Jems 2:20 - Meta’

²⁰ Ənêŋ! À wa kəb ni mbɨ chwi ɨ ne ni ɨbenɨ nɨ chəi ɨnû chɔ̀m mbe nɨ wə̀d ə ghɨ̀ə̀ yɨ ətu ə̀kǒ ə?

Ikan feg

²⁰ Anen! Àghò wa kə̀b gha mbe chwi ine gha ibḛfiŋ witì zən tìghinùg ya ati ako?

Jems 2:20 Cross References

Rm 1:21

Ka à bè yeʼi ni mbɨ nyaʼa kyerɨ ə Ŋwiə̀, àyɨə chəi mbɨ nyaʼa nàʼ ɨwumnɨ we ɨ bɔ ni məd yɨə Ŋwiə̀, kɨ̀ bè nàʼ məben-əwe ɨ bɔ. Ɨ mbɨə nyaʼə kɔndɨ yeʼ ɨnû əko. Əne ɨchî nɨ tɨkɔndɨ tɨ mɨ̀mə̌d nyaʼa tɨ əko, chəi mbɨ nyaʼə wɨrɨə kɔndɨ ənû ə chɔ̀m ə mɔʼɔ.

Rm 3:28

Tɨ̀ benɨ ni wə̀d ə təm kùʼnɨ̀ ənjìm ɨbenɨ, kaʼi ɨmbə̀ʼ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌.

Rm 9:20

Àwɔ̀ wə̀d mɨ̀sɔŋɨchù kɨə kaŋ əwe nɨ bɨrɨ wiirɨ ɨŋgam əmbɨ ə Ŋwiə̀ ə? Tɨ̀ əghɨ ze nɨ mbɨ bɔmɨ wɨrɨ ghà əmbɨ ə wə̀d we nɨ bɔm əməd ni, “À bɔm əmɨ əni ɨmbə̀ʼ ə yè ə?”

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Gàlesìyà 6:3

Wə̀d mɔʼɔ mɨ kɔndɨ ni tə yɨ əghɨ ə mɔʼɔ, nɨ ka məd yɨ i əghɨ ə mɔʼɔ, njɨ ɨ wɨə tambɨ i ɨnyod.

Kòlosè 2:8

Tɨ mbə̀ ben ə ni wə̀d mɔʼɔ nɨŋ ɨwe əko bə̂d mɨ̀sɔŋɨchù tambɨ əwən əŋgu əne ghɨ̀ mbə̀ ben ɨ̀bòʼò ɨ bɔ. Ɨwe əko we yɨ rɨ ənɨ mɨchî mɨ̀mbǎʼ mbɨ rəŋwe bə̀ fɔrɨ rɨ əmbɨ ɨzwî mbe nɨə tùmbɨ̀ ɨsɨg. Ka ɨwe əko wɔ̂ yɨ i rɨ əmbɨ Kristo.

1 Timotì 1:6

Bə̂d mɔʼɔ fə waʼ ɨnû mbe nɨ mbɨ berɨ nɨ ghà. Əne mbɨ fə bèŋ sɨə ghàə̀ yeʼ mɨŋgam əko.

Tayitùs 1:10

Mə wɨə ghà əne ɨmbə̀ʼ ɨghəm nɨ bə̂d mɨ̀nɔnɔʼ mbɨ əŋgu nɨ chəi mbɨə zuunɨə bə̂d kyeŋ, màànɨ̀ mɨ̀Jû mbe nɨə ghàə̀ ni mbɨ ne bə̂d. Ɨ mbɨə ghà ɨŋgam nɨ chəi wɨə yim mɨnib. Ɨ mbɨə bə̀ tambɨ ə bə̂d.

Jems 1:26

Wə̀d mɔʼɔ rəbɔʼ nən wa kɔndɨ ni tə kàànɨ̀ ɨŋga ənû ə Ŋwìə̀ ə? Wɨ̀ mɨ ton yimbɨ i i ɨchû, ɨ wɨə tambɨ i ɨnyod, əne ənû ə Ŋwìə̀ əməd ze yɨ ətu ə̀kǒ.

Jems 2:17

Əne ɨbenɨ tə̀zìʼ wi nɨ chəi ɨnû chɔ̀m mbe nɨ wə̀d ə ghɨ̀ə̀ əbɔʼ yɨ ətu ə̀kǒ.

Jems 2:26

Ɨchî nɨ nyamnyod nɨ chəi əzwî yɨ ətu ə̀kǒ, əne bə̂, ɨbenɨ nɨ chəi ɨnû chɔ̀m mbe nɨ wə̀d ə ghɨ̀ə̀ yɨ ətu ə̀kǒ.