Ɨ̀fàʼì 2:45 - Meta’

⁴⁵ Ɨ mbɨə nyaʼə fèndɨ̀ mbə ɨsɨ si bə̀ fèndɨ̀ ɨghɨ mbe nɨ mbɨ nyaʼa berɨ wò ghàpɨ̀ ɨkab we əmbɨ ə wə̀d jìm ɨchî nɨ wə̀d mɔʼ mɔʼ nyaʼa kəbɨ.

Ikan feg

⁴⁵ Mbi yaya fèndè ìmbɔb ighi fɔrɔ ìmbɔb isiŋi iseg wètè bəd ne chəyi àzɔb.

Ɨ̀fàʼì 2:45 Cross References

1 Jɔn 3:17

Tɨ̀ wə̀d mɔʼɔ we nɨ berɨ mbɔ̂n ghà ni tə ghaʼ ə Ŋwiə̀ əwu ze nɨ wɨ̀ zə wi aŋgɔb nɨ kwaŋ əghɨ ə mɔʼɔ àyɨə chəi wɨ̀ wèèrɨ̀ əməd ə?

Ɨ̀fàʼì 4:34

Chəi wɨ mɔʼɔ rəbɔʼ mɨ̀mə̌d nyaʼa kwaŋ əghɨ, ɨmbə̀ʼ ɨghəm nɨ bə̂d mɨjìm mbe nɨ nyaʼa berɨ ɨsɨ si kɨ̀ nəb nyaʼa fèndɨ̀ ɨghɨ mbe, nɨŋ ɨkab we nɨ mbɨ fendɨ əŋgu

Lk 18:22

Ənɨ Yeso nyaʼa zu ənû zɔ̂, wɨ̀ nyaʼa ghà ɨ bɔ ni, “À kɨrɨ kwaŋ əghɨ ə mɔʼɔ. Ndə̀ wo fèndɨ̀ ɨghɨjìm mbe nɨ à berɨ, ghàpɨ̀ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

2 Kɔrèn 9:9

Ə zɨ ɨŋga Ə̀ŋwàʼnɨ̀ ə Ŋwiə̀ ni: “Ɨ wɨə sàŋnə, ɨ wɨə nàʼ ɨghɨ əmbɨ ə bə̂d ɨkwaŋ. Ɨchî nɨ wɨə ghɨ̀ ɨnû nɨ kuʼnɨ ə ten i koŋ.”

Ɨ̀fàʼì 11:29

Əne bə̂d Kristo mbe rɨ ə Antiɔ̀k nyaʼa ben ni wə̀d mɔʼ mɔʼ rəbɔʼ nən cha əghɨ ze nɨ tɨ̀ wɨ̀ chà, ɨmbə̀ʼ weerɨ bɔŋgɔb mbe nɨ nyaʼə chub ə Jèrusalèm.

Matìyò 19:21

Yeso nyaʼa ghà ɨ bɔ ni, “À mɨ kə̀b bɔ̀ŋ màànɨ̀, ndə̀ wo fèndɨ̀ ɨghɨjìm mbe nɨ à berɨ, wò nàʼ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

Lk 19:8

Sàkiò nyaʼa nɔ̀ʼ təm rətiə ghà əmbɨ Ə̀nùŋɨ̀sɨg ni, “Masà, zə, mə bɨrɨ naʼ əba rɨ ənɨ mbɨ ɨghɨ əmbɨ ə bə̂d ɨkwaŋ. Mə mɨ fə fɨ̀g wə̀d mɔʼɔ, mə bɨrɨ wì ɨghəm kwè.”

Lk 16:9

Yeso nyaʼa wò ɨmbì ghà ni, “Mə ghà ɨ nən ni mbə̀ nɨŋ mbɔ̂n ze nɨ mbə̀ berɨ ɨchî rɨbɔ̀ŋ ghɨ̀ mbə mɨ̀sə̀ʼ əŋgu, ɨmbə̀ʼ ənɨ mbɔ̂n ze mi i, mbɨ nɨŋ əwən ɨŋga ɨkwɨ mbe nɨ tən i koŋ.

2 Kɔrèn 9:1

Chəi əton ɨ num nɨ ŋwaʼnɨ ɨ nən ɨmbə̀ʼ ə̀wèèrɨ̀ ze nɨ mbə̀ə kəb cha əmbɨ ə bə̂d Ŋwiə̀ mbe nɨ yeʼ ə Jèrusalèm.

Ɨ̀fàʼì 4:35

wò nuŋ ɨfě bə̂d tom mbe. Mbɨ nyaʼa sɨ nɨŋ ɨghɨ mbe ghàpɨ̀ ɨchî nɨ wə̀d mɔʼ mɔʼ nyaʼa kəbɨ.