Ɨ̀fàʼì 3:20 - Meta’

²⁰ Mbə mɨ ghɨ̀ əne, Ə̀nùŋɨ̀sɨg bɨrɨ zùtɨ̀ tə fîŋ. Wɨ̀ bɨrɨ bɨ chà ə Yeso nɨ yeʼ Wə̀d we nɨ wɨ̀ chɔʼɔ bə̀ zɔʼ, əsɨ nən.

Ikan feg

²⁰ Mbə̰ mə̀ ghì ane, Anɔŋisəg biri ghì ìtən fìŋ zùtì. Wì biri chà wə̀d we ne məd zɔʼi ne ya Yeso, inən.

Ɨ̀fàʼì 3:20 Cross References

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Matìyò 24:3

Ənɨ Yeso nyaʼa chub ə si ɨkaŋ Ɨwum mɨ̀Olìf, mə̀mə̀ə̀nɨ̀-ɨnû mbe nyaʼa wò əsɨ məd àmei mɨ̀mərə mɨ̀mərə pè biirɨ ni, “Gha ɨ na, ənû zɔ̂ ə kɨə wo ghɨ̀ əwù zi ə? Ənweenɨ ze nɨ bɨrɨ chwi ni à bɨrɨ wɨrɨ yeʼe mbɨ ni ɨsɨg bɨrɨ nwìə̀ kɨ əzi ə?”

Mk 13:26

“Ənɨ ə nyùmə̀ we, bə̂d bɨrɨ zə Wan Wə̀d nɨə yeʼe ɨŋga pàʼ, zə ɨka kyeŋ we nɨ wɨ̀ berɨ bə̀ zə ɨwumnɨ we nɨ wɨ̀ bə̀ berɨ.

Lk 19:11

Ənɨ bə̂d mbe nyaʼə zwetɨ ənû ze, Yeso nyaʼa wò ɨmbì ghà ənû ə mɨgɨ əmbɨ mɨ̀mə̌d, ɨmbə̀ʼ ɨghəm nɨ mbɨ nyaʼa fə sɨə tiinɨ ɨban ə Jèrusalèm. Wɨ̀ nyaʼa bə̀ ghà ɨmbə̀ʼ ɨghəm nɨ bə̂d mɔʼɔ mbɨə nyaʼə kɔndɨə ni ənû ɨfɔ̀n ə Ŋwiə̀ bɨrɨ yeʼe əwu əwən.

Lk 21:27

À yɨ ənɨ ə nyùmə̀ we nɨ mbɨ bɨrɨ zə Wan Wə̀d nɨə yeʼe ɨŋga pàʼ, zə ɨka we nɨ wɨ̀ berɨ bə̀ zə ɨwumnɨ kyeŋ we nɨ wɨ̀ bə̀ berɨ.

Ɨ̀fàʼì 17:31

Wɨ̀ nyaʼa fə nùŋ əni nɨ wɨ̀ bɨrɨ chè ənjìm ə Wə̀d we nɨ wɨ̀ nyaʼa chɔʼɔ, saʼ wə̀d jìm ɨŋga ɨsɨg wɔ̂ ɨchî nɨ kuʼnɨ. Wɨ̀ fə chwi ənweenɨ əmbɨ ə bə̂d mɨ̀jìm ni ənû zɔ̂ yɨ ənû rəsìʼ. Wɨ̀ nyaʼa ghɨ̀ əne ɨchî nɨ wɨ̀ nyaʼa zwemnɨ wə̀d we.”

Ɨ̀fàʼì 3:19

Əne mbə̀ beŋ tə fîŋ, wò əsɨ ə Ŋwiə̀ ɨmbə̀ʼ wɨ̀ waʼ mbə ɨnû rɨbɔ̀ŋ.

Ɨ̀fàʼì 3:21

Yeso berɨ chub ɨkaŋ pè ənɨ Ŋwìə̀ tekɨ ɨnû jìm mbɨ kuʼ ɨchî nɨ wɨ̀ nyaʼa fə ghɨ̌ bə̂d ɨ̀kə̀n zeŋɨ ghà rəŋwe.

2 Tès 2:2

tɨ mbə ɨtu buurɨ i kɨ̀ tə fîŋ tɔb əwən ɨmbə̀ʼ bə̂d mbe nɨə ghà ni əni ze nɨ Ə̀nùŋɨ̀sɨg bɨrɨ wɨrɨ yeʼe fə pè. Ka mbɨ bè ghà ə ni à yɨ Əzwî ə gha ɨ na, kɨ̀ nɨ à yɨə mbǎ nyaʼa ŋwaʼnɨ, kɨ̀ nɨ à yɨə mbǎ nyaʼa ghamɨ, tɨ mbə̀ ben ə.

2 Tès 2:8

À yɨ ənɨ ə nyùmə̀ we nɨ wə̀d we nɨə ton ə Ŋwiə̀ bə̀ tonə tɨkə rɨ məd bɨrɨ jwɨ̀ mbɨ zə. Ə̀nùŋɨ̀sɨg Yeso bɨrɨ zwiirɨ əməd ənɨ ɨfə we nɨə jwɨ̀ rɨŋga ɨchû məd, əne nimnɨ əməd ənɨ ɨzeŋɨ zeŋɨ we nɨ bɨrɨ te ənɨ ə nyùmə̀ we nɨ wɨ̀ wɨrɨ yeʼe.

Mə̀Hibrù 9:28

yɨə bə̀ ɨchî nɨ wɨ̀ nyaʼa naʼ ə Kristo ənɨ əghɨ ə̀fà fən ɨghəm we mɔʼ, ɨmbə̀ʼ wɨ̀ beʼ ɨnû rɨbɔ̀ŋ bə̂d mɨ̀nɔnɔʼ. Kaʼ wɨ̀ bɨrɨ yeʼe ənɨ ɨghəm nɨ pe be ɨ ghɨ ni Ŋwìə̀ waʼ ɨnû rɨbɔ̀ŋ bə̂d. Wɨ̀ bɨrɨ yeʼe ɨmbə̀ʼ chɨ bə̂d rəŋgəʼ, əne yɨ mbe nɨə wòm əməd ənɨ tə fîŋ rɨ̀jìm.

Ɨnû 1:7

Mbə̀ zə, ɨ wɨə yeʼe ɨŋga pàʼ. Bə̂d mɨjìm bɨrɨ zə əməd, ka àbei mbe nɨ nyaʼa zum əməd. Mɨnəbɨ jìm rɨ ɨgwɨ ə si bɨrɨ di ɨmbə̀ʼ əməd. À yɨ ɨchî nɨ zɨə bɨrɨ yeʼ we! À yɨ əne.