Jn 10:11 - Meta’

¹¹ “Mɔ̌ yɨ ənə̂ŋgɨ̀-njɨ̀g chɔ̀m. Ənə̂ŋgɨ̀-njɨ̀g chɔ̀m wɨə benə nɨ kwɨ ɨmbə̀ʼ ti njɨ̀g.

Ikan feg

¹¹ Yeso ya chè imbìghè ghà inɔb gha, “Mo ya àjənjə̀g chɔm. Àjənjə̀g chɔm ya bḛ ni ku imbə̀ʼ ìti njə̀g.

Jn 10:11 Cross References

Matìyò 20:28

Chəi Wan Wə̀d nyaʼa yeʼe ni bə̂d faʼ ɨ bɔ. Wɨ̀ nyaʼa yeʼe ɨmbə̀ʼ faʼ əmbɨ ə bə̂d. Wɨ̀ nyaʼa bə̀ kwɨ ɨmbə̀ʼ choʼ ɨtu bə̂d mɨ̀nɔnɔʼ.”

Jn 10:2

We nɨ che ɨchû ɨkam nyɨ ɨŋga əkad ə njɨ̀g yɨ we nɨə nəŋgɨə njɨ̀g te.

Jn 15:13

Chəi ɨghaʼi mɔʼɔ əŋgu nɨ tɨ̀ wɨ chè wɔ̂ ni: wə̀d nyaʼa kwɨ ɨgwɨ ətu mbi mɨ̀sə̀ʼ.

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 13:20

Ŋwìə̀ we nɨə nàʼ əbɔrəbɔd, nɨ nyaʼa che ənjìm ənəm ze nɨ wɨ̀ nyaʼa nɨŋ san fɨso fe nɨ ten i koŋ əne zwemnɨ ə Yeso a Ə̀nùŋɨ̀sɨg nɨ yeʼ ənə̂ŋgɨ̀-njɨ̀g nɨ dabə,

1 Pità 5:4

Ənɨ Ənə̂ŋgɨ̀-njɨ̀g kyeŋ yeʼe, mbə bɨrɨ nɨŋ əchwɨ̂ əgu ə zeŋɨ ze nɨ chəi zɨə bɨrɨ nɔ chɔʼrɨ.

1 Jɔn 3:16

Ɨchî nɨ tɨ̀ rɨ̀ kyerɨ ənû ze nɨ ɨghaʼi kaŋ yeʼ wɨwən yɨ ni: Kristo nyaʼa kwɨ ɨgwɨ mba ɨtu. Əne mbà bə, tɨ̀ berɨ bɨ kwɨ ɨgwɨ ɨtu mba bɔŋgɔb.

Ɨnû 7:17

ɨmbə̀ʼ ɨghəm nɨ Wan njɨ̀g we nɨ təm ɨŋga mɨgharə̀ ətən ɨfɔ̀n ze bɨrɨ nəŋgɨ mɨ̀mə̌d ɨghabɨ ənə̂ŋgɨ̀-njɨ̀g; wɨ̀ bɨrɨ kə̀ŋ mɨ̀mə̌d wò ənɨ mɨ̀jwɨ̀-əmboŋ mɨnib nɨə nàʼ ɨ̀tènɨ̀. Ŋwìə̀ bɨrɨ fu mɨsɨ jìm tɨ ənɨ əghə mɨ̀mə̌d.”