Jn 13:13 - Meta’

¹³ Mbə mbɨə tɔŋ əmɨ ni 'Əchwiə̀-ɨnû' bə̀ tɔŋə ni 'Ə̀nùŋɨ̀sɨg.' Ənû nɨ mbə̀ gha ə kùʼ, ɨmbə̀ʼ ɨghəm nɨ à yɨə kaŋə wə̀d we nɨ mə yeʼ wɨwən.

Ikan feg

¹³ Mbə̰ mbe kàrà amə ane ‹Àchwitìnùg›, bə̀ kàrà amə ane ‹Anɔŋisəg›. Mbə̰ kòʼ awən ni kàrì amə ane imbə̀ʼ icheg ne à ya wə̀d ne mo yaʼi ìwiwən.

Jn 13:13 Cross References

Matìyò 20:28

Chəi Wan Wə̀d nyaʼa yeʼe ni bə̂d faʼ ɨ bɔ. Wɨ̀ nyaʼa yeʼe ɨmbə̀ʼ faʼ əmbɨ ə bə̂d. Wɨ̀ nyaʼa bə̀ kwɨ ɨmbə̀ʼ choʼ ɨtu bə̂d mɨ̀nɔnɔʼ.”

Lk 10:28

Yeso nyaʼa ghà ɨ bɔ ni, “À fə wììrɨ̀ ɨchî chɔ̀m. Sɨə ghɨ əne, à bɨrɨ tènə̀.”

Lk 6:46

“Mbə̀ kɨə tɔŋ əmɨ ni, 'Ə̀nùŋɨ̀sɨg, Ə̀nùŋɨ̀sɨg', àyɨə chəi mbə̀ə ghɨ̀ ɨnû mbe nɨ mɨə gha ɨ nən ɨmbə̀ʼ ə ye ə?

Lk 7:43

Saimòn nyaʼa wììrɨ̀ ni, “Mə kɔndɨ ni à yɨ we nɨ wɨ̀ saŋ ɨkab nɔnɔʼ ɨ bɔ.” Yeso nyaʼa ghà ni, “À fə wììrɨ̀ ɨchî chɔ̀m.”

Jn 11:2

Mèri we nɨ nobɨ məd nɨ nyaʼə Lazarɔ̀s nyaʼə wɔ̀nə̀ yɨ we nɨ nyaʼa zɔʼ Ə̀nùŋɨ̀sɨg ənɨ mɨwud bə̀ fu ɨwu məd ənɨ ti nyôŋ rɨ ətu.

Jn 11:28

Ənɨ Màta nyaʼa gha ənû zɔ̂, wɨ̀ nyaʼa wò tɔŋ ə Mèri, aŋgɔb məd, nyeʼ chùmbɨ̀ ɨ bɔ ni, “Əchwiə̀-ɨnû wɨ əgha. Ɨ wɨə tɔŋ əwe.”

Jn 11:3

Məyi mbɔ̂ mɨbe nɨ nyaʼə bɔŋgɔb nyaʼa tom ɨkə̂n əmbɨ Yeso ni, “Ə̀nùŋɨ̀sɨg, e sə̀ʼ we nɨ à kaŋ ghaʼ wɨə wɔ̀nə̀.”

1 Kɔrèn 12:3

Əne tɨ̀nîn mə kə̀b ni mbə̀ kyerɨ ni chəi wə̀d mɔʼɔ we nɨə ghà ɨŋgam nɨ Əzwî ə Ŋwiə̀ ə naʼ ɨ bɔ we tɨ̀ wɨ̀ ghà ni, “Ndɔ̀n nyɨ ɨgwɨ ə Yeso.” Mə bə̀ kə̀b ni mbə̀ kyerɨ ni chəi wə̀d mɔʼɔ we tɨ̀ wɨ̀ ghà ni, “Yeso yɨ Ə̀nùŋɨ̀sɨg,” nɨ kaʼi Əzwî ə Zeŋɨ ə ghɨ ni wɨ̀ gha əne.

1 Kɔrèn 8:6

àyɨə ɨ na, Ŋwìə̀ mei we mɔʼ, nɨ yeʼ Mbǎʼ. Ɨghɨjìm yɨ rɨ ɨ bɔ. Tɨ̀ wɨ ɨka ɨmbə̀ʼ əməd. Tɨ̀ bə̀ berɨ Ə̀nùŋɨ̀sɨg mɔʼ, nɨ yeʼ ə Yeso Kristo. Ŋwìə̀ nyaʼa tekɨ ɨghɨjìm ənjìm məd. Tɨ̀ wɨə bə̀ ɨka ɨmbə̀ʼ əməd.

Efesùs 6:9

Mɨ̀mbǎʼ ə̀fàʼì, mbə bə ghɨ̀ əndəŋ əndəŋ mbɨ mbə ɨ̀bòʼò. Tɨ mbə̀ kaʼ ə ni mbə bɨrɨ chə mɨ̀mə̌d. Mbə kyerɨ ni mbə̀n mɨjìm berɨ Mbǎʼ ə̀fàʼì mɔʼ nɨ yeʼ ɨkaŋ. Chəi məd ə ghɨ̀ ɨghə.

Fìlipì 2:11

Wə̀d jìm bɨrɨ ben əsaŋ əsaŋ ni Yeso Kristo yɨ Ə̀nùŋɨ̀sɨg, ɨmbə̀ʼ bə̂d mɨ̀jìm wumnɨ ə Ŋwìə̀ Mbǎʼ.

Fìlipì 3:8

Təsìʼ nɨ yeʼ əŋgu yɨ ni ɨnû jìm yɨ ɨnimɨ ənɨ mə mɨg mbɨ ənû ə kyeŋ ze nɨ bɔŋɨ chè. Ənû ə kyeŋ ze yɨ nɨ kyerɨ ə Kristo Yeso wum Ə̀nùŋɨ̀sɨg. Mə fə nim ɨnû mbe jìm ɨmbə̀ʼ ə Kristo Yeso. Mə fə zə ni ɨnû mbe jìm yɨ ɨnyɔrɨ, ɨmbə̀ʼ mə chubɨ mbɨ Kristo

Jems 2:19

À ben ni Ŋwiə̀ mei we mɔʼ. Zɨə bɔŋ! Ka àbei ɨzwî rɨbɔ̀ŋ, mbɨ bə̀ ben əne, àyɨə ɨ mbɨə benə bə̀ bindɨə.