Ɨ̀fàʼì 13:4 - Meta’

⁴ Əzwî ə Zeŋɨ ə nyaʼa tom ə Banabàs mbɨ Sɔ̂l, əne mbɨ nyaʼa swiʼi wò ə Selusià. Mbɨ nyaʼa nɔ̀ʼ rəŋgu nyɨ əbaŋ ɨgyɨ̀ baanɨ wò əkəm əsɨ ze rɨŋga ɨgyɨ̀ nɨ mbɨ nyaʼə tɔŋ ənɨ Saiprùs.

Ikan feg

⁴ Azwighi Ŋwiye ya tɔmɔ Bànabàs tì Sɔl. Ane, mbi ya swiʼi ghò a Sèlusìyà. Mbi ya nɔ̀ʼ angu nyi abaŋ igyi ghò a Sayiprùs.

Ɨ̀fàʼì 13:4 Cross References

Ɨ̀fàʼì 11:19

Mə̀saʼ əbeŋ nyaʼa zwiirɨ ə Stɨfɨ̀n, əne kɔ nwendɨ tɨkyerɨ-ɨwu bə̂d mbe nɨ nyaʼa ben ə Kristo. Bə̂d mbe nɨ nyaʼa ben ə Kristo nyaʼa jàŋ wò ə Fonesià, wò ə Saiprùs bə̀ wò ə Antiɔ̀k. Ənɨ mbɨ nyaʼə wòə̀, ɨ mbɨə nyaʼə yènə̀ ghà ɨŋgam Ŋwiə̀ àmei əmbɨ mɨ̀Jû.

Ɨ̀fàʼì 13:2

Ənɨ mbɨ nyaʼə wumnɨ ə Ə̀nùŋɨ̀sɨg bə̀ chubə rɨ jɨg, Əzwî ə Zeŋɨ ə nyaʼa ghà əmbɨ mɨ̀mə̌d ni, “Mbə̀ sweŋ ə Banabàs mbɨ Sɔ̂l ɨ num ɨmbə̀ʼ mbɨ faʼ ə̀fàʼì ze nɨ mə chɔʼ mɨ̀mə̌d ni mbɨ faʼa.”

Ɨ̀fàʼì 13:3

Ənɨ mbɨ nyaʼa fə chub rɨ jɨg bə̀ kɔ̀ŋgɨ̀ ə Ŋwiə̀ màànɨ̀, mbɨ nyaʼa zab mbə ɨbɔ ɨgwɨ mɨ̀mə̌d, chà mɨ̀mə̌d ni mbɨ wò ə.

Ɨ̀fàʼì 15:36

Ənɨ ɨni mɔʼɔ nyaʼa chě, Pɔ̂l nyaʼa ghà əmbɨ Banabàs ni, “Yeʼe tɨ̀ wɨrɨ bə̀ndɨ̀ wò mò bɔŋgɔb mbe rɨŋga ɨsɨ jìm mbe nɨ tɨ̀ nyaʼa gha ɨŋgam Ŋwiə̀ əŋgu, bə̀ zə ɨchî nɨ mbɨ yeʼ ə.”

Ɨ̀fàʼì 20:23

Ənû nɨ mə̀ kyerɨ yɨ ni Əzwî ə Zeŋɨ ə zɨə ghà ɨ num ɨsɨ jìm ni ndəŋ fɔrɨ ŋgəʼ mbɨə wòm əmɨ.

Ɨ̀fàʼì 27:4

Tɨ̀ nyaʼa nɔ̀ʼ rɨ əwɔ kɔ wo, àyɨə ɨchî nɨ ɨfə nyaʼə tin əwa rɨ əbà rɨ ɨfě, tɨ̀ nyaʼa bèŋ wò chè əbà ə Saiprùs ze nɨ si nyaʼa kən ni tɨ əfim che i əŋgu.

Ɨ̀fàʼì 4:36

Zɨə nyaʼa chè ni Jòsêf, nɨ bə̂d tom nyaʼa chu əməd ənɨ ə Banabàs (əton ənɨ ɨkum we yɨ ni, Wan mbaŋə̀ nɨə tìmbɨ̀ ə bə̂d), nɨ nyaʼa rɨŋga ɨnəbɨ Levì, mbɨ gywɨ əməd ə Saiprùs,