Jn 1:16 - Meta’

¹⁶ Ɨ̀chɔ̀m ə swi ɨgwɨ məd, əne ɨ wɨə ghɨ̀ ni tɨ̀ jɨg ɨ̀chɔ̀m we. Ɨ wɨ̀ rəbə naʼ i əbɔrəbɔd naʼ ɨ na ɨghəm jìm.

Ikan feg

¹⁶ Ìchɔ̀mì məd sweg mànì. Wè ghì gha tì ya jəghə ìchɔ̀mì we mà nyumə̀ ijìm. Məd we bə̀ zìye àbɔrɔ̀bɔd igun ina mà nyumə̀ ijìm anjìm fìŋ chɔm məd ne wì beri igun ina.

Jn 1:16 Cross References

Matìyò 13:12

Əton nɨ mɨə ghàm əmbɨ mɨ̀mə̌d ənɨ ɨnû mɨgɨ yɨ ɨmbə̀ʼ ɨghəm nɨ wə̀d we nɨ berɨ ɨghɨ, mbɨ bɨrɨ naʼ mbɨ cherə ɨ bɔ, wɨ̀ sɨ berɨ mbɨ nɔʼ. Àyɨə we nɨ chəi wɨ̀ berɨ əghɨ, ka àbei ɨkə we nɨ wɨ̀ berɨ mbɨ bɨrɨ nɨŋ rɨ bɔ.

Matìyò 3:11

“Mə wɨə nàʼ mɨnib ɨ nən ɨ chwi ni mbə fə bèŋ tə fîŋ, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ beʼ ɨtabɨ məd. Məd bɨrɨ cha Əzwî ə Zeŋɨ bə̀ chà ɨwid ɨgwɨ nən.

Matìyò 3:14

Jɔ̌n nyaʼa kə̀b ni njɨ tə bən əməd, əne wɨ̀ nyaʼa ghà ni, “À yɨ àwɔ̀ kəʼ berɨ naʼ mɨnib ɨ num. À sɨ wɨrɨ yeʼe əsɨ num ɨmbə̀ʼ ə yè ə?”

Lk 21:15

ɨmbə̀ʼ ɨghəm nɨ mə bɨrɨ naʼ ɨŋgam fɔrɨ ɨwe ɨ nən nɨ chəi wə̀d mɔʼɔ rəbɔʼ mbə bə̂d pə̀n we tɨ̀ wɨ̀ təm mbɨ nən kɨ̀ bè ton ɨŋgam we.

Jn 3:34

Ɨŋgam we nɨ wə̀d we nɨ Ŋwìə̀ tom ə ghàə̀ yɨ rɨ əmbɨ ə Ŋwiə̀, ɨmbə̀ʼ ɨghəm nɨ Əzwî ə Ŋwìə̀ ə zɨ ɨgwɨ məd nɨ chəi ənɨ tɨ̀ mbɨ mɨ̀g.

Rm 5:17

À mɨ yeʼ nɨ ɨvɨ wɨə nyaʼə tùmbɨ̀ ɨsɨg ənjìm ɨgu-ənû wə̀d mɔʼ, njɨ à yɨə bə̀ rəsìʼ ni bə̂d mbe nɨ jɨg ɨ̀chɔ̀m nɔnɔʼ bə̀ jɨg ɨneʼe we nɨ ghɨ ni mbɨ təm kùʼnɨ̀ bɨrɨ chub ɨkǎ tùmbɨ̀ ɨsɨg ənjìm ə wə̀d mɔʼ, əne yɨə Yeso Kristo.

Rm 5:2

Ənjìm ɨchî nɨ tɨ̀ ben əməd, tɨ̀ fə bə̀ nyɨ ɨŋga ɨ̀chɔ̀m we nɨ tɨ̀ yeʼ ɨŋga tɨ̀nîn. Əne tɨ̀ goŋ ɨgɔ̂ nùŋ ta rɨkɔndɨ wòm ni tɨ̀ bɨrɨ chubɨ mbɨ ə Ŋwiə̀ ɨŋga ɨwumnɨ məd.

Rm 5:20

Tɨkə nyaʼa yeʼe ɨ ghɨ ni ɨnû rɨbɔ̀ŋ nɔʼ. Àyɨə əsɨ ze nɨ ɨnû rɨbɔ̀ŋ nɔʼɔ, ɨ̀chɔ̀m Ŋwiə̀ bɨrɨ nɔʼ chè,

Rm 8:9

Àyɨə chəi mbə̀n ə ghɨ̀ ɨnû mbe nɨ nyamnyod ə feenɨə. Mbə mbɨə ghɨ̀ yeʼ mbe nɨ Əzwî ə ghà ɨ nən, əne yɨ əwù ze nɨ Əzwî ə Ŋwiə̀ ə kaŋ yeʼ ɨŋga nən. Ka wə̀d we nɨ chəi Əzwî ə Kristo ɨŋga məd yɨ i wə̀d Kristo.

Efesùs 1:23

Ɨfetɨ we yɨə nyamnyod Kristo. Ɨ wɨə swe ɨnû mbe nɨ bu rɨ ənɨ Kristo. Kristo ziə wɨə bə swe ɨnû jìm ɨsɨ jìm.

Efesùs 3:19

Mə wɨə kɔ̀ŋgɨ̀ ə Ŋwiə̀ ni mbə̀ kyerɨ ni ɨchî nɨ Kristo ghaʼ əwən ə chè ɨchî nɨ tɨ̀ bə̂d kyerɨ. Mbə mɨ kàŋ kyerɨ ɨchî nɨ wɨ̀ ghaʼ əwən njɨ mbə mɨ̀chì bɨrɨ sɨ yeʼ ɨghabɨ mɨchî Ŋwiə̀.

Kòlosè 1:19

Zɨə nyaʼa bɔ̀ŋ əmbɨ ə Ŋwiə̀ ni Wan məd berɨ mɨchî məd mɨjìm ɨŋga ni.

Kòlosè 2:3

Ŋwìə̀ fə nə̀m ɨwe jìm bə̀ nə̀m ɨkyerɨ-ɨnû jìm ɨŋga məd.

1 Pità 1:11

Mbɨ nyaʼa bə̀ jeŋgɨ nwèndɨ̀ ɨnû ze nɨ Əzwî ə Kristo ze nɨ yeʼ ɨŋga mɨ̀mə̌d ə nyaʼa be ghà əmbɨ mɨ̀mə̌d ɨmbə̀ʼ ɨchî nɨ Kristo nyaʼa wo zə ŋgəʼ. Mbɨ nyaʼa bə̀ jeŋgɨ nwèndɨ̀ ɨwumnɨ kyeŋ we nɨ wɨ̀ nyaʼa wo berɨ. Mbɨ nyaʼa bə̀ jeŋgɨ nwèndɨ̀ ɨmbə̀ʼ wə̀d we məd yeʼ wɨwən bə̀ nwèndɨ̀ ə nyùmə̀ we nɨ ɨnû mbe bɨrɨ ghɨ̀.

1 Pità 1:2

Ŋwìə̀ Mbǎʼ nyaʼa chɔʼ əwən ni mbə̀ yeʼ mbi bə̂d ɨchî nɨ wɨ̀ nyaʼa fə nuŋɨ. Əzwî əməd ə fə ghɨ̀ mbə zeŋ, ɨmbə̀ʼ mbə̀ zuunɨ ə Yeso Kristo bə̀ ghɨ̀ ni ənəm əməd ze nɨ wɨ̀ nyaʼa chəmnɨ ə zeŋnɨ əwən. Ɨ̀chɔ̀m Ŋwiə̀ mbɨ əbɔrəbɔd əməd yeʼe ɨgwɨ nən ɨ ə̀bù ə̀bù.