Jems 1:3 - Meta’

³ Mbə̀ fə kyerɨ ə ni mbɨ mɨ zweʼrɨ ə ɨbenɨ, mbə mbe tɨ̀ mbə nyìʼ.

Ikan feg

³ Mbə̀ ya ghìyə̀ ane imbə̀ʼ icheg ne mbə̰ kyèri gha àkwàʼrì ya zwèʼre ìwən ibḛfiŋ ni ghì gha mbə kyeri icheg ni nyìʼ fìŋ.

Jems 1:3 Cross References

Lk 21:19

Mbə mɨ nyìʼ, mbə bɨrɨ jɨg ɨ̀tènɨ̀ rəsìʼ.

Rm 15:4

Ɨŋgam wɔ̂ yɨ ɨmbə̀ʼ ɨghəm nɨ ɨnû mbe nɨ mbɨ nyaʼa ŋwaʼnɨ rəŋwe, mbɨ nyaʼa ŋwàʼnɨ̀ ɨmbə̀ʼ kəərɨ əwa. Mbɨ nyaʼa ŋwaʼnɨ ɨmbə̀ʼ ɨghəm nɨ ənjìm ɨnyiʼ fîŋ bə̀ fɔrɨ ənjìm ɨka we nɨ Ə̀ŋwàʼnɨ̀ ə Ŋwiə̀ ə nàʼ ɨ na, tɨ̀ we tɨ̀ rɨ̀ wòm ɨnû mbe nɨ Ŋwiə̀ nyaʼa kaʼ ɨ na.

Rm 2:7

Wɨ̀ bɨrɨ naʼ ɨ̀tènɨ̀ rɨ mì əmbɨ ə bə̂d mbe nɨə yimə fîŋ ghɨ̀ ɨ̀chɔ̀m, nɨə kə̀b ɨzeŋɨ zeŋɨ mbɨ ɨwumnɨ fɔrɨ ənû nɨ chəi bə̂d bɨrɨ nɔ kwɨ.

Rm 8:25

À mɨ yeʼ nɨ tɨə nùŋ ɨkɔndɨ wòm əghɨ ze nɨ chəi tɨə zəə, njɨ tɨ̀ bɨrɨ wòm mbɨ ɨyim fîŋ.

Rm 8:28

Tɨ̀ kyerɨ ni ənɨ ɨnû jìm, Ŋwìə̀ wɨə fàʼə̀ ni bə̂d mbe nɨ ghaʼ əməd zə ɨ̀chɔ̀m, əne yɨə bə̂d mbe nɨ wɨ̀ nyaʼa tɔŋ ni mbɨ yeʼ mbɨ bə̂d ɨchî nɨ wɨ̀ nyaʼa fə nuŋɨ.

2 Kɔrèn 4:17

Ka ŋgəʼ kwa kwa zɔ̂ nɨ tɨə zəə bɨrɨ tandɨ i. Ɨ zɨə tekɨ əwa ni mbɨ naʼ ɨwumnɨ we nɨ ten i koŋ ɨ na. Ɨwumnɨ we ə chè ŋgəʼ zɔ̂ jìm.

Kòlosè 1:11

Ŋwiə̀ we nɨ berɨ ɨka nɨ chè ɨka jìm ghɨ ni mbə̀ jeŋgɨ təm kàànɨ̀ ɨmbə̀ʼ mbə̀ sɨə nyìʼ əton ə ŋgəʼ, sɨə yimə fîŋ, sɨə ghaʼə bɔŋgɔb,

2 Tès 1:4

Əne tɨ̀ wɨə goŋ ɨgɔ̂ ɨmbə̀ʼ əwən ɨŋga rɨfetɨ bə̂d Ŋwiə̀ ɨchî nɨ mbə̀ə nyìʼə̀ fɔrɨ ɨmbə̀ʼ ɨchî nɨ ə ɨbenɨ kaanɨ ənɨ mɨ̀nyùmə̀ jìm mbe nɨ mbɨə nwèndɨ̀ tə rɨkyerɨ-ɨwu fɔrɨ ənɨ mbɨə zəə ŋgəʼ.

2 Tès 3:5

Ə̀nùŋɨ̀sɨg ghɨ ni mbə̀ jeŋgɨ kyerɨ ɨchî nɨ Ŋwìə̀ ghaʼ əwən, bə̀ ghɨ̀ ni mbə nyiʼ ənɨ bə̂d ə nwèndɨ̀ tə rɨkyerɨ-ɨwu àmei ɨchî nɨ Kristo ziə nyaʼa bə nyìʼ.

Mə̀Hibrù 10:36

Mbə berɨ nyiʼ, ɨmbə̀ʼ mbə ghɨ ənû ze nɨ Ŋwìə̀ kə̀bɨ. Mbə mɨ ghɨ̀ əne, mbə bɨrɨ berɨ əghɨ ze nɨ Ŋwìə̀ kaʼ ɨ nən.

Mə̀Hibrù 12:1

Ɨchî nɨ mɨ̀zərɨmbin mbɔ̂ ɨnɔ̂n kyeŋ kaŋ kad əwa, əne tɨ̀ waʼ ɨnû jìm mbe nɨə kən ɨnə̂njɨ̀ ɨ na bə̀ waʼ ɨnû rɨbɔ̀ŋ mbe nɨ kod əwa. Tɨ̀ notɨ ə̀nòtɨ̀ ze nɨ yeʼ ɨmbì ɨ na mbɨ ɨnyiʼ fîŋ.

Mə̀Hibrù 6:12

Chəi tɨ̀ kəb ni mbə̀ ghɨ ɨgwed. Mbə̀ ghɨ yeʼ ɨnû mbe nɨ bə̂d mbe nɨ ənjìm ɨbenɨ fɔrɨ ənjìm ɨyim fîŋ nyaʼə ghɨ̀ə̀. Mbɨ nyaʼə ghɨ̀ əne ɨmbə̀ʼ jɨg ɨghɨ mbe nɨ Ŋwìə̀ nyaʼa kaʼi.

1 Pità 1:7

Ɨnû mbɔ̂ yɨ nɨ zweʼrɨ əwən ɨ zə ni ə ɨbenɨ ə bə̀ kàŋ kàànɨ̀ ə. Ka àbei ə gôl nɨ tɨ mbɨ chə̀kɨ̀, ɨ mbɨə zweʼrɨ ənɨ mbɨ tɔn ɨŋga ɨsweŋ ɨwid ənam. Əne mbɨ berɨ bɨ zweʼrɨ ə ɨbenɨ we nɨ yeʼ əghɨ əka ɨnun chè ə gôl. Ɨbenɨ we mɨ kàànɨ̀, Ŋwìə̀ ziə bɨrɨ yiirɨ əwən, mbə bə̀ berɨ ɨzeŋɨ zeŋɨ mbɨ ɨwumnɨ ənɨ ə nyùmə̀ we nɨ Yeso Kristo bɨrɨ wɨrɨ yeʼe.

2 Pità 1:6

Ɨchî nɨ mbə̀ kyerɨ ə Ŋwiə̀ ə ghɨ ni mbə̀ yimbɨ ɨnyod. Ɨchî nɨ mbə̀ə yimbɨ ɨnyod ə ghɨ ni mbə̀ chi ɨnû. Ɨchî nɨ mbə̀ə chì ɨnû ə ghɨ ni mbə̀ wumnɨ ə Ŋwìə̀.