Jn 15:11 - Meta’

¹¹ Mə fə gha ɨnû mbɔ̂ ɨ nən ɨmbə̀ʼ ɨghaʼi we nɨ yeʼ ɨŋga mɨ fîŋ bə̀ yeʼ ɨŋga tən fɔrɨ ni ɨghaʼi swi ɨŋga tə fîŋ.

Ikan feg

¹¹ Mə fə ghà inug mbo̰ inən, ni ghì gha mbə̀ ya gyende kwàʼ icheg ne mə bə̀ gyènde. À ya ni ghì gha mbə̀ ya taŋ gyènde.

Jn 15:11 Cross References

Lk 15:23

Mbə̀ nɨŋ rɨkun ze nɨ mbɨ jə zɨ̀ jeŋgɨ faŋ yeʼe zwiirɨ, tɨ̀ kud ghɨ̀ ɨghaʼi;

Lk 15:32

Àyɨə zɨə nyaʼa kùʼ ni tɨ̀ ghɨ ɨghaʼi, ɨmbə̀ʼ ɨghəm nɨ we aŋgɔb wɔ̂ nyaʼa kwɨ, àyɨə tɨ̀nîn ɨ wɨ ɨkǎ, wɨ̀ nyaʼa nim, àyɨə tɨ̀nîn mə fə zə əməd.'”

Lk 15:5

Wɨ̀ nɨə zə̌, wɨ̀ bɨrɨ gywɨ boŋ əmbə̀ʼ, yènə̀ ghaʼə.

Lk 15:9

Ənɨ wɨ̀ zə, wɨ̀ bɨrɨ tɔŋ mbi mɨ̀sə̀ʼ mbɨ ə bə̂d rɨ ɨban əkwɨ ghà ni, 'Mbə̀ yeʼe tɨ̀ ghaʼ ɨchî nɨ mə fə zə ɨkab we nɨ kəʼ nim.'

Jn 16:24

Ɨ pè rɨ̀nîn, chəi mbə̀ kɨrɨ biirɨ ənû ə mɔʼɔ tɨ əmbɨ mɨ Mbǎʼ ənɨ mɨ ɨkum. Mbə̀ biirɨ, wɨ̀ bɨrɨ naʼ ɨ nən, ɨmbə̀ʼ ɨghaʼi swi ɨŋga tə fîŋ.”

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

Jn 17:13

“Tɨ̀nîn mə wɨə yeʼe əsɨ ne. Mə wɨə ghà ɨnû mbɔ̂ ənɨ mə̀ kɨrɨ ɨŋga ɨsɨg ɨmbə̀ʼ ɨghaʼi swi ɨŋga fîŋ tɨ mɨ̀mə̌d, ɨchî nɨ wɨ bə swi ɨŋga mɨ fîŋ.

Jn 3:29

Wə̀d we nɨ berɨ ɨgən yɨ ɨnom ɨgən. Ɨsə̀ʼ ɨnom ɨgən mɨ təm ɨban zu ənɨ wɨə ghàmə̀, wɨ̀ bɨrɨ kaŋ ghaʼ kwàʼ rɨŋgəʼ ɨmbə̀ʼ ɨghəm nɨ wɨ̀ zu gɨ̂ ɨnom ɨgən we. Əne ɨghaʼi ə kàŋ swi ɨŋga mɨ fîŋ.

Rm 15:13

Ŋwìə̀ we nɨə ghɨ̀ ni mbə̀ berɨ ɨghɨ mbe nɨ mbə̀ə wòmə̀, ghɨ ni ɨghaʼi swi ɨŋga tə fîŋ, mbə̀ bə chub ənɨ əbɔrəbɔd ɨchî nɨ mbə̀ ben əməd, ɨmbə̀ʼ Əzwî ə Zeŋɨ ə ghɨ̀ ni mbə̀ wo ɨmbì wòm ɨnû mbe nɨ Ŋwiə̀ nyaʼa kaʼi.

2 Kɔrèn 1:24

Chəi tɨə nyèm əwən ni mbə̀ ben ɨnû mbe nɨ tɨə ghàə̀. Tɨ̀ kyerɨ ni mbə fə nùŋ fîŋ zɨ̀ kàànɨ ɨgun ə Kristo. Àyɨə tɨ̀ wɨə fàʼə̀ mbɨ nən ɨmbə̀ʼ ɨghaʼi swi ɨŋga tə fîŋ.

Efesùs 5:18

Tɨ mbə̀ nɔ ə mɨnoʼ be, ɨmbə̀ʼ ɨghəm nɨ mbə mɨ nɔ be, mbə bɨrɨ ghɨ ɨnû mbe nɨ bɨrɨ chəkɨ əwən. Mbə̀ saŋə yeʼ ni Əzwî ə Zeŋɨ ə swi ɨŋga nən.

Fìlipì 1:25

Mə kyerɨ ni ənû zɔ̂ yɨ ənû rəsìʼ. Mə bə̀ kyerɨ ni mə bɨrɨ chub ɨkǎ ɨmbə̀ʼ wò ɨmbì wèèrɨ̀ mbə̀n mɨjìm, ɨmbə̀ʼ ɨghaʼi swi ɨŋga tə fîŋ ɨchî nɨ mbə̀ ben ə Kristo,

1 Tèsàlonikà 5:16

Mbə̀ chub ənɨ ɨghaʼi ənɨ mɨ̀nyùmə̀ jìm,

1 Pità 1:8

Mbə ghaʼ əməd, ka à be yeʼi ni chəi mbə kɨrɨ zə əməd. Mbə nuŋ fîŋ ɨgwɨ məd, ka à be yeʼi ni chəi mbə̀ə zə əməd. Mbə̀ kàŋ ghaʼrɨ mbɨ ɨkwɨ ɨghaʼi we nɨ chəi ənɨ tɨ wə̀d ghà ənɨ ɨchù.

1 Jɔn 1:4

Tɨ̀ wɨə ŋwàʼnɨ̀ ɨnû mbɔ̂ ɨ nən ɨmbə̀ʼ ɨghaʼi swi ɨŋga ta fîŋ.

2 Jɔn 1:12

Mə berɨ ɨnû nɔnɔʼ nɨ gha ɨ nən, àyɨə chəi mə bɨrɨ ŋwàʼnɨ̀ ɨŋga ə̀ŋwàʼnɨ̀. Mə kɔndɨ yeʼ ni mə bɨrɨ yeʼe zə əwən bə̀ ghàmbɨ̀ mbɨ nən mɔ̌ mɔ̌, ɨmbə̀ʼ ɨghaʼi swi ɨŋga ta fîŋ.