Ɨ̀fàʼì 1:8 - Meta’

⁸ Àyɨə mbə bɨrɨ berɨ ɨka ənɨ Əzwî ə Zeŋɨ ə fə nyɨ ɨgwɨ nən. Əne mbə bɨrɨ sɨ yeʼ bə̂d nɨə ghà ɨnû ɨmbə̀ʼ əmɨ ɨŋga Jèrusalèm, ɨŋga ɨsɨ jìm mbe rɨ ə Jùdeyà, bə̀ fɔrɨ ɨŋga ɨsɨ jìm mbe rɨ ə Sàmàriyà, əne əne wò pè ɨnwǐ ɨsɨg.”

Ikan feg

⁸ Si ya gha, mbə biri bèrì ika anyumə̀ ne Azwighi Ŋwiye yeʼe igun inən. Mbə̰ biri si dù ghò ane ika we si yaʼ bəd ne ghà inug imbə̀ʼ amə mà isiŋi ijìm. Mbə̰ biri ko a Jèrusalèm, ghò inga aba aben Jùdeyà ajìm tì inga aba aben Sàmarìyà ajìm fɔrɔ inga iben mbe ne yaʼi igun isəg ijìm.”

Ɨ̀fàʼì 1:8 Cross References

Matìyò 24:14

Bə̂d bɨrɨ gha ɨkə̂n chɔ̀m wɔ̂ ɨmbə̀ʼ ənû ɨfɔ̀n rɨkaŋ ɨŋga ɨsɨg jìm, ɨmbə̀ʼ ɨbeŋ jìm zu. Mbɨ mɨ ghɨ̀ əne, ɨnwǐ ɨsɨg bɨrɨ sɨ yeʼe.

Matìyò 28:19

Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ.

Mk 16:15

Wɨ̀ nyaʼa ghà əmbɨ mɨ̀mə̌d ni, “Mbə̀ wo ɨŋga ɨsɨg jìm, wò ghà ɨkə̂n chɔ̀m əmbɨ ə bə̂d mɨ̀jìm.

Lk 1:35

Aŋgɨrə̀ we nyaʼa wììrɨ̀ ɨ bɔ ni, “Əzwî ə Zeŋɨ bɨrɨ yeʼe ɨgwɨ ne, əne ɨka Ə̀chè-ɨsɨg bɨrɨ kubrɨ əwe. Mbɨ bɨrɨ tɔŋ wan zeŋɨ we nɨ à bɨrɨ gywɨ ni məd yɨə Wan Ŋwìə̀.

Lk 10:19

Mbə̀ zə, mə fə nàʼ ɨka ɨ nən ni mbə̀ yen ɨgwɨ ə jɔ, yèn ɨgun mbɨ̀rɨkafuʼ-ɨkon. Mə fə bə̀ nàʼ ɨka ɨ nən ni mbə̀ baŋ ɨka jìm we nɨ wə̀d pə̀n berɨ. Chəi əghɨ ə mɔʼɔ bɨrɨ kundɨ əwən.

Lk 24:29

Àyɨə mbɨ nyaʼa yim əməd rə̀bɔ̀ʼɔ̀ ghà ni, “Ni mbɨ na, ɨmbə̀ʼ ɨghəm nɨ ɨsɨ mbɨə sɨə finə, nyùmə̀ fə bə̀ chè i.” Wɨ̀ nyaʼa bə̀ wò ni tə bɨrɨ ni mbɨ mɨ̀mə̌d.

Jn 15:27

Mbə̀n bə̂ bɨrɨ bɨ gha ɨnû ɨmbə̀ʼ əmɨ, ɨmbə̀ʼ ɨghəm nɨ mbə̀ mbɨə nyaʼa mbɨ num tɨ ənɨ mə̀ nyaʼa kɔ chwi ɨnû.

Ɨ̀fàʼì 1:22

kɔ rɨ ənɨ Jɔ̌n we nɨ nyaʼə nàʼ mɨnib wò pè əni ze nɨ Ŋwìə̀ nyaʼa nɨŋ ə Yeso rəkaʼ na. Mbaŋə̀ mɔʼ rəbɔʼ tɔ̂ berɨ fɔtɨ əbɔʼ na yènə̀ ghà ɨnû ɨmbə̀ʼ ɨchî nɨ Ə̀nùŋɨ̀sɨg nyaʼa zwemə.”

Ɨ̀fàʼì 1:5

Jɔ̌n wɨə nyaʼə nàʼə̀ mɨnib, àyɨə bɔŋ ɨni nɔnɔʼ sɨə yeʼe, Ŋwìə̀ bɨrɨ naʼ Əzwî ə Zeŋɨ ɨ nən.”

Ɨ̀fàʼì 13:31

Ɨ wɨə nyaʼa jwɨ̀ ɨni nɔnɔʼ ɨfě bə̂d mbe nɨ nyaʼə yènə̀ mbɨ məd kɔ rɨ ə Galiliî wò pè ə Jèrusalèm. Bə̂d mbe nɨ wɨ̀ nyaʼa jwɨ ɨfě mɨ̀mə̌d yɨ mɨ̀zərɨmbin mbe nɨə sɨə ghà ɨnû ɨmbə̀ʼ əməd əmbɨ mɨ̀Izre tɨ̀nîn.

Ɨ̀fàʼì 2:32

Ŋwìə̀ nyaʼa zwemnɨ ə Yeso wɔ̂. Mba mɨjìm yɨ mɨ̀zərɨmbin ənɨ ənû rəŋgu.

Ɨ̀fàʼì 22:15

ɨmbə̀ʼ ɨghəm nɨ à bɨrɨ gha ɨnû jìm mbe nɨ à fə zə bə̀ zu ɨmbə̀ʼ əməd əmbɨ ə bə̂d mɨjìm.

Ɨ̀fàʼì 3:15

Mbə nyaʼa zwiirɨ wə̀d we nɨə nàʼ ɨ̀tènɨ̀, àyɨə Ŋwiə̀ nyaʼa zwemnɨ əməd. Tɨ̀ yɨ mɨ̀zərɨmbin ənɨ ənû zɔ̂.

Ɨ̀fàʼì 4:33

Bə̂d tom Kristo mbe mbɨə nyaʼə ghà ɨmbə̀ʼ ɨchî nɨ Ə̀nùŋɨ̀sɨg Yeso nyaʼa zwemə. Ɨ mbɨə nyaʼə ghà əne ənɨ ɨnə̂njɨ̀ nɨ kaanɨ. Ɨ̀chɔ̀m Ŋwiə̀ wɨə nyaʼa ɨgwɨ mɨ̀mə̌d mɨjìm.

Ɨ̀fàʼì 5:32

Mbǎ mbɨ Əzwî ə Zeŋɨ ze nɨ Ŋwìə̀ naʼ əmbɨ ə bə̂d mbe nɨə zuunɨ əməd yɨə mɨ̀zərɨmbin ənɨ ɨnû mbɔ̂.”

Ɨ̀fàʼì 6:8

Ŋwiə̀ nyaʼa ghɨ̀ ɨ̀chɔ̀m ənɨ ə Stɨfɨ̀n bə̀ naʼ ɨka ɨ bɔ. Əne wɨ̀ nyaʼa kɔ ghɨ̀ ɨnû yiirɨ bə̀ kɔ ghɨ̀ ɨnweenɨ-ɨnû ka ka əkaʼ ə bə̂d.

Ɨ̀fàʼì 8:1

Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.

Rm 10:18

Àyɨə mə wɨə biirɨə ni: chəi mbɨ kɨrɨ zu ə? Təsìʼ yɨ ni mbɨ fə zu. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨkə̂n we nɨ mbɨə ghàə̀ fə jàŋ si jìm, mɨŋgam mɨ̀mə̌d fə wò pè ɨnwǐ ɨsɨg.”

Rm 15:19

ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.