zwɨ̀ yeʼ ɨŋga chəŋ rɨ fi.

Jn 17:21

Mə wɨə kɔ̀ŋgɨ̀ əwe ni mɨ̀mə̌d mɨjìm yeʼ ənɨ ənû ə mɔʼ. Mɨ Mbǎʼ, mə kə̀b mbɨ yeʼ ənɨ ənû ə mɔʼ mbɨ na ɨchî ɨ ni à yeʼ ənɨ ənû ə mɔʼ mbɨ num, mə bə̀ yeʼ ənɨ ənû ə mɔʼ mbɨ ne. Zɨə yeʼ əne ɨmbə̀ʼ ɨsɨg we tɨ̀ wɨ ben ni à yɨ àwɔ̀ nyaʼa tom əmɨ.

Ɨ̀fàʼì 4:32

Bə̂d mɨ̀jìm mbe nɨ nyaʼa ben ə Kristo nyaʼa mbɨ ə fîŋ mɔʼ fɔrɨ mbɨ əzwî ə mɔʼ. Chəi wə̀d mɔʼɔ nyaʼa gha ni ɨghɨ mbe nɨ tə berɨ yɨ mbi. Mbɨ nyaʼa berɨ ɨghɨjìm ənɨ mbɨ mɔʼ.

Rm 11:17

Mbɨ nyaʼa sopɨ rɨtəb mɔʼɔ rɨ ənɨ əzed olìf chɔ̀m, əne nɨŋ ɨghə rɨ ənɨ əzed ə olìf bǔʼ wò ban ənɨ əzed ə olìf chɔ̀m ze, ɨmbə̀ʼ wɨ sɔ mɨnib rɨ ənɨ əghaŋ əzed ə olìf chɔ̀m. Mbə̀n bə̂d nɨ kaʼi mɨ̀Jû yɨ ɨghabɨ ɨghə rɨ ənɨ əzed ə olìf bǔʼ nɨ mbɨ nɨŋ ban ənɨ əzed ə olìf chɔ̀m.

1 Kɔrèn 1:10

Mbɨ bɔŋgɔb, mə wɨə buʼ ɨbɔ ɨ nən ənɨ ɨkum a Ə̀nùŋɨ̀sɨg Yeso Kristo ni mbə̀n mɨjìm chub ənɨ ənû ə mɔʼ, mbɨ ni tɨ ə̀ghàbrɨ̀ ə nyɨ i əkaʼ nən, àyɨə mbə̀ nuŋ tə fîŋ ənɨ zɨ mɔʼ bə̀ nùŋ tə rɨkɔndɨ ənɨ wɨ mɔʼ.

1 Kɔrèn 11:3

Mə wɨə kə̀bə̀ ni mbə̀ kyerɨ ni ətu ɨgwɨ ə mbaŋə̀ rɨ̀jìm yɨə Kristo, kyerɨ ni ətu ɨgwɨ əyi yɨ ɨnom məd, bə̀ kyerɨ ni ətu ɨgwɨ ə Kristo yɨə Ŋwiə̀.

1 Kɔrèn 3:6

Mə nyaʼa kon, Àpolòs nyaʼa chùb. À yɨə Ŋwìə̀ nyaʼa ghɨ̀ ni ɨghɨ mbe kwi.

Efesùs 1:22

Ŋwìə̀ fə nùŋ ɨghɨjìm əton ɨwu məd. Wɨ̀ fə bə̀ ghɨ̀ ni məd yeʼ ətu ɨgwɨ ɨghɨjìm ɨmbə̀ʼ weerɨ ɨfetɨ bə̂d Kristo.

Efesùs 1:23

Ɨfetɨ we yɨə nyamnyod Kristo. Ɨ wɨə swe ɨnû mbe nɨ bu rɨ ənɨ Kristo. Kristo ziə wɨə bə swe ɨnû jìm ɨsɨ jìm.

Efesùs 2:21

Ənɨ ɨfɔtɨ mbɨ məd, nəb ze jìm fə sɨ ənɨ zɨ mɔʼ. Bə̂d mɨ̀nɔnɔʼ bɨrɨ yeʼe nyɨ ɨŋga zɨ kwi sɨə mbàn Ŋwìə̀ zeŋɨ.

Efesùs 4:3

Mbə ghɨ ɨnû jìm ɨmbə̀ʼ nuŋ ɨfɔtɨ we nɨ Əzwî ə nàʼ ənjìm əbɔrəbɔd ze nɨ kod əwən fɔtɨ.

Efesùs 5:29

Chəi wə̀d mɔʼɔ kweʼ bàn i ɨnyod. Ɨ wɨə jə ɨnyod we bə̀ nəŋgɨə kwàʼ ɨchî chɔ̀m, ɨchî nɨ Kristo ə ghɨ̀ əmbɨ ɨfetɨ bə̂d məd.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Kòlosè 1:10

Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

Kòlosè 1:18

Məd yɨ ətu rɨ ənɨ nyamnyod məd, əne yɨ ɨfetɨ bə̂d Kristo. Məd yɨ ɨkɔ rɨ ənɨ ɨfetɨ we. Məd yɨə bə ə wan-fə̀d nɨ zwemə tɨ ənɨ ɨvɨ. Əne yɨ ni məd yɨ ə̀chèmbì ənɨ ɨghɨjìm.

Kòlosè 2:2

Əton yɨ ni mə wɨə kəb nəərɨ fîŋ tɨ mɨ̀mə̌d ni mbɨ ghaʼ mbə bɔŋgɔb əne chub ənɨ ənû mɔʼ, ɨmbə̀ʼ mbɨ berɨ mbɔ̂n ze nɨ bɨrɨ ghɨ ni mbɨ berɨ ɨwe bə̀ jeŋgɨ kyerɨ ɨnû mbe nɨ yeʼ ənə̀mə ɨmbə̀ʼ ə Ŋwiə̀. Ɨnû mbe nɨ yeʼ ənə̀mə yɨə Kristo ziə.

1 Tèsàlonikà 3:12

Ə̀nùŋɨ̀sɨg ghɨ ni ɨghaʼi we nɨ yeʼ əkaʼ nən bə̀ fɔrɨ əkaʼ bə̂d mɨ̀jìm swi gwèə̀, àmei ɨchî nɨ wa bə̀ swi ɨgwɨ nən gwèə̀.

1 Tèsàlonikà 4:10

À yɨ rəsìʼ ni mbə kàŋ ghaʼ mbə bɔŋgɔb mɨ̀jìm mbe nɨ yeʼ ɨŋga ɨsɨ jìm mbe rɨ ə Màsèdonià. Àyɨə tɨ̀ wɨə buʼ ɨbɔ ɨ nən, kyɨə bɔŋgɔb, ni mbə̀ wo ɨmbì ghɨ əne tɨ̀nîn chè ɨchî nɨ mbə̀ nyaʼə bèə̀ ghɨ̀ə̀.

2 Tès 1:3

Mba bɔŋgɔb, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən. Tɨ̀ berɨ ghɨ əne ɨchî nɨ zɨə kuʼnɨ, ɨmbə̀ʼ ɨghəm nɨ ə ɨbenɨ wɨə kwiə wò ɨmbì. Mbə mbɨə ghaʼə mbə bɔŋgɔb wò ɨmbì.

1 Pità 3:8

Ɨ nwìə̀, mbə̀n mɨjìm berɨ chub ənɨ ənû ə mɔʼ. Mbə̀ kən ənɨ mbə bɔŋgɔb, ghaʼ mbə bɔŋgɔb, ghɨ̀ ɨ̀chɔ̀m ənɨ bɔŋgɔb bə̀ swi ə ɨnyod ənɨ mbə̀ yeʼ əkaʼ bɔŋgɔb.

2 Pità 3:18

Àyɨə mbə wo ɨmbì kwi ɨŋga ɨ̀chɔ̀m fɔrɨ ɨŋga ənû nɨ kyerɨ a Ə̀nùŋɨ̀sɨg Yeso Kristo nɨə chɨ̀ əwa rəŋgəʼ. Bə̂d mɨ̀jìm wumnɨ məd kɔ rɨ̀nîn wò nwì koŋ! À yɨ əne.