Jn 10:10 - Meta’

¹⁰ Ɨjɨ wɨə yeʼe àmei nɨ jɨ, nɨ zwiirɨ bə̀ fɔrɨ nɨ nimnɨ njɨ̀g te. Mə nyaʼa yeʼe ni njɨ̀g te jɨg ɨ̀tènɨ̀, əne jɨg ɨ swi.

Ikan feg

¹⁰ Iji ya yèʼe ni ji, kə̀ ni zweti, kə̀ ni nimni njə̀g. Mə yèʼe gha, mbə̀ jəg ìtḛ̀, ne ya kwàʼ ìtḛ̀ ne chəyi wi cheʼi aghi mɔ̀ʼɔ ka.”

Jn 10:10 Cross References

Matìyò 18:10

“Mbə̀ zə ni tɨ mbə̀ təənɨ ə wan kwa mɔʼɔ rəbɔʼ mbɔ̂ nɨ ben əmɨ. Mə ghà ɨ nən ni, ɨkaŋ, mbɨ̀aŋgɨrə̀ mɨ̀mə̌d mbɨə zə ɨfě mɨ Mbǎʼ we nɨ yeʼ ɨkaŋ ənɨ mɨ̀nyùmə̀ jìm.

Matìyò 18:11

[Wan Wə̀d nyaʼa yeʼe ɨmbə̀ʼ chɨ bə̂d mbe nɨ nyaʼa nim rəŋgəʼ.]

Matìyò 20:28

Chəi Wan Wə̀d nyaʼa yeʼe ni bə̂d faʼ ɨ bɔ. Wɨ̀ nyaʼa yeʼe ɨmbə̀ʼ faʼ əmbɨ ə bə̂d. Wɨ̀ nyaʼa bə̀ kwɨ ɨmbə̀ʼ choʼ ɨtu bə̂d mɨ̀nɔnɔʼ.”

Matìyò 21:13

Wɨ̀ nyaʼa ghà əmbɨ mɨ̀mə̌d ni, “Ə zɨ ɨŋga Ə̀ŋwàʼnɨ̀ ə Ŋwiə̀ ni, 'Mbɨ bɨrɨ sɨə tɔŋə mɨ nəb ənɨ nəb ə̀kɔ̀ŋgɨ̀', àyɨə mbə fə bèŋ ənɨ əsɨ nɨ mɨjɨ ə nə̀mbɨ̀ ɨŋga.”

Matìyò 23:13

“Ŋgəʼ kyeŋ bɨrɨ nyɨ ɨgwɨ nən, mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə wùb ɨchû ɨkam ənû ɨfɔ̀n rɨkaŋ ni tɨ̀ bə̂d nyɨ ə ɨŋga, àyɨə chəi mbən ə bə̀ nyɨə, kɨ̀ bè sàŋ ni mbe nɨə kə̀b nyɨ mbɨ nyɨ.

Mk 11:17

Wɨ̀ nyaʼə chwi ɨnû əmbɨ mɨ̀mə̌d ghàə̀ ni, “Chəi mbɨ wa ŋwaʼnɨ ni, 'Mbɨ bɨrɨ sɨə tɔŋə mɨ nəb ənɨ ə nəb ə̀kɔ̀ŋgɨ̀ əmbɨ ɨbeŋ jìm ə'? Àyɨə mbə fə bèŋ ənɨ əsɨ nɨ mɨjɨ ə nə̀mbɨ̀ ɨŋga.”

Lk 19:10

Wan Wə̀d nyaʼa yeʼe ɨ kəb bə̂d mbe nɨ nyaʼa nimɨ ɨmbə̀ʼ chɨ mɨ̀mə̌d rəŋgəʼ.”

Jn 10:1

Yeso nyaʼa ghà ni, “Mə ghà rəsìʼ ɨ nən ni wə̀d we nɨ chəi wɨ̀ che ɨchû ɨkam nyɨ ɨŋga əkad ə njɨ̀g, àyɨə wɨ̀ kɔʼ nyɨ ɨnə̂njɨ̀ cherə yɨ ɨjɨ fɔrɨ ə̀bàgɨ.

Jn 10:11

“Mɔ̌ yɨ ənə̂ŋgɨ̀-njɨ̀g chɔ̀m. Ənə̂ŋgɨ̀-njɨ̀g chɔ̀m wɨə benə nɨ kwɨ ɨmbə̀ʼ ti njɨ̀g.

Jn 12:47

Chəi mə̀ bɨrɨ saʼ wə̀d mɔʼɔ we nɨ zu ɨnû mbɔ̂ nɨ mɨə ghàə̀ àyɨə chəi wɨ̀ ghɨ̌, ɨmbə̀ʼ ɨghəm nɨ chəi mə nyaʼa yeʼe ɨŋga ɨsɨg ɨmbə̀ʼ saʼ bə̂d. Mə nyaʼa yeʼe ɨmbə̀ʼ chɨ bə̂d rəŋgəʼ.

Jn 12:6

Wɨ̀ nyaʼa ghà ənû zɔ̂ kaʼi ɨmbə̀ʼ ɨghəm nɨ wɨ̀ nyaʼa zɨ ətu nɨ nəŋgɨ bə̂d ɨkwaŋ. Wɨ̀ nyaʼa ghà ɨmbə̀ʼ ɨghəm nɨ məd yɨə nyaʼə ɨjɨ, fɔrɨ ni ɨchî nɨ ə̀bàm ɨkab ə nyaʼa ɨ bɔ, wɨ̀ nyaʼə mɨ̀ə̀ chɨ̀ ɨkab rəbɔʼ we nɨ mbɨ nyaʼa zɨ ɨŋga ə̀bàm ze ghɨ̀ mbi ɨnû əŋgu.

Jn 3:17

Ŋwìə̀ nyaʼa tom i Wan ɨŋga ɨsɨg, kaʼi ni wɨ̀ zɨ ɨsaʼi ɨgwɨ ə bə̂d rɨŋga ɨsɨg, àyɨə ni bə̂d rɨŋga ɨsɨg mbe tɨ̀ mbɨ chè ənjìm məd jwɨ̀ rəŋgəʼ.

Jn 5:40

àyɨə chəi mbə̀ ben nɨ yeʼe əsɨ num ɨmbə̀ʼ jɨg ɨ̀tènɨ̀.

Jn 6:33

Ŋgə̀ŋ ze nɨ Ŋwìə̀ ə nàʼə̀ yɨə məd we nɨ swiʼi rɨkaŋ. À yɨə məd we nɨ swiʼ rɨkaŋ ə nàʼ ɨ̀tènɨ̀ əmbɨ ə bə̂d ɨŋga ɨsɨg.”

Jn 6:51

Mɔ̌ yɨə ŋgə̀ŋ ze nɨə nàʼ ɨ̀tènɨ̀ nɨ nyaʼa swiʼi rɨkaŋ. Wə̀d mɔʼɔ we nɨ jɨg ŋgə̀ŋ zɔ̂ bɨrɨ ten i koŋ. Ŋgə̀ŋ ze nɨ mə̀ bɨrɨ nàʼ ni ɨsɨg jɨg tènə̀ yɨ mɨ nyamnyod.”

Rm 2:21

À mɨ yeʼə chwi ɨnû əmbɨ ə bə̂d cherə, chəi ənɨ tɨ̀ à bə̀ chwi əmbɨ e ɨnyod ə? À mɨ yeʼə ghàə̀ ni tɨ bə̂d jɨ ə, à wɨə wa bə̀ jɨ ə?

1 Timotì 1:15

Ɨŋgam wɔ̂ yɨ wɨ rəsìʼ nɨ kuʼ ni tɨ̀ ben ənɨ ta fîŋ rɨjìm. Ɨŋgam rəŋgu yɨ ni Kristo Yeso nyaʼa yeʼe ɨŋga ɨsɨg ɨmbə̀ʼ chɨ bə̂d mbe nɨə ghɨ̀ ɨnû rɨbɔ̀ŋ rəŋgəʼ. Mɔ̌ yɨə kàŋ ə wə̀d ɨnû rɨbɔ̀ŋ we nɨ bə̌ chè bə̂d mɨjìm mbe nɨə ghɨ̀ ɨnû rɨbɔ̀ŋ.

Mə̀Hibrù 6:17

Ənɨ Ŋwìə̀ nyaʼa kəb ghɨ zɨə zeŋ əmbɨ ə bə̂d mbe nɨ wɨ̀ nyaʼa kaʼ mɨ̀mə̌d ni chəi tə bɨrɨ nɔ kwepɨ ənû ze nɨ tə nyaʼa fə nuŋɨ, wɨ̀ nyaʼa nɨŋ i ɨkum kàn əŋgu.

Mə̀Hibrù 7:25

Əne məd ə berɨ ɨka ənɨ mɨ̀nyùmə̀ jìm nɨ chɨ bə̂d mbe nɨ che ənjìm məd tindɨ ɨban ə Ŋwiə̀ rəŋgəʼ, ɨmbə̀ʼ ɨghəm nɨ məd wɨ i ɨkǎ koŋ ɨmbə̀ʼ kɔŋgɨ ə Ŋwiə̀ ɨgwɨ mɨ̀mə̌d.

2 Pità 1:11

Əne Ŋwìə̀ bɨrɨ naʼ ɨka jìm ɨ nən nɨ nyɨ ɨŋga ənû ɨfɔ̀n rɨ mì a Ə̀nùŋɨ̀sɨg Yeso Kristo we nɨə chɨ̀ əwa rəŋgəʼ.