Ɨ̀fàʼì 5:13 - Meta’

¹³ Chəi wə̀d mɔʼɔ rɨ ɨsɨg nɨ tɨ̀ wɨ̀ nyaʼa yim fîŋ fɔtɨ əbɔʼ mɨ̀mə̌d, àyɨə ɨ mbɨə nyaʼə wumnɨ mɨ̀mə̌d kwàʼ rɨŋgəʼ.

Ikan feg

¹³ Bəd yaya ghùmnə awɔb kwàʼ icheg chɔm. Si ya gha, chəyi wə̀d ne chəyi abɔ̀ʼ inɔb ya beri fìŋ ne tì wì fɔ̀ti abɔ̀ʼ inɔb.

Ɨ̀fàʼì 5:13 Cross References

Lk 19:48

àyɨə chəi mbɨ nyaʼa zə ɨnə̂njɨ̀ nɨ zwiirɨ əməd ɨmbə̀ʼ ɨghəm nɨ bə̂d mɨjìm mbɨə nyaʼə kə̀b zu ɨnû jìm mbe nɨ wɨ̀ nyaʼə ghàə̀.

Jn 12:42

Ka à bè yeʼi əne, bə̂d mɨ̀nɔnɔʼ rəbɔʼ mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ben ə Yeso, àyɨə chəi mbɨ nyaʼa gha əsaŋ əsaŋ ɨmbə̀ʼ ɨghəm nɨ ɨ mbɨə nyaʼə bɔə mɨ̀Farisiî. Mɨ̀Farisiî nyaʼa mɨ kyerɨ, njɨ mbɨ bɨrɨ fid mɨ̀mə̌d tɨ̀ ɨŋga nəb ə̀kàtɨ̀.

Jn 19:38

Ənɨ ənû ze ə nyaʼa chě, Jòsêf rɨ ə Àrimàtiyà nyaʼa wò biirɨ əmbɨ Pailèt ni wɨ̀ saŋ i tə wò swi əvɨ ə Yeso nɨŋ wò. Pailèt nyaʼa benɨ. Əne wɨ̀ nyaʼa wò swi əvɨ ze nɨŋ wò. (Jòsêf yɨ nyaʼə ə̀mə̀ə̀nɨ̀-ɨnû Yeso ənjìm ənjìm ɨmbə̀ʼ ɨghəm nɨ ɨ wɨ̀ nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû.)

Jn 9:22

Mbǎʼ mbɨ ɨŋgɔb mbaŋə̀ ze nyaʼa ghà əne ɨmbə̀ʼ ɨghəm nɨ mbɨ nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû, ɨmbə̀ʼ ɨghəm nɨ mbɨ nyaʼa fə nùŋ ni mbə bɨrɨ fid wə̀d mɔʼɔ we nɨ ben ni Yeso yɨə Wə̀d we nɨ Ŋwìə̀ zɔʼɔ rɨŋga nəb ə̀kàtɨ̀.

Ɨ̀fàʼì 19:17

Mɨ̀Jû mɨ̀jìm mbɨ ə bə̂d mɨ̀jìm mbe nɨ kaʼi mɨ̀Jû nɨ nyaʼə chub ə Efesùs nyaʼa zu ənû zɔ̂. Mbɨ nyaʼa zu əne bɔ kwàʼ rɨŋgəʼ. Əne mbɨ nyaʼa nàʼ ɨwumnɨ kyeŋ əmbɨ Ə̀nùŋɨ̀sɨg Yeso.

Ɨ̀fàʼì 2:47

Ɨ mbɨə nyaʼə bə̀ yiirɨ ə Ŋwiə̀ ɨnɔ̂n. Bə̂d mɨjìm nyaʼa bə̀ ghaʼ mɨ̀mə̌d. Ə̀nùŋɨ̀sɨg wɨə nyaʼə yìə̀ bə̂d mbe nɨ nyaʼə jwɨ̀ rəŋgəʼ əbɔʼ ɨnun mɨ̀mə̌d ɨni jìm.

Ɨ̀fàʼì 4:21

Ənɨ mbɨ nyaʼa ghà əne, mə̀saʼ əbeŋ mbe nyaʼa yì patɨ mɨ̀mə̌d kwàʼ rɨ̀kǎ, sàŋ ni mbɨ wo ə. Chəi mbɨ nyaʼa zə ɨnə̂njɨ̀ nɨ chə mɨ̀mə̌d, ɨmbə̀ʼ ɨghəm nɨ bə̂d mɨ̀jìm mbɨə nyaʼə yiirɨ ə Ŋwiə̀ ɨmbə̀ʼ ənû ze nɨ nyaʼa ghɨ̌.

Ɨ̀fàʼì 5:26

Ənɨ mbɨ nyaʼa zu əne, ətu ɨgwɨ mɨ̀sɔgyɨ̀ nyaʼa wò mbɨ mbi mɨ̀sɔgyɨ̀, pè nɨŋ mɨ̀mə̌d wò mbɨ mbɨwən. Chəi mbɨ nyaʼa nɨŋ mɨ̀mə̌d ənɨ ɨka, ɨmbə̀ʼ ɨghəm nɨ ɨ mbɨə nyaʼə bɔə ni bə̂d mbe bɨrɨ tumbɨ əwən ənɨ əti.

Ɨ̀fàʼì 5:5

Ənɨ Ànàniàs nyaʼa zu ənû zɔ̂, wɨ̀ nyaʼa gu ə si, kwɨ. Bə̂d mɨjìm mbe nɨ nyaʼa zu ənû zɔ̂ nyaʼa bɔ kwàʼ rɨŋgəʼ.

2 Kɔrèn 10:15

Chəi tɨ̀ bɨrɨ goŋ ɨgɔ̂ ɨmbə̀ʼ ə̀fàʼì ze nɨ bə̂d cherə faʼi. À ɨkɔndɨ yɨ ni ɨchî nɨ ə ɨbenɨ ə kwiə, a ə̀fàʼì əkaʼ nən ə bɨrɨ bə̀ sɨə nɔʼə wò ɨmbì,