Ɨ̀fàʼì 17:4 - Meta’

⁴ Bə̂d mɔʼɔ rəbɔʼ mɨ̀Jû mbe nɨ nyaʼa zu ɨŋgam we nyaʼa benɨ, əne fɔtɨ əbɔʼ Pɔ̂l mbɨ Sailàs. MəGris mɨ̀nɔnɔʼ nɨ nyaʼə nùŋə̀ fîŋ ɨgun ə Ŋwiə̀ mbɨ məyi kyeŋ kyeŋ nɔnɔʼ nyaʼa bə̀ fɔtɨ əbɔʼ mɨ̀mə̌d.

Ikan feg

⁴ Bəd mɔ̀ʼɔ abɔ̀ʼ mə̀Ju mbe ne ya zughi ìngam we bḛ, ya beni abɔ̀ʼ Pɔl tì Sayilàs. Bəd nɔʼ nɔʼ mɔ̀ʼɔ a Gris ne ghùmnə Ŋwiye fɔrɔ mə̀yi kyen kyen mɔ̀ʼɔ ya bə̀ bèni abɔ̀ʼ inɔb.

Ɨ̀fàʼì 17:4 Cross References

Jn 7:35

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà mbənə mbənə ni, “Mbaŋə̀ zɔ̂ kɨə kə̀b wo ə yi nɨ chəi ənɨ tɨ̀ rɨ wɨrɨ zə əməd ə? Wɨ̀ wa kə̀b wo əsɨ mba bə̂d mbe nɨ jaŋ ɨŋga ɨbeŋ cherə ɨmbə̀ʼ chwi ɨnû əmbɨ mɨ̀mə̌d ə?

Ɨ̀fàʼì 13:43

Ənɨ mbɨ nyaʼa jaŋ rɨŋga nəb ə̀kàtɨ̀ ze, mɨ̀Jû nɔnɔʼ mbɨ ə bə̂d cherə mbe nɨ nyaʼa beŋ tə fîŋ ben ənû ə Ŋwiə̀ mɨ̀Jû nyaʼa beenɨ əbɔʼ Pɔ̂l mbɨ Banabàs. Əne Pɔ̂l mbɨ Banabàs nyaʼa ghàm bə̀ tìmbɨ̀ mɨ̀mə̌d ni mbɨ wo ɨmbì nuŋ fîŋ ɨgun ə Ŋwiə̀ we nɨə ghɨ̀ ɨ̀chɔ̀m ənɨ mɨ̀mə̌d.

Ɨ̀fàʼì 13:50

Àyɨə mɨ̀Jû mbe nyaʼa no məyi kyeŋ kyeŋ mbe nɨ nyaʼa nuŋ fîŋ ɨgun ə Ŋwiə̀ bə̀ no bə̂d kyeŋ mbe rɨŋga əsɨ ze. Əne mbɨ nyaʼa kɔ nwendɨ tɨkyerɨ-ɨwu Pɔ̂l mbɨ Banabàs, əne fid mɨ̀mə̌d rɨŋga əbà əbeŋ ze.

Ɨ̀fàʼì 14:1

Pɔ̂l mbɨ Banabàs nyaʼa wò ə Ikoniùm chè wò nyɨ ɨŋga nəb ə̀kàtɨ̀ mɨ̀Jû ze nɨ nyaʼa əŋgu. Mbɨ nyaʼa ghà ɨŋgam Ŋwiə̀ ɨŋga nəb ə̀kàtɨ̀ ze ənɨ ɨnə̂njɨ̀ nɨ mɨ̀Jû nɔnɔʼ mbɨ ə bə̂d mɨ̀nɔnɔʼ mbe nɨ ka mbɨ yɨə nyaʼə mɨ̀Jû nyaʼa ben ɨŋgam we.

Ɨ̀fàʼì 14:4

Bə̂d mbe rɨŋga əsɨ ze nyaʼa ghàbrə̀. Mbɨ mɔʼɔ nyaʼa ben ɨnû mbe nɨ mɨ̀Jû nyaʼə ghàə̀, mbɨ cherə nyaʼa ben mbe nɨ bə̂d tom mbe nyaʼə ghàə̀.

Ɨ̀fàʼì 15:22

Bə̂d tom Kristo mbɨ ə bə̂d mbe nɨ nyaʼə chà ɨfetɨ we rɨ ə Jèrusalèm mbɨ ə bə̂d Kristo mɨjìm nyaʼa chɔʼɔ mbaŋə̀ rɨ̀be rəkaʼ mɨ̀mə̌d, əne tom ni mbɨ wo ə Antiɔ̀k mbɨ Pɔ̂l fɔrɨ ə Banabàs. Mbɨ nyaʼa tom ə Judàs we nɨ mbɨ nyaʼə bə̀ tɔŋ ənɨ Bàsabàs mbɨ Sailàs. Mbɨ yɨə nyaʼə bə̂d kyeŋ əkaʼ bə̂d Kristo mbe ə Jèrusalèm.

Ɨ̀fàʼì 15:27

Əne tɨ̀ fə tom ə Judàs mbɨ Sailàs əsɨ nən. Mbɨ bɨrɨ ghà ɨnû mbe nɨ tɨ̀ ŋwaʼnɨ ɨ nən mbənə mbənə.

Ɨ̀fàʼì 15:32

Əne Judàs mbɨ Sailàs nɨ nyaʼə bə̂d ɨ̀kə̀n Ŋwiə̀ mbənə mbənə nyaʼa ghà ɨnû nɔnɔʼ tìmbɨ̀ bɔŋgɔb mbe bə̀ ghɨ̀ ni ɨbenɨ mɨ̀mə̌d kaanə.

Ɨ̀fàʼì 15:40

Àyɨə Pɔ̂l nyaʼa chɔʼ ə Sailàs mbɨ wò ɨnɔ̂n. Bə̂d mbe nɨ nyaʼa ben ə Kristo nyaʼa kɔ̀ŋgɨ̀ ə Ŋwiə̀ ɨgwɨ mɨ̀mə̌d ni Ə̀nùŋɨ̀sɨg ghɨ ɨ̀chɔ̀m ənɨ mɨ̀mə̌d.

Ɨ̀fàʼì 16:3

Pɔ̂l nyaʼa kə̀b ni njɨ tə nɨŋ ə Timotì mbə wò ɨnɔ̂n. Əne wɨ̀ nyaʼa ne əməd ɨmbə̀ʼ ɨghəm nɨ mɨ̀Jû mɨ̀jìm mbe nɨ nyaʼa ɨŋga ɨsɨ mbe nyaʼa kyerɨ ni mbǎʼ məd yɨ rɨ ə Gris.

Ɨ̀fàʼì 17:10

À nyaʼa sɨ ɨzimɨ, bə̂d mbe rɨ ə Tèsàlonikà nɨ nyaʼa ben ə Kristo nyaʼa chà ə Pɔ̂l mbɨ Sailàs ə Berià. Ənɨ mbɨ nyaʼa pè əŋgu, mbɨ nyaʼa wò nyɨ ɨŋga nəb ə̀kàtɨ̀ mɨ̀Jû.

Ɨ̀fàʼì 17:12

Mɨ̀mə̌d nɔnɔʼ nyaʼa ben ə Kristo. Məyi Gris kyeŋ kyeŋ mbɨ ə mbaŋə̀ Gris nɔnɔʼ nyaʼa bə̀ ben ə Kristo.

Ɨ̀fàʼì 17:14

Àmei əwu əwən, bə̂d mbe nɨ nyaʼa ben ə Kristo ə Berià nyaʼa tom bə̂d ni mbɨ nɨŋ ə Pɔ̂l wò chà əŋgo rɨ̀bàà. Àyɨə Sailàs mbɨ Timotì nyaʼa tèn ə Berià.

Ɨ̀fàʼì 17:17

Əne wɨ̀ nyaʼa wò kɔ taŋ ɨŋga nəb ə̀kàtɨ̀ ze mbɨ mɨ̀Jû fɔrɨ mbɨ ə bə̂d mbe nɨ kaʼi mɨ̀Jû nɨ nyaʼa nùŋ fîŋ ɨgun ə Ŋwiə̀. Wɨ̀ nyaʼə bə̀ tàŋ əsam ɨwin ɨni jìm mbɨ ə bə̂d mbe nɨ nyaʼə wò əŋgu.

Ɨ̀fàʼì 17:34

Àyɨə bə̂d mɔʼɔ nyaʼa fɔtɨ əbɔʼ məd ben ə Kristo. Wɨ mɔʼɔ rəbɔʼ mɨ̀mə̌d yɨə nyaʼə Dionisiùs, nɨ nyaʼa mbaŋə̀ rəbɔʼ te nɨ nyaʼa ɨŋga ɨfetɨ Àriopagùs. Əyi mɔʼɔ nɨ mbɨ nyaʼə bə̀ tɔŋ ənɨ Damaris mbɨ ə bə̂d cherə nyaʼa bə̀ fɔtɨ əbɔʼ məd ben ə Kristo.

Ɨ̀fàʼì 18:4

Ɨ wɨə nyaʼə tàŋə̀ mbɨ mɨ̀Jû ɨŋga nəb ə̀kàtɨ̀ ɨni ɨkwɨ jìm. Əne wɨ̀ nyaʼa fi ɨtu mɨ̀Jû bə̀ fi ɨtu bə̂d mbe nɨ kaʼi mɨ̀Jû ɨmbə̀ʼ mbɨ ben ə Kristo.

Ɨ̀fàʼì 19:10

Ɨ wɨə nyaʼə tàŋ mbɨ mɨ̀mə̌d ɨghəm ɨwu be. Əne bə̂d mɨ̀jìm mbe nɨ nyaʼə chub ə Esià, əne yɨ mɨ̀Jû mbɨ mbe nɨ kaʼi mɨ̀Jû, nyaʼa zu ɨŋgam Ə̀nùŋɨ̀sɨg.

Ɨ̀fàʼì 2:44

Bə̂d mɨ̀jìm mbe nɨ nyaʼa ben ə Kristo nyaʼa chub ənɨ ənû ə mɔʼ. Mbɨ nyaʼa bə̀ berɨ mbə ɨghɨ ənɨ mbɨ mɔʼ.

Ɨ̀fàʼì 21:28

kyeŋ rɨkǎ ghà ni, “Mɨ̀Izre, mbə̀ weerɨ əwa! Mbaŋə̀ zɔ̂ zɨə chwiə ɨŋga ɨsɨ jìm ni bə̂d ban mɨ̀Izre, ban tɨkə rɨ Mose bə̀ ban əsɨ zɔ̂. Tɨ̀nîn wɨ̀ fə nɨŋ mbaŋə̀ nɨ kaʼi mɨ̀Jû yeʼe mbɨ rɨwən ɨŋga mbàn Ŋwìə̀. Əne mbɨ fə tìbrɨ̀ əsɨ ə zeŋɨ zɔ̂.”

Ɨ̀fàʼì 28:24

Bə̂d mɔʼɔ nyaʼa ben ənû ze nɨ wɨ̀ nyaʼə ghàə̀, àyɨə chəi mbɨ mɔʼɔ nyaʼa benɨ.

Ɨ̀fàʼì 4:23

Ənɨ mbɨ nyaʼa saŋ ə Pità mbɨ Jɔ̌n, mbɨ nyaʼa nɔ̀ʼ wò əsɨ mbə bə̂d pè ghà ɨnû mbe nɨ bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa ghà əmbɨ mɨ̀mə̌d.

2 Kɔrèn 8:5

Mbɨ nyaʼa ghɨ̀ ənû zɔ̂ chè ɨchî nɨ tɨ̀ nyaʼa kɔndɨ. Mbɨ nyaʼa bè nàʼ ə ɨnyod əmbɨ Ə̀nùŋɨ̀sɨg. Mbɨ nyaʼa beenɨ nàʼ ə ɨnyod ɨ na ɨchî nɨ Ŋwìə̀ nyaʼa kəb ni mbɨ ghɨ əne.