Ɨ̀fàʼì 27:1 - Meta’

¹ Ənɨ Festùs nyaʼa ben ni tɨ̀ nyɨ əbaŋ ɨgyɨ̀ wò ə Italì, wɨ̀ nyaʼa nàʼ ə Pɔ̂l mbɨ ə bə̂d ndəŋ cherə əmbɨ ə mbaŋə̀ mɔʼɔ nɨ ɨkum məd nyaʼə Juliùs. Juliùs we yɨə nyaʼə ətu ɨgwɨ mɨ̀sɔgyɨ̀ ɨkɨ fibɨ̀ rɨŋga Ɨnɔ̂n Mɨ̀sɔgyɨ̀ Kaisà.

Ikan feg

¹ Anyumə̀ ne Gɔbnà Festùs ya bḛ gha tì nyi inga abaŋ igyi ni ghò a Italì, wì ya nàʼ Pɔl tì bəd ndəŋ ndəŋ abə mbaŋà mɔ̀ʼɔ ne ikum məd ya Julìyòs. Julìyòs we ya yaʼ atog wə̀d igun mə̀sogyì iki ifibì inga inɔ̰ mə̀sogyì ìmbi Kayisà.

Ɨ̀fàʼì 27:1 Cross References

Matìyò 27:54

Ənɨ ətu ɨgwɨ mɨ̀sɔgyɨ̀ mbɨ mɨ̀sɔgyɨ̀ mbe nɨ nyaʼə nə̀ŋgɨ ə Yeso, nyaʼa zə ɨchî nɨ si nyaʼa wùrɨ bə̀ zə ɨnû jìm mbe nɨ nyaʼa ghɨ̌, mbɨ nyaʼa bɔ kwàʼ rɨŋgəʼ, əne ghà ni, “À yɨ rəsìʼ ni mbaŋə̀ zɔ̂ yɨ kə̀ʼ ə Wan Ŋwìə̀!”

Lk 23:47

Ətu ɨgwɨ mɨ̀sɔgyɨ̀ nyaʼa zə ənû ze nɨ nyaʼa ghɨ̌, əne wɨ̀ nyaʼa yiirɨ ə Ŋwiə̀ ghà ni, “À yɨ rəsìʼ ni chəi mbaŋə̀ zɔ̂ kaŋ gù ənû ə mɔʼɔ.”

Lk 7:2

Ətu ɨgwɨ mɨ̀sɔgyɨ̀ ɨkɨ fibɨ̀ nyaʼa berɨ i wə̀d ə̀fàʼì nɨ nyaʼə wɔ̀nə̀ sɨə wo kwɨ. Wɨ̀ nyaʼa ghaʼ wə̀d ə̀fàʼì we kwàʼ rɨŋgəʼ.

Ɨ̀fàʼì 10:1

Mbaŋə̀ mɔʼɔ zɨə nyaʼə Kàisàriyà nɨ ɨkum məd nyaʼə Kɔneliùs. Wɨ̀ yɨə nyaʼə ətu ɨgwɨ mɨ̀sɔgyɨ̀ ɨkɨ fibɨ̀ rəbɔʼ mɨ̀sɔgyɨ̀ mbe nɨ nyaʼa rɨ ə Italì.

Ɨ̀fàʼì 10:22

Mbaŋə̀ te nyaʼa wììrɨ̀ ni, “Kɔneliùs, nɨ yeʼ ətu ɨgwɨ mɨ̀sɔgyɨ̀ ɨkɨ fibɨ̀, fə tom əwa əsɨ ne. Məd wɨə ghɨ̀ ɨnû nɨ kuʼnɨ. Məd wɨə wumnɨ ə Ŋwiə̀. Mɨ̀Jû mɨ̀jìm mbɨə ghà ɨnû chɔ̀m ɨmbə̀ʼ əməd. Aŋgɨrə̀ Zeŋɨ kəʼ ghà ɨ bɔ ni wɨ̀ tom bə̂d əsɨ ne ni à wo əkwɨ məd, ɨmbə̀ʼ wɨ̀ zu ənû ze nɨ à berɨ nɨ gha ɨ bɔ.”

Ɨ̀fàʼì 16:10

Ənɨ Pɔ̂l nyaʼa zə tɨ̀taanɨ njə̀m ze, tɨ̀ nyaʼa tekɨ ɨnyod əwu əwən ɨ wo ə Màsèdonià, ɨmbə̀ʼ ɨghəm nɨ tɨ̀ nyaʼa kyerɨ ni Ŋwìə̀ fə tɔŋ əwa ni tɨ̀ wo ghà ɨkə̂n chɔ̀m əmbɨ ə bə̂d mbe rəŋgu.

Ɨ̀fàʼì 18:2

Wɨ̀ nyaʼa pè əŋgu, zə wə̀d Jû mɔʼɔ nɨ ɨkum məd nyaʼə Àkwilà. Wɨ̀ yɨə nyaʼa rɨ ə Pontùs. Ɨkum ɨwi məd yɨə nyaʼə Prìsilà. Mbɨ nyaʼa cherə yeʼe rɨ ə Italì. Mbɨ nyaʼa nɔ̀ʼ rɨ ə Italì ɨmbə̀ʼ ɨghəm nɨ Ɨfɔ̂n Klodiùs nyaʼa sob ni mɨ̀Jû mɨ̀jìm jwɨ rɨ ə Rom. Pɔ̂l nyaʼa wò zə mɨ̀mə̌d,

Ɨ̀fàʼì 19:21

Ənɨ ɨnû mbɔ̂ nyaʼa fə che i, Əzwî ə Ŋwìə̀ ə nyaʼa ghɨ̀ Pɔ̂l nùŋ ɨŋga i fîŋ ni tə bɨrɨ chè ə Màsèdonià bə̀ chè ə Àkàiyà bɔŋ wò ə Jèrusalèm. Wɨ̀ nyaʼa ghà ni, “Mə mɨ fə wò pè əŋgu, mə berɨ bɨ wo ə Rom.”

Ɨ̀fàʼì 21:32

Ənɨ wɨ̀ nyaʼa zu ənû ze, wɨ̀ nyaʼa nɨŋ ɨtu ɨgwɨ mɨ̀sɔgyɨ̀ ɨkɨ fibɨ̀ bə̀ nɨŋ mɨ̀sɔgyɨ̀ àmei əwu əwən, mbɨ nòrə̀ swiʼi wò əsɨ ɨnɔ̂n bə̂d we. Ənɨ ɨnɔ̂n bə̂d we nyaʼa zə ətu ə kyeŋ ɨgwɨ mɨ̀sɔgyɨ̀ məRom bə̀ zə mɨ̀sɔgyɨ̀ mbe, mbɨ nyaʼa sob nɨ som ə Pɔ̂l.

Ɨ̀fàʼì 22:26

Ənɨ ətu ɨgwɨ mɨ̀sɔgyɨ̀ ɨkɨ fibɨ̀ we nyaʼa zu ənû ze, wɨ̀ nyaʼa wò əsɨ ətu ə kyeŋ ɨgwɨ mɨ̀sɔgyɨ̀ pè biirɨ ɨ bɔ ni, “À kɨə kəb ghɨ ye ə? Kyerɨ ni mbaŋə̀ zɔ̂ yɨə wə̀d Rom.”

Ɨ̀fàʼì 23:11

À nyaʼa ɨzimɨ we, Ə̀nùŋɨ̀sɨg nyaʼa təm ɨban ə Pɔ̂l ghà ni, “Yim fîŋ! Ɨchî nɨ à fə gha ənû ɨmbə̀ʼ əmɨ ə Jèrusalèm, à berɨ bɨ gha ə Rom.”

Ɨ̀fàʼì 23:17

Pɔ̂l nyaʼa zu əne tɔŋ ətu ə mɔʼ ɨgwɨ mɨ̀sɔgyɨ̀ ɨkɨ fibɨ̀ ghà ɨ bɔ ni, “Nɨŋ əjɔŋ zɔ̂ wò mbɨ məd əsɨ ətu ɨgwɨ mɨ̀sɔgyɨ̀. Wɨ̀ berɨ ənû ə mɔʼɔ nɨ gha ɨ bɔ.”

Ɨ̀fàʼì 24:23

Ənɨ wɨ̀ nyaʼa gha əne, wɨ̀ nyaʼa ghà əmbɨ ətu ɨgwɨ mɨ̀sɔgyɨ̀ ɨkɨ fibɨ̀ ni wɨ̀ nɨŋ ə Pɔ̂l wò nəŋgɨ əməd, àyɨə wɨ̀ naʼ əpan ɨ bɔ ni wɨ̀ ghɨ ɨnû mbe nɨ wɨ̀ ghaʼi, fɔrɨ ni wɨ̀ saŋə ni mɨ̀sə̀ʼ məd yeʼe nàʼ ɨghɨ mbe nɨ wɨ̀ kwaŋɨ.

Ɨ̀fàʼì 25:12

Ənɨ Festùs nyaʼa fə ghambɨ mbɨ ə mbaŋə̀ te nɨ nyaʼə kəərɨ əməd, wɨ̀ nyaʼa wììrɨ̀ ni, “À fə ghà ni Kaisà saʼ ɨsaʼi wɔ̂, əne à bɨrɨ wò əsɨ Kaisà!”

Ɨ̀fàʼì 25:25

Mə nyaʼa zə ni chəi wɨ̀ ghɨ ənû ə mɔʼɔ nɨ tɨ̀ mbɨ zwiirɨ əməd, àyɨə ɨchî nɨ məd ziə gha ni Kaisà saʼ ɨsaʼi we, mə nyaʼa ben ni mə bɨrɨ cha əməd ə Rom.

Ɨ̀fàʼì 27:11

Àyɨə chəi ətu ɨgwɨ mɨ̀sɔgyɨ̀ we nyaʼa zɨ̀ ətu ənɨ ənû ze nɨ Pɔ̂l nyaʼə ghàə̀. Ɨ wɨə nyaʼə zwetɨə yeʼ əze nɨ ətu ə kyeŋ ɨŋga əbaŋ mbɨ ə mbaŋə̀ ze nɨ nyaʼa berɨ əbaŋ ze nyaʼə ghàə̀.

Ɨ̀fàʼì 27:43

Àyɨə ətu ɨgwɨ mɨ̀sɔgyɨ̀ we nyaʼa kə̀b ni njɨ tə chɨ ə Pɔ̂l rəŋgəʼ, əne wɨ̀ nyaʼa sob ni tɨ mbɨ zwiirɨ ə bə̂d ndəŋ mbe. Wɨ̀ nyaʼa ghà əmbɨ ə mbaŋə̀ te nɨ nyaʼa kyerɨ ɨchî nɨ zɔʼ ɨgyɨ̀ ni mbɨ be tòm ɨŋga rɨ̀bàà we zɔʼ wo jwɨ̀ əsaŋ.

Ɨ̀fàʼì 27:6

Ənɨ tɨ̀ nyaʼa pè əŋgu, ətu ɨgwɨ mɨ̀sɔgyɨ̀ ɨkɨ fibɨ̀ we nyaʼa zə əbaŋ ɨgyɨ̀ nɨ nyaʼa rɨ ə Àlèzandrià sɨə wò ə Italì. Wɨ̀ nyaʼa zɨ̀ əwa ɨŋga əbaŋ ze.

Ɨ̀fàʼì 28:1

Ənɨ tɨ̀ nyaʼa pe əsaŋ nɨ chəi mbaŋə̀ mɔʼɔ nyaʼa nyɨ ŋgəʼ, mbɨ nyaʼa ghà ɨ na ni ɨkum əkəm əsɨ ə si ze yɨə Maltà.

Ɨ̀fàʼì 28:16

Ənɨ tɨ̀ nyaʼa pè ə Rom, mbɨ nyaʼa sàŋ ə Pɔ̂l ni wɨ̀ chub ənɨ i ɨghəm. Ɨ wɨə nyaʼə chubə mbɨ sɔgyɨ̀ we nɨ nyaʼə nəŋgɨ əməd.

Mə̀Hibrù 13:24

Mbə̀ chaʼrɨ bə̂d mɨ̀jìm mbe nɨə chà əwən bə̀ chàʼrɨ̀ bə̂d Ŋwiə̀ mɨ̀jìm. Mba bɔŋgɔb mbe rɨ ə Italì bə̀ chàʼrɨ̀ əwən.