Ɨ̀fàʼì 9:4 - Meta’

⁴ Wɨ̀ nyaʼa feŋ ə si, əne zu gɨ̂ nɨ nyaʼa ghà ɨ bɔ ni, “Sɔ̂l! Sɔ̂l! À kɨə nwèndɨ̀ tum rɨkyerɨ-ɨwu ɨmbə̀ʼ ə yè ə?”

Ikan feg

⁴ Wì ya bu igun nyam fen aseg si zug gì mɔ̀ʼɔ ne ya ghà ibo gha, “Sɔl! Sɔl! Aton ne àghò we chɔ̀ʼɔ ìmbum ibɔʼì ighog àkə gha?”

Ɨ̀fàʼì 9:4 Cross References

Matìyò 25:40

Ɨfɔ̂n we bɨrɨ wììrɨ̀ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ mbə̀ nyaʼə ghɨ̀ ɨnû mbɔ̂ ənɨ wɨ kwa mɔʼɔ rəbɔʼ bɔŋgɔb mbɔ̂ num, əne mbə̀ nyaʼa ghɨ yeʼ ənɨ ə num.'

Lk 10:41

Àyɨə Ə̀nùŋɨ̀sɨg nyaʼa wììrɨ̀ ɨ bɔ ni, “Màta, Màta! À wɨə nwìʼ ɨnyod əku bə̀ zəə ŋgəʼ ɨmbə̀ʼ ɨnû nɔnɔʼ.

Jn 18:6

Ənɨ Yeso nyaʼa gha əmbɨ mɨ̀mə̌d ni, “À yɨə mɔ̌ wɔ̂,” mbɨ nyaʼa wò rəbɔʼɔ rəbɔʼɔ gùùrɨ̀ ə si.

Jn 20:16

Yeso nyaʼa tɔŋ əməd ni, “Mèri!” Mèri nyaʼa bèŋ neŋ əməd ghà ənɨ ɨŋgam Hibrù ni, “Ràbonì,” əne yɨ ni “Əchwiə̀-ɨnû”.

Jn 21:15

Ənɨ mbɨ nyaʼa fə sobrɨ ənə̂d, Yeso nyaʼa biirɨ əmbɨ Pità ni, “Saimòn, àwɔ̀ wan Jɔ̌n, à ghaʼ əmɨ chè bə̂d mbɔ̂ ə?” Pità nyaʼa wììrɨ̀ ɨ bɔ ni, “Ee, kyɨ Ə̀nùŋɨ̀sɨg, à kyerɨ ni mə ghaʼ əwe.” Yeso nyaʼa ghà ɨ bɔ ni, “Jə mbɨ bɔn njɨ̀g.”

Ɨ̀fàʼì 5:10

Àmei əwu əwən, wɨ̀ nyaʼa gù ɨban ɨwu Pità, kwɨ. Ənɨ ŋgwàʼ bə̂d ze nyaʼa wɨrɨ yeʼe nyɨ, mbɨ nyaʼa zə ni wɨ̀ fə kwɨ, əne mbɨ nyaʼa bə̀ beʼ əməd wò tweŋ ɨban ɨnom məd.

Ɨ̀fàʼì 9:5

Sɔ̂l nyaʼa biirɨ ni, “Àwɔ̀ kɨə we, Ə̀nùŋɨ̀sɨg ə?” Gɨ̂ ze nyaʼa wììrɨ̀ ni, “À yɨə mɔ̌ Yeso we nɨ àwɔ̀ ə nwèndɨ̀ rɨkyerɨ-ɨwu məd.

Rm 11:22

Mbə̀ zə ɨchî nɨ Ŋwìə̀ ə ghɨ̀ ɨ̀chɔ̀m bə̀ tɔə. Ɨ wɨə tɔ əmbɨ ə bə̂d mbe nɨə gù ənû, àyɨə ɨ wɨə ghɨ̀ ɨ̀chɔ̀m ənɨ ə nən, əne mbə̀ chub àmei ɨŋga ɨ̀chɔ̀m məd. Mbə mɨ ton ghɨ ə əne, wɨ̀ bɨrɨ bɨ sob əwən waʼ.

1 Kɔrèn 12:12

Ɨchî nɨ nyamnyod mei mɔʼ mbɨ ɨsɨ ɨnyod nɔnɔʼ, əne ɨsɨ ɨnyod jìm, ka mbɨ bè nɔʼ i, yɨə nyamnyod mɔʼ. À yɨ ɨchî nɨ nyamnyod Kristo yeʼ we.

1 Kɔrèn 4:7

À kɨə ye nɨ mbə̀ berɨ nɨ chwi ni mbə̀ chè bə̂d cherə ə? À kɨə ye nɨ mbə̀ berɨ nɨ kaʼi Ŋwìə̀ naʼ ɨ nən ə? Wɨ̀ mɨ nyaʼa nàʼ ɨghɨ ɨ nən, njɨ əton nɨ mbə̀ə goŋ ɨgɔ̂ ɨghabɨ ni chəi wɨ̀ nyaʼa naʼ ɨghɨ ɨ nən kɨ ɨmbə̀ʼ ə yè ə?

Efesùs 5:30

Tɨ̀ yɨə ɨsɨ ɨnyod rɨ ənɨ ə nyamnyod məd.