Ɨ̀fàʼì 2:24 - Meta’

²⁴ Àyɨə Ŋwìə̀ nyaʼa zwemnɨ əməd ɨchî nɨ wɨ̀ nyaʼa ghɨ ni tɨ ɨvɨ berɨ i ɨka ɨgwɨ məd, ɨmbə̀ʼ ɨghəm nɨ chəi ɨvɨ nyaʼa berɨ ɨka nɨ yim əməd.

Ikan feg

²⁴ Si ya gha, Ŋwiye ya zwemni aməd ane iwu, chì aməd ane ika we ne iwu beri imbə̀ʼ icheg ne chəyi iwu ya beri ika ni nyimi aməd.

Ɨ̀fàʼì 2:24 Cross References

1 Kɔrèn 6:14

Ŋwìə̀ we nɨ nyaʼa zwemnɨ Ə̀nùŋɨ̀sɨg bɨrɨ bɨ zwemnɨ əwa ənɨ i ɨka.

1 Pità 1:21

Mbə̀ fə chè ənjìm məd ben ə Ŋwiə̀ nɨ nyaʼa zwemnɨ əməd bə̀ naʼ ɨwumnɨ ɨ bɔ. À yɨ əton nɨ mbə berɨ nuŋ tə fîŋ bə̀ nùŋ tə rɨkɔndɨ àmei ɨgun ə Ŋwiə̀.

Kòlosè 2:12

Mbɨ nyaʼa fə tweŋ əwən mbɨ Kristo ənɨ ə nyùmə̀ we nɨ mbə̀ nyaʼa nɨŋ mɨnib. Ŋwìə̀ fə bə zwemnɨ əwən mbɨ məd ənjìm ɨchî nɨ mbə̀ ben ni məd ə berɨ ɨka nɨ ghɨ əne. À yɨə məd nyaʼa zwemnɨ ə Kristo.

Ɨ̀fàʼì 2:32

Ŋwìə̀ nyaʼa zwemnɨ ə Yeso wɔ̂. Mba mɨjìm yɨ mɨ̀zərɨmbin ənɨ ənû rəŋgu.

Efesùs 1:20

wɨ̀ nyaʼa faʼ mbɨ wɨwən ənɨ wɨ̀ nyaʼa zwemnɨ ə Kristo, ghɨ wɨ̀ chub əbà əbɔ ə jɨg əməd ɨŋga ɨsɨ mbe nɨ yeʼ ɨkaŋ.

Jn 10:18

Chəi wə̀d mɔʼɔ bɨrɨ nɨŋ mɨ ɨ̀tènɨ̀ rɨ num. À yɨə mɔ̌ kaŋ ben ni mə bɨrɨ kwɨ. Mə berɨ ɨka nɨ kwɨ, bə̀ berɨ ɨka nɨ wɨrɨ chub ɨka. À yɨ mɨ Mbǎʼ gha ni mə ghɨ əne.”

2 Kɔrèn 4:14

Tɨ̀ kyerɨ ni Ŋwìə̀ we nɨ nyaʼa zwemnɨ Ə̀nùŋɨ̀sɨg Yeso bɨrɨ bɨ zwemnɨ əwa mbɨ Yeso. Wɨ̀ bɨrɨ nɨŋ əwa mbɨ nən wò ɨfě məd.

Rm 8:11

À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

Rm 6:4

Əne tɨ̀ nyaʼa fə kwɨ mbɨ tweŋ əwa mbɨ məd ɨchî nɨ tɨ̀ nyaʼa nɨŋ mɨnib, ɨmbə̀ʼ ɨchî nɨ mbɨ nyaʼa zwemnɨ ə Kristo ənjìm ɨwumnɨ Mbǎʼ, əne bə̂ tɨ̀ bɨrɨ bɨ yen ɨŋga ɨ̀tènɨ̀ fi.

Mə̀Hibrù 13:20

Ŋwìə̀ we nɨə nàʼ əbɔrəbɔd, nɨ nyaʼa che ənjìm ənəm ze nɨ wɨ̀ nyaʼa nɨŋ san fɨso fe nɨ ten i koŋ əne zwemnɨ ə Yeso a Ə̀nùŋɨ̀sɨg nɨ yeʼ ənə̂ŋgɨ̀-njɨ̀g nɨ dabə,

1 Tèsàlonikà 1:10

Mbɨ nyaʼa bə̀ ghà ni mbə mbɨə wòmə̀ ni Wan Ŋwìə̀ we nɨ wɨ̀ nyaʼa zwemnɨ wɨrɨ yeʼe rɨkaŋ. Wan we yɨə Yeso we nɨə chɨ̀ əwa rɨŋga ŋgəʼ ze nɨ Ŋwìə̀ bɨrɨ sə ɨtəm chə bə̂d ɨnû rɨbɔ̀ŋ.

Rm 10:9

À mɨ ghà ənɨ e ɨchû ni Yeso yɨ Ə̀nùŋɨ̀sɨg bə̀ ben ɨŋga e fîŋ ni Ŋwìə̀ nyaʼa zwemnɨ əməd, à bɨrɨ jwɨ rəŋgəʼ.

Rm 4:24

Mbɨ nyaʼa bə̀ ŋwàʼnɨ̀ ɨmbə̀ʼ a ɨghəm. Ŋwìə̀ bɨrɨ ben ni tɨ̀ fə təm kùʼnɨ̀ ənjìm ɨchî nɨ tɨ̀ ben əməd we nɨ nyaʼa zwemnɨ ə Yeso a Ə̀nùŋɨ̀sɨg.

Ɨ̀fàʼì 17:31

Wɨ̀ nyaʼa fə nùŋ əni nɨ wɨ̀ bɨrɨ chè ənjìm ə Wə̀d we nɨ wɨ̀ nyaʼa chɔʼɔ, saʼ wə̀d jìm ɨŋga ɨsɨg wɔ̂ ɨchî nɨ kuʼnɨ. Wɨ̀ fə chwi ənweenɨ əmbɨ ə bə̂d mɨ̀jìm ni ənû zɔ̂ yɨ ənû rəsìʼ. Wɨ̀ nyaʼa ghɨ̀ əne ɨchî nɨ wɨ̀ nyaʼa zwemnɨ wə̀d we.”

Ɨ̀fàʼì 13:30

Àyɨə Ŋwiə̀ nyaʼa zwemnɨ əməd.

Ɨ̀fàʼì 3:15

Mbə nyaʼa zwiirɨ wə̀d we nɨə nàʼ ɨ̀tènɨ̀, àyɨə Ŋwiə̀ nyaʼa zwemnɨ əməd. Tɨ̀ yɨ mɨ̀zərɨmbin ənɨ ənû zɔ̂.

Gàlesìyà 1:1

À yɨə mɔ̌ Pɔ̂l, nɨ mə yeʼ wə̀d tom Kristo, ŋwaʼnɨ ə̀ŋwàʼnɨ̀ zɔ̂. Kaʼi bə̂d nyaʼa chɔʼ əmɨ tom. Ka ɨka we nɨ chɔʼ əmɨ yɨ i rɨ əmbɨ ə bə̂d. Ɨka we yɨ rɨ əmbɨ Yeso Kristo bə̀ fɔrɨ rɨ əmbɨ Ŋwìə̀ Mbǎʼ we nɨ nyaʼa zwemnɨ əməd.

Ɨ̀fàʼì 3:26

Ŋwìə̀ nyaʼa chɔʼ i wə̀d ə̀fàʼì, bè chà əməd ɨ nən ni wɨ̀ zɨ əbɔrəbɔd ɨgwɨ nən ɨchî nɨ wɨə ghɨ ni wə̀d mɔʼ mɔʼ rəbɔʼ nən waʼ ɨnû ɨzɨg.”

1 Kɔrèn 15:15

Zɨə mɨ nɨə yeʼ əne, njɨ zɨə chwi ni tɨ̀ wɨə ghà ɨnû nɨ chəi Ŋwìə̀ nyaʼa ghɨ̌, ɨmbə̀ʼ ɨghəm nɨ tɨ̀ nyaʼa gha ɨmbə̀ʼ əməd ni wɨ̀ nyaʼa zwemnɨ ə Kristo. Əne chəi wɨ̀ nyaʼa zwemnɨ əməd, əwù ze nɨ à yɨ rəsìʼ ni chəi ɨvɨ bə̂d bɨrɨ nɔ zwemə.

Ɨ̀fàʼì 13:37

Àyɨə chəi məd we nɨ Ŋwìə̀ nyaʼa zwemnɨ nyaʼa bɔbɨ.

Ɨ̀fàʼì 4:10

njɨ mbə̀n mɨjìm mbɨ mɨ̀Izre mɨ̀jìm kyerɨ ni mbaŋə̀ zɔ̂ ə təm ɨfě nən, bɔtɨ i kwàʼ ɨchî chɔ̀m ənjìm ɨka we nɨ yeʼ ənɨ ɨkum Yeso Kristo we rɨ ə Nazàret nɨ mbə̀ nyaʼa kòmbɨ̀ əzed ə baʼnɨ, àyɨə Ŋwìə̀ nyaʼa zwemnɨ əməd.

Jn 20:9

Chəi ɨtu mɨ̀mə̌d nyaʼa kɨrɨ zeŋ ɨmbə̀ʼ ɨŋgam Ŋwiə̀ we nɨ gha ni wɨ̀ berɨ zwemə.

Ɨnû 1:18

Mɔ̌ yɨə we nɨ yeʼ ɨkǎ. Mə nyaʼa kwɨ, àyɨə zə, mə wɨ ɨkǎ koŋ. Mə berɨ ɨka ɨgwɨ ɨvɨ bə̀ fɔrɨ ɨgwɨ əbeŋ ɨvɨ bə̂d.

1 Kɔrèn 15:12

Mbɨ mɨ yeʼə ghàə̀ ni Ŋwìə̀ nyaʼa zwemnɨ ə Kristo, njɨ zɨə sɨ wɨrɨ chè rɨ yè nɨ bə̂d mɔʼɔ rəbɔʼ nən ə ghà ni chəi bə̂d bɨrɨ zwemə ə?

Rm 14:9

Kristo nyaʼa kwɨ bə̀ wɨrɨ zwemə ɨmbə̀ʼ wɨ̀ yeʼ Ə̀nùŋɨ̀sɨg ɨgwɨ ɨvɨ bə̂d bə̀ fɔrɨ ɨgwɨ ə bə̂d mbe nɨ yeʼ ɨkǎ.

Rm 8:34

À kɨə we nɨ bɨrɨ gha ni mbɨ fə gù ɨsaʼi ə? À wa kɨə Kristo Yeso nɨ nyaʼa kwɨ, ee, nɨ Ŋwìə̀ nyaʼa zwemnɨ, nɨ chub əbà əbɔ ə jɨgɨ ə Ŋwiə̀, kɔ̀ŋgɨ̀ əməd ɨgwɨ mba ɨtu ə?

Jn 12:39

Əne chəi ənɨ tɨ̀ mbɨ nyaʼa benɨ. Aizayà nyaʼa bə̀ yì ghà ni,

Mə̀Hibrù 2:14

Əne ɨchî nɨ bɔn mbe berɨ nyamnyod mbɨ ənəm, məd ziə nyaʼa bə̀ yeʼ wə̀d mɨ̀sɔŋɨchù, ɨmbə̀ʼ ənjìm ɨvɨ məd, wɨ̀ bɨrɨ nimnɨ əməd we nɨ berɨ ɨka ɨgwɨ ɨvɨ, əne yɨə Debɨ̀rə̀.

Matìyò 27:63

Mbɨ nyaʼa pè ghà ɨ bɔ ni, “Masà, tɨ̀ fə wɨrɨ kɔndɨ ənû ze nɨ wə̀d mɨ̀ghab we nyaʼa ghǎ ənɨ wɨ̀ nyaʼa kɨrɨ i ɨkǎ. Wɨ̀ nyaʼa ghà ni, 'Ɨni mɨ chè ɨtad, mə bɨrɨ wɨrɨ zwemə.'

Jn 10:35

Ŋwìə̀ nyaʼa tɔŋ bə̂d mbe nɨ nyaʼa zu ɨŋgam məd ni mbɨ yɨ mɨ̀ŋwìə̀. Əne mbə̀ kyerɨ ni Ə̀ŋwàʼnɨ̀ ə Ŋwiə̀ ə zɨə ghà rəsìʼ.

Ɨ̀fàʼì 1:16

“Mbɨ bɔŋgɔb, ɨŋgam Ŋwiə̀ we nɨ Əzwî ə Zeŋɨ ə nyaʼa fə be ghɨ̀ ɨfɔ̂n Dèvîd ghà, ə berɨ jwɨ̀ ənɨ rəsìʼ de ə Judàs we nɨ nyaʼa chwi ɨnə̂njɨ̀ əmbɨ ə bə̂d mbe nɨ nyaʼa gywɨ ə Yeso.

Ɨ̀fàʼì 5:30

Ŋwìə̀ mba mɨ̀mbǎʼ rəŋwe nyaʼa zwemnɨ ə Yeso we nɨ mbə̀ nyaʼa kombɨ əzed ə baʼnɨ, zwiirɨ.

1 Kɔrèn 15:4

Mbɨ nyaʼa tweŋ əməd, əne Ŋwìə̀ nyaʼa zwemnɨ əməd ənɨ ɨni nyaʼa che ɨtad, ɨchî nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀.

1 Kɔrèn 15:20

À yɨ rəsìʼ ni Ŋwìə̀ nyaʼa zwemnɨ ə Kristo. À yɨə bə̀ rəsìʼ ni Kristo yɨə wə̀d rɨtu nɨ Ŋwìə̀ zwemnɨ rəbɔʼ bə̂d mbe nɨ nyaʼa fə kwɨ.