Jn 5:10 - Meta’

¹⁰ Əne bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa biirɨ əmbɨ ə mbaŋə̀ ze nɨ Yeso nyaʼa vɨ əməd ni, “Tə̀chɔ̀ŋ yɨ əni əkwɨ, əne chəi ta rɨkə chwi ni à beʼ e matə̀ ɨgwɨ əni zɔ̂.”

Ikan feg

¹⁰ Ane, itog bəd inga aben mə̀Ju ya ghà abə wə̀d we gha, “Tèchɔ̀ŋ ya aneg àzwètì, chəyi ìmba mə̀nɔ̀ʼɔ̀ bḛ gha àghò beʼe àze tìsa.”

Jn 5:10 Cross References

Matìyò 12:10

Mbaŋə̀ mɔʼɔ nyaʼa əŋgu nɨ əbɔ əməd ə nyaʼa nə̀ŋɨ. Əne mɨ̀Farisiî nyaʼa biirɨ ɨ bɔ ni, “Tɨkə ə wa chwi ni mbɨ vɨ wə̀d əwɔn əni əkwɨ ə?” Mbɨ nyaʼa biirɨ əne ɨmbə̀ʼ ɨghəm nɨ mbɨ nyaʼa kəb zɨ ɨsaʼi ɨgwɨ məd.

Mk 2:24

Mɨ̀Farisiî nyaʼa biirɨ ɨ bɔ ni, “Zə, mbe mə̀mə̀ə̀nɨ̀-ɨnû kɨə ghɨ̀ ɨnû nɨ chəi ta rɨkə chwi ni mbɨ ghɨ əne əni əkwɨ ɨmbə̀ʼ ə yè ə?”

Mk 3:4

Ənɨ wɨ̀ nyaʼa ghà əne, wɨ̀ nyaʼa biirɨ əmbɨ ə bə̂d mbe ni, “Tɨkə ə wa chwiə ni tɨ̀ ghɨ ɨ̀chɔ̀m əni əkwɨ kɨ̀ ni tɨ̀ ghɨ ɨbə ə? Tɨ wa chwiə ni tɨ̀ zwemnɨ wə̀d kɨ̀ ni tɨ̀ zwiirɨ wə̀d ə?” Bə̂d mbe nyaʼa kəm rəziə.

Lk 13:14

Mbaŋə̀ ze nɨ nyaʼə chà nəb ə̀kàtɨ̀ ze nyaʼa sə ɨtəm ɨmbə̀ʼ ɨghəm nɨ Yeso nyaʼa vɨ̌ wə̀d əni əkwɨ. Əne wɨ̀ nyaʼa ghà əmbɨ ə bə̂d mbe ni, “Ɨni mbɨ əŋgu rɨ̀fuə nɨ tɨ̀ mbə fàʼ. Mbə̀ yeʼe ɨgwɨ ɨni mbe mbɨ vɨ əwən, kaʼ i ɨgwɨ əni ɨkwɨ.”

Lk 23:56

Mbɨ nyaʼa zə əne, bə̀ndɨ̀ wò tekɨ tɨtiirɨ mbɨ mɨwud nɨ mbɨ bɨrɨ zɔʼ əvɨ əməd əŋgu. À nyaʼa sɨ əni əkwɨ, mbɨ nyaʼa zwììrɨ̀ ɨchî nɨ rɨ̀kə̌ nyaʼa chwiə.

Lk 6:2

Àyɨə mɨ̀Farisiî mɔʼɔ nyaʼa ghà ni, “Mbə̀ kɨə ghɨ̀ ɨnû nɨ chəi ta rɨkə chwi ni mbɨ ghɨ əne əni əkwɨ ɨmbə̀ʼ ə ye ə?”

Jn 1:19

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa chà bə̂d mbàn Ŋwìə̀ mbɨ ə bə̂d mɔʼɔ rɨŋga ɨnəbɨ Levì nɨ nyaʼa rɨ ə Jèrusalèm ni mbɨ biirɨ əmbɨ Jɔ̌n ni, “Àwɔ̀ kɨə we ə?”

Jn 5:11

Wɨ̀ nyaʼa wììrɨ̀ əmbɨ mɨ̀mə̌d ni, “Mbaŋə̀ ze nɨ vɨ əmɨ kə̀ʼ ghà ɨ num ni, 'Nɨŋ e matə̀, yèn wò e.'”

Jn 5:15

Mbaŋə̀ ze nyaʼa nɔ̀ʼ wò i, pè ghà əmbɨ ə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû ni à yɨə Yeso kə̀ʼ vɨ əwi.

Jn 5:16

Mbɨ nyaʼa zu əne kɔ nwendɨ tɨkyerɨ-ɨwu Yeso, ɨmbə̀ʼ ɨghəm nɨ wɨ̀ nyaʼa vɨ wə̀d əni əkwɨ.

Jn 7:23

Mbə mɨ yeʼə nèə̀ mbə bɔn mbaŋə̀ əni əkwɨ, ɨmbə̀ʼ tɨ mbə̀ gu ə tɨkə rɨ Mose, njɨ mbə̀ kɨə sə ɨtəm mbɨ num ɨmbə̀ʼ ɨchî nɨ mə̀ ghɨ mbaŋə̀ mɔʼɔ bɔtɨ ɨchî chɔ̀m əni əkwɨ ɨmbə̀ʼ ə yè ə?

Jn 9:16

Mɨ̀Farisiî mɔʼɔ nyaʼa ghà ni, “Kaʼi Ŋwìə̀ tom mbaŋə̀ ze nɨ ghɨ ənû zɔ̂, ɨmbə̀ʼ ɨghəm nɨ chəi məd ə nùŋ əni əkwɨ.” Àyɨə mbɨ mɔʼɔ nyaʼa ghà ni, “Tɨ̀ mbaŋə̀ ze nɨə ghɨ̀ ɨnû rɨbɔ̀ŋ ghɨ̀ ɨnû yiirɨ ɨghabɨ mbɔ̂ ə?” Ənɨ mbɨ nyaʼa ghà əne, ə̀ghàbrɨ̀ ə nyaʼa jwɨ̀ əkaʼ mɨ̀mə̌d.