Jn 8:53 - Meta’

⁵³ À wa chè a mbǎʼ Abràham nɨ nyaʼa kwɨ ə? Bə̂d ɨ̀kə̀n Ŋwiə̀ nyaʼa bə̀ kwɨ. Əne à kɨə kəb gha ni tə yɨə we ə?”

Ikan feg

⁵³ Àghò wa bèrì ati chè ìwa mbaʼ Abràham? Wì ya ku, bədkə̀n Ŋwiye ya bə̀ ku. Àghò kə kɔ̀ndɔ gha àghò kə we?”

Jn 8:53 Cross References

Matìyò 12:6

Mə ghà ɨ nən ni, əghɨ ə mɔʼɔ zɨ əgha nɨ dabə chè mbàn Ŋwìə̀.

Matìyò 3:9

Tɨ mbə̀ kɔndɨ əwən ni mbə fə jwɨ̀ rəŋgəʼ àmei ɨchî nɨ mbə̀ə ghàə̀ mbənə mbənə ni, 'Tɨ̀ yɨə bɔn tɨ ənɨ əghaŋ ə Abràham!' Mə ghà ɨ nən ni Ŋwìə̀ we tɨ̀ wɨ̀ nɨŋ əti zɔ̂ bèŋ ənɨ ə bɔn Abràham.

Jn 10:33

Mbɨ nyaʼa wììrɨ̀ ɨ bɔ ni, “Kaʼi ɨmbə̀ʼ ənû ə chɔ̀m ə mɔʼɔ ze à ghɨ̌ nɨ tɨ̀ kəb tumbɨ əwe. Tɨ̀ wɨə kəb tumbɨ əwe ɨmbə̀ʼ ɨchî nɨ à zɔm ə Ŋwiə̀, ɨmbə̀ʼ ɨghəm nɨ àwɔ̀ wə̀d mɨ̀sɔŋɨchù wɨə ghàə̀ ni tə yɨə Ŋwiə̀.”

Jn 12:34

Ɨnɔ̂n bə̂d we nyaʼa wììrɨ̀ ɨ bɔ ni, “Ə zɨ ɨŋga tɨkə rɨ Mose ni Wə̀d we nɨ Ŋwìə̀ zɔʼɔ bɨrɨ ten i koŋ. À sɨ chè rɨ ye ghà ni mbɨ berɨ nɔ Wan Wə̀d ɨkaŋ ə? Wan Wə̀d wɔ̂ kɨə be əwe ə?”

Jn 19:7

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà ɨ bɔ ni, “Tɨ̀ berɨ ɨkə nɨ chwi ni wɨ̀ berɨ kwɨ, ɨmbə̀ʼ ɨghəm nɨ ɨ wɨə ghàə̀ ni tə yɨə Wan Ŋwìə̀.”

Jn 4:12

À wa chè ə Jakɔ̂b nɨ nyaʼə mbǎʼ mba mɨ̀mbǎʼ rəŋwe, nɨ nyaʼa naʼ ɨbɨgɨ mɨnib wɔ̂ ɨ na ə, nɨ məd ziə mbɨ mbi bɔn, mbɨ ti njɨ̀g bə̀ fɔrɨ mbi mbɨ̀rɨkun nyaʼa nɔ rɨŋga ə?”

Jn 5:18

Ɨŋgam wɔ̂ nɨ Yeso nyaʼa ghamɨ nyaʼa ghɨ̀ ni bə̂d mbe nɨ nyaʼə tekɨ ɨnû ɨŋga əbeŋ mɨ̀Jû kɔ kə̀b ɨnə̂njɨ̀ nɨ zwiirɨ əməd. Chəi mbɨ nyaʼa kəb zwiirɨ əməd àmei ɨmbə̀ʼ ɨchî nɨ wɨ̀ nyaʼa gu ɨkə əni əkwɨ, mbɨ nyaʼa bə̀ kə̀b zwiirɨ əməd ɨmbə̀ʼ ɨghəm nɨ ɨ wɨə nyaʼə gha ni Ŋwìə̀ yɨ i Mbǎʼ, əne wɨ̀ nyaʼa kə̀b chwi ni tə wɨ əndəŋ əndəŋ mbɨ ə Ŋwiə̀.

Jn 8:58

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni bɔŋ mbɨ nyaʼa sɨə gywɨ ə Abràham, mə nyaʼa fə sɨ əmɨ əŋgu!”

Rm 9:5

Mbɨ yɨə bɔn tɨ ənɨ əghaŋ mɨ̀mbǎʼ ɨnəbɨ mɨ̀Izre. Wə̀d we nɨ Ŋwìə̀ zɔʼɔ ə jwɨ̀ rɨŋga ɨnəbɨ we. Məd yɨə Ŋwìə̀ we nɨə tùmbɨ̀ ɨghɨjìm. Tɨ̀ yiirɨ ə Ŋwiə̀ koŋ. À yɨ əne.