Jn 6:9 - Meta’

⁹ “Wan mbaŋə̀ mɔʼɔ wɨ əgha nɨ berɨ chiŋ ŋgə̀ŋ rɨtân nɨ mbɨ tekɨ ənɨ ə balì mbɨ əgwi ə be. Àyɨə əzɔ̂ kɨə yè əkaʼ bə̂d mbɔ̂ mɨjìm ə?”

Ikan feg

⁹ “Ŋwan mbaŋà mɔ̀ʼɔ we aŋa ne beri chiŋ ngə̀ŋ balè ita̰ tì su tibe. Si ya gha chəyi ti biri kòʼ abə bəd məjìm.”

Jn 6:9 Cross References

Matìyò 14:17

Mbɨ nyaʼa wììrɨ̀ ni, “Tɨ̀ berɨ àmei chiŋ ŋgə̀ŋ rɨ̀tân mbɨ əgwi ə be.”

Matìyò 16:9

Chə wa kɨrɨ i ɨwe ətu ɨ nən ə? Chəi mbə̀ wɨrɨ kɔndɨ chiŋ ŋgə̀ŋ te rɨ̀tân nɨ mə̀ nyaʼa jə mbaŋə̀ chuʼ rɨ̀tân əŋgu ə? Mbə nyaʼa fetɨ tɨkə te nɨ nyaʼa buʼu, tɨ jwɨ̀ mbɨ̀rɨkaʼ səʼ ə?

Mk 6:38

Wɨ̀ nyaʼa biirɨ əmbɨ mɨ̀mə̌d ni, “Mbə̀ berɨ chiŋ ŋgə̀ŋ rɨ̀səʼ ə? Mbə̀ wo nèŋ.” Ənɨ mbɨ nyaʼa kə̀bɨ zə, mbɨ nyaʼa wò ghà ɨ bɔ ni, “Tɨ̀ fə zə chiŋ ŋgə̀ŋ rɨ̀tân mbɨ əgwi əbe.”

Mk 8:19

Ənɨ mə̀ nyaʼa bəʼrɨ chiŋ ŋgə̀ŋ te rɨ̀tân əmbɨ ə bə̂d chuʼ rɨ̀tân, mbə̀ nyaʼa fetɨ tɨkə te nɨ nyaʼa buʼu, tɨ swi mbɨ̀rɨkaʼ səʼ ə?” Mbɨ nyaʼa ghà ɨ bɔ ni, “Tɨ̀ nyaʼa fetɨ mbɨ̀rɨkaʼ wum chɔ̀b rɨ̀be.”

Lk 9:13

Wɨ̀ nyaʼa ghà əmbɨ mɨ̀mə̌d ni, “Mbə naʼ əghɨ ə mɔʼɔ əmbɨ mɨ̀mə̌d ni mbɨ jɨg.” Mbɨ nyaʼa wììrɨ̀ ɨ bɔ ni, “Tɨ̀ berɨ àmei chiŋ ŋgə̀ŋ rɨ̀tân mbɨ əgwi ə be, kɨrɨ ni tɨ̀ wò zon ɨghɨjɨg əmbɨ ɨnɔ̂n bə̂d wɔ̂ jìm.”

Jn 11:21

Màta nyaʼa ghà əmbɨ Yeso ni, “Ə̀nùŋɨ̀sɨg, à kɨə kəʼ əgha njɨ chəi mɨ nobɨ kwɨ.

Jn 11:32

Ənɨ Mèri nyaʼa wò əsɨ ze nɨ Yeso nyaʼa əŋgu, pè zə əməd, wɨ̀ nyaʼa gù ɨban ɨwu məd ghà ni, “Ə̀nùŋɨ̀sɨg, à kɨə kəʼ əgha njɨ chəi mɨ nobɨ kwɨ.”

Jn 21:10

Yeso nyaʼa ghà əmbɨ mɨ̀mə̌d ni, “Mbə̀ yeʼe mbɨ əgwi ə mɔʼɔ ze nɨ mbə̀ cherə gywɨ̀ə̀.”

Jn 21:13

Yeso nyaʼa wò nɨŋ ŋgə̀ŋ ze mbɨ əgwi ze nàʼ əmbɨ mɨ̀mə̌d.

Jn 21:9

Ənɨ mbɨ nyaʼa jwɨ əsaŋ, mbɨ nyaʼa zə ɨwid kyi əŋgu mbɨ əgwi ɨgun ɨwid we. Mbɨ nyaʼa bə̀ zə ŋgə̀ŋ.

Jn 6:11

Ənɨ mbɨ nyaʼa chubɨ, Yeso nyaʼa nɨŋ chiŋ ŋgə̀ŋ te, nàʼ məben-əwe əmbɨ ə Ŋwiə̀, ghàpɨ̀ əmbɨ ə bə̂d mbe nɨ nyaʼa əŋgu. Wɨ̀ nyaʼa bə̀ ghɨ̀ əndəŋ əndəŋ mbɨ əgwi ze. Wə̀d jìm nyaʼa berɨ ɨchî nɨ wɨ̀ nyaʼa kəbɨ.

Jn 6:7

Filip nyaʼa wììrɨ̀ ɨ bɔ ni, “Ka mɨ̀fraŋ chuʼ əkɨ əbe bɨrɨ kuʼ i nɨ zon ŋgə̀ŋ nɨ tɨ̀ wə̀d mɔʼ mɔʼ rəbɔʼ bə̂d mbɔ̂ jɨg ka àbei ɨkə rɨpiî.”

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

Ɨnû 6:6

Mə nyaʼa zu əghɨ ə mɔʼɔ ɨghabɨ ə gɨ̂ wə̀d əkaʼ ɨghɨ mbe ɨkwè nɨ yeʼ ɨkǎ nɨ gha ni, “Mbɨ bɨrɨ zon ə kirə əburɨ ə kywɨ-kɔ̀ʼ ənɨ ɨkab ə̀fàʼì əni ə fibɨ̀, bə̀ zon ə mɨkirə̀ əburɨ ə kywɨ ɨtad ənɨ ɨkab ə̀fàʼì əni ə fibɨ̀. Tɨrə̀ chəkɨ e mɨwud mbɨ mɨnoʼ!”