Ɨ̀fàʼì 2:42 - Meta’

⁴² Mbɨ nyaʼa zɨ ətu ənɨ ɨnû mbe nɨ bə̂d tom Kristo nyaʼə chwiə. Ɨ mbɨə nyaʼa ənɨ ɨfɔtɨ, əne ɨ mbɨə nyaʼə bəʼrɨə ŋgə̀ŋ jɨg ɨnɔ̂n bə̀ kɔŋgɨ ə Ŋwiə̀ ɨnɔ̂n.

Ikan feg

⁴² Bəd Kristo mbe ne ya zi atog ane inug ne bədtɔm yaya chwìte ya yaʼ ane ifɔti. Ane, mbi yaya fɔ̀tɔ jə̀ghə itari bə̀ fɔ̀tɔ chàʼrà Ŋwiye.

Ɨ̀fàʼì 2:42 Cross References

Lk 24:30

Ənɨ wɨ̀ nyaʼa chubɨ ɨ jɨg mbɨ mɨ̀mə̌d, wɨ̀ nyaʼa nɨŋ chiŋ ŋgə̀ŋ, kɔŋgɨ ə Ŋwiə̀, bəʼrɨ, nàʼ əmbɨ mɨ̀mə̌d.

Lk 24:35

Mbaŋə̀ te rɨ̀be nyaʼa ghà ənû ze nɨ nyaʼa ghɨ̌ ɨnə̂njɨ̀, bə̀ ghà ɨchî nɨ mbɨ nyaʼa kyerɨ əməd ənɨ ə nyùmə̀ we nɨ wɨ̀ nyaʼa bəʼrɨ ŋgə̀ŋ nàʼ əmbɨ mɨ̀mə̌d.

Ɨ̀fàʼì 1:14

Mɨ̀mə̌d mbɔ̂ mɨ̀jìm mbɨə nyaʼə bòmnɨ̀ə̀ kɔ̀ŋgɨ̀ ə Ŋwiə̀ ənɨ ə fîŋ mɔʼ. Ɨ mbɨə nyaʼə bòmnɨ̀ə̀ mbɨ məyi, mbɨ Mèri ɨŋgɔb Yeso fɔrɨ mbɨ ə bɔŋgɔb məd.

Ɨ̀fàʼì 11:23

Ənɨ wɨ̀ nyaʼa wò pè zə ɨchî nɨ Ŋwìə̀ nyaʼa ghɨ ɨ̀chɔ̀m ənɨ ə bə̂d mbe, wɨ̀ nyaʼa ghaʼ, əne tìmbɨ̀ mɨ̀mə̌d mɨjìm ni mbɨ təm kàànɨ̀ ɨŋga ənû ə Ŋwiə̀, bə̀ fàʼ əmbɨ Ə̀nùŋɨ̀sɨg ənɨ tə fîŋ rɨjìm.

Ɨ̀fàʼì 14:22

Ɨ mbɨə nyaʼə yènə̀ tìmbɨ̀ ə bə̂d mbe nɨ nyaʼa ben ə Kristo, bə̀ yènə̀ ghàə̀ ni mbɨ yim ɨbenɨ wɨ kaanə wo ɨmbì. Mbɨ nyaʼa bə̀ ghà əmbɨ mɨ̀mə̌d ni, “Tɨ̀ berɨ zə ŋgəʼ nɔnɔʼ bɔŋ nyɨ ɨŋga ənû ɨfɔ̀n ə Ŋwiə̀.”

Ɨ̀fàʼì 2:46

Ɨ mbɨə nyaʼə fɔtɨə wò ə mbàn Ŋwìə̀ ɨni jìm ɨnɔ̂n. Ɨ mbɨə nyaʼə bəʼrɨə ŋgə̀ŋ ɨŋga mbə ɨkwɨ bə̀ fɔtɨə jɨgə mbɨ ɨghaʼi fɔrɨ mbɨ ə fîŋ chɔ̀m.

Ɨ̀fàʼì 20:11

Ənɨ Pɔ̂l nyaʼa bə̀ndɨ̀ wò ɨŋga ətu ə nəb ze rɨkaŋ, wɨ̀ nyaʼa jɨg Ɨtarɨ Ə̀nùŋɨ̀sɨg bə̀ jɨg əghɨjɨg mbɨ ə bə̂d mbe. Wɨ̀ nyaʼa ghàmbɨ̀ mbɨ mɨ̀mə̌d wò pè ənɨ ɨtuʼ nyaʼa chɨgɨ. Ənɨ ɨtuʼ nyaʼa chɨgɨ, wɨ̀ nyaʼa nɔ̀ʼ wo i.

Ɨ̀fàʼì 20:7

À nyaʼa ɨgwɨ əni rɨtu ɨŋga kàb, tɨ̀ nyaʼa wò fetɨ ɨ jɨg Ɨtarɨ Ə̀nùŋɨ̀sɨg. Ɨchî nɨ Pɔ̂l nyaʼa kəbɨ ni tə bɨrɨ nɔʼ əni ze nɨ beenɨ, ɨ wɨə nyaʼə ghàmbɨ̀ə̀ mbɨ ə bə̂d mbe wò pè ɨzimɨ ka.

Ɨ̀fàʼì 4:23

Ənɨ mbɨ nyaʼa saŋ ə Pità mbɨ Jɔ̌n, mbɨ nyaʼa nɔ̀ʼ wò əsɨ mbə bə̂d pè ghà ɨnû mbe nɨ bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa ghà əmbɨ mɨ̀mə̌d.

Ɨ̀fàʼì 4:31

Ənɨ mbɨ nyaʼa kɔŋgɨ ə Ŋwiə̀ màànɨ̀, əsɨ ze nɨ mbɨ nyaʼa fetɨ əŋgu ə nyaʼa wùd. Əzwî ə Zeŋɨ ə nyaʼa swi ɨŋga mɨ̀mə̌d mɨjìm, mbɨ gha ɨŋgam Ŋwiə̀ mbɨ fîŋ nɨ kǎ.

Ɨ̀fàʼì 6:4

Əne mbǎ ənɨ wa rɨghəm, tɨ̀ bɨrɨ ten nɨ kɔŋgɨ ə Ŋwiə̀ bə̀ ten nɨ ghà ɨŋgam Ŋwiə̀.”

Rm 12:12

Mbə̀ ghaʼrɨ əwən ɨmbə̀ʼ ɨghɨ mbe nɨ mbə̀ nuŋ rɨkɔndɨ ɨ wòm, yim fîŋ ənɨ mɨ̀nyùmə̀ jìm mbe nɨ mbə̀ə zəə ŋgəʼ bə̀ kɔŋgɨ ə Ŋwiə̀ ənɨ mɨ̀nyùmə̀ jìm.

1 Kɔrèn 10:21

Chəi ənɨ tɨ̀ mbə nɔ rɨŋga toʼ Ə̀nùŋɨ̀sɨg bə̀ nɔ rɨŋga toʼ ɨzwî rɨbɔ̀ŋ. Chəi ənɨ tɨ̀ mbə jɨg ɨgun ə tebrə̀ Ə̀nùŋɨ̀sɨg bə̀ jɨg ɨgun ə tebrə̀ ɨzwî rɨbɔ̀ŋ.

1 Kɔrèn 11:2

Mə wɨə ben əwən ɨmbə̀ʼ ɨghəm nɨ mbə mbɨə kɔndɨ əmɨ ənɨ ɨnû jìm. Mə wɨə bə̀ ben əwən ni mbə mbɨə ghɨ̀ àmei ɨchî nɨ mə̀ nyaʼa chwi ɨ nən.

1 Kɔrèn 14:6

Mbɨ bɔŋgɔb, mə mɨ yeʼe əsɨ nən tɨ̀nîn pè kɔ ghàm ɨ nən ənɨ ɨŋgam rɨsɔ̀ʼɔ̀, ə ze ə kɨə wo weerɨ əwən ənɨ ə ye ə? Chəi zɨə bɨrɨ weerɨ əwən, kɨrɨ ənɨ mə̀ yeʼe mbɨ ənû nɨ Ŋwìə̀ chwi ɨ num, kɨ̀ mbɨ ənû nɨ Ŋwìə̀ kə̀bɨ ni mbə̀ kyerɨ, kɨ̀ mbɨ ɨkə̂n Ŋwiə̀, kɨ̀ mbɨ ənû nɨ kəərɨ əwən.

Gàlesìyà 1:6

Zɨə chè əmɨ ni mbə mbɨə kɨə zàmbɨ̀ə̀ waʼ əməd we nɨ nyaʼa tɔŋ əwən ni mbə̀ yeʼ mbi bə̂d ənjìm ɨ̀chɔ̀m we nɨ Kristo ə ghɨ̀ə̀, sɨə beenɨə yeʼ əbɔʼ ɨkə̂n chɔ̀m cherə.

Efesùs 2:20

nɨ mbɨ bɔm ɨgun əchɨ ze nɨ bə̂d tom Kristo mbɨ ə bə̂d ɨ̀kə̀n Ŋwiə̀ nyaʼa bɔmɨ. À yɨə Kristo Yeso ziə nɨ yeʼ ɨti rɨ ɨbu nəb.

Efesùs 6:18

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm bə̀ fɔrɨ ənɨ mbə̀ə ghɨ̀ ɨnû jìm. Mbə̀ ghɨ əne ɨchî nɨ Əzwî ə naʼ ɨka ɨ nən. Əne mbə̀ chub ɨkyèʼe. Tɨ mbə̀ bɔd ə nɨ kɔŋgɨ ə Ŋwiə̀ ɨgwɨ ə bə̂d məd mɨjìm.

Fìlipì 1:5

ɨmbə̀ʼ ɨghəm nɨ mbə mbɨə wèèrɨ̀ əmɨ nɨ jaŋ ɨkə̂n chɔ̀m ɨmbə̀ʼ ə Kristo. Mbə nyaʼa kɔ ghɨ əne tɨ ənɨ mbə̀ nyaʼa zu ɨkə̂n we benɨ. Mbə mbɨə bə̀ kɨrɨ ghɨ əne yeʼe pè rɨ̀nîn.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.

Kòlosè 4:2

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm. Mbə mɨ yeʼə kɔ̀ŋgɨ̀ə̀, mbə̀ chub ɨkyèʼe bə̀ nàʼə̀ məben-əwe ɨ bɔ.

2 Timotì 3:14

Àyɨə à yeʼ ɨmbə̀ʼ əwe, àwɔ̀ Timotì, chè ɨmbì ghɨ̀ ɨnû mbe nɨ à nyaʼa fə kwembɨ bə̀ ben ənɨ e fîŋ jìm, ɨmbə̀ʼ ɨghəm nɨ à kyerɨ bə̂d mbe nɨ à kwembɨ ɨnû mbe rɨ əmbɨ mɨ̀mə̌d.

Mə̀Hibrù 10:25

Tɨ rɨ̀ waʼ a ənû nɨ kɨə fetɨ, ɨchî nɨ bə̂d mɔʼɔ ə ghɨ̀ə̀, àyɨə tɨ̀ timbɨ a ɨnyod mbǎ mbǎ. Mbə jeŋgɨ ghɨ̀ əne ɨchî nɨ mbə̀ zə ni əni ze nɨ Ə̀nùŋɨ̀sɨg bɨrɨ wɨrɨ yeʼe fə tiinɨ.

Mə̀Hibrù 10:39

Chəi əwa əbɔʼ bə̂d mbe nɨə bèŋ rəbɔʼɔ. Tɨ̀ mɨ bèŋ rəbɔʼɔ njɨ tɨ̀ bɨrɨ nim. Tɨ̀ yɨ əbɔʼ bə̂d mbe nɨ benɨ, əne tɨ̀ fə jwɨ̀ rəŋgəʼ.

1 Jɔn 1:3

Ɨnû mbe nɨ tɨ̀ nyaʼa zə bə̀ zu yɨ mbɔ̂ tɨə ghà ɨ nən. Əne yɨ ɨmbə̀ʼ mbə̀ fɔtɨ mbɨ na ənɨ ɨfɔtɨ we nɨ tɨ̀ berɨ mbɨ Mbǎʼ bə̀ berɨ mbɨ Wan məd Yeso Kristo.

1 Jɔn 1:7

Tɨ̀ mɨ yeʼ ɨŋga ɨzeŋɨ zeŋɨ, ɨchî nɨ məd ziə bə yeʼ ɨŋga ɨzeŋɨ zeŋɨ, njɨ tɨ̀ wɨ ənɨ ɨfɔtɨ mbǎ mbǎ, əne ənəm ə Yeso, Wan məd, ə zɨə sò mba ɨnû rɨbɔ̀ŋ jìm.

1 Jɔn 2:19

Bə̂d pə̀n mbɔ̂ yɨ rəkaʼ na, àyɨə chə nyaʼa i mɨ̀mə̌d ɨŋga a ɨfɔtɨ. À kɨ nɨ mbɨ nyaʼa rɨŋga a ɨfɔtɨ, njɨ mbɨ nyaʼa chubɨ mbɨ na. Àyɨə mbɨ nyaʼa jwɨ̀ ɨmbə̀ʼ zɨə zeŋ ni chə nyaʼa i mɨ̀mə̌d ɨŋga a ɨfɔtɨ.

Jûd 1:20

À yeʼ mbə̀nə, mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ wo ɨmbì kwi ɨŋga ə ɨbenɨ we nɨ fə zeŋɨ màànɨ̀. Mbə̀ kɔŋgɨ ə Ŋwiə̀ ɨchî nɨ Əzwî ə Zeŋɨ ə naʼ ɨka ɨ nən.