Fìlipì 4:6 - Meta’

⁶ Tɨ mbə̀ nwìʼ ə ɨnyod ɨmbə̀ʼ ənû ə mɔʼɔ, àyɨə mbə kɔŋgɨ ə Ŋwiə̀ ɨmbə̀ʼ ɨnû jìm, nɔn ɨnû jìm mbe nɨ mbə kwaŋɨ bə̀ nàʼ məben-əwe ɨ bɔ.

Ikan feg

⁶ Imbə̀ʼ mbə̰ si nwìʼì awən nyɔd imbə̀ʼ aghi mɔ̀ʼɔ. Mbə̀ ya dèghè ìmbən inug ijìm yaʼ abə Ŋwiye. Anyumə̀ ne mbə̰ mbe chàʼrà Ŋwiye, mbə boʼ ibo ibo, nɔ̰ ìmbən ighi ibo, bə̀ nàʼ məyakà ibo.

Fìlipì 4:6 Cross References

Matìyò 10:19

Ənɨ mbɨ mɨ yim əwən, tɨ mbə̀ nwìʼ ə ɨnyod ɨmbə̀ʼ ənû ze nɨ mbə̀ bɨrɨ ghà, kɨ̀ ɨmbə̀ʼ ɨchî nɨ mbə̀ bɨrɨ ghàm. Nyùmə̀ we mɨ kùʼ i, Ŋwìə̀ bɨrɨ ghɨ ni mbə̀ kyerɨ ənû nɨ ghà,

Matìyò 13:22

Ɨghɨ mbe nɨ nyaʼa feŋ ɨŋga ɨ̀jə̀ŋɨ̀ yɨ ɨghabɨ bə̂d mbe nɨ zu ɨŋgam Ŋwiə̀, əne ənû nɨ nwiʼ ɨnyod ɨmbə̀ʼ ɨghɨ rɨŋga ɨsɨg mbɨ ənû nɨ berɨ mbɔ̂n, mbɨ fumnɨ ɨŋgam we, chəi wɨ kɔ rɨtam.

Matìyò 6:34

“Əne tɨ mbə̀ nwìʼ ə ɨnyod ɨmbə̀ʼ əni ɨsɔ, ɨmbə̀ʼ ɨghəm nɨ əni ɨsɔ ə berɨ mbi ɨnû. Ɨni jìm ə berɨ i ŋgəʼ.

Matìyò 6:8

Tɨ mbə̀ ghɨ̀ ə ɨghabɨ mɨ̀mə̌d, ɨmbə̀ʼ ɨghəm nɨ ə Mbǎʼ ə kyerɨ ɨghɨ mbe nɨ mbə̀ kwaŋɨ bɔŋ mbə̀ sɨə biirɨə.

Lk 10:41

Àyɨə Ə̀nùŋɨ̀sɨg nyaʼa wììrɨ̀ ɨ bɔ ni, “Màta, Màta! À wɨə nwìʼ ɨnyod əku bə̀ zəə ŋgəʼ ɨmbə̀ʼ ɨnû nɔnɔʼ.

Lk 12:22

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Mə ghà ɨ nən ni tɨ mbə̀ nwìʼ ə ɨnyod ɨmbə̀ʼ ə ɨ̀tènɨ̀, ni mbə̀ kɨə wo jɨg ye, kɨ̀ ɨmbə̀ʼ ə nyamnyod, ni mbə̀ kɨə wo zɨ ye,

Lk 12:29

Tɨ mbə̀ kə̀b ə ɨghɨ mbe nɨ mbə̀ bɨrɨ jɨg mbɨ mbe nɨ mbə̀ bɨrɨ nɔ. Tɨ mbə̀ bɨ nwìʼ ə ɨnyod.

Lk 18:1

Yeso nyaʼa ghà ənû ə mɨgɨ əmbɨ mbi mə̀mə̀ə̀nɨ̀-ɨnû ɨ chwi ni mbɨ berɨ kɨə kɔ̀ŋgɨ̀ ə Ŋwiə̀ zɨ rɨ bɔd.

Lk 18:7

Əsob mɨ̀sàʼi rɨbɔ̀ŋ we mɨ yeʼə ghɨ̀ əne, njɨ ka Ŋwìə̀ wa bɨrɨ weerɨ i bə̂d ɨməd mbe nɨ wɨ̀ chɔʼɔ, ɨchî nɨ mbɨə zə̀ʼ ɨ bɔ əziə mbɨ ɨzimɨ ə? Wɨ̀ wa bɨrɨ tàndɨ̀ bɔŋ weerɨ mɨ̀mə̌d ə?

1 Kɔrèn 7:21

Àwɔ̀ wa kɨə nyaʼə ə̀bòʼò ənɨ ə nyùmə̀ we nɨ Ŋwìə̀ nyaʼa tɔŋ əwe ə? Tɨ əze ə tɔb i əwe. Àyɨə à mɨ berɨ əpan nɨ jwɨ̀ rɨ ənɨ ə̀bòʼò, nɨŋ əpan ze jwɨ̀ e.

1 Kɔrèn 7:32

Chəi mə̀ kə̀b ni mbə̀ nwìʼ ɨnyod. Mbaŋə̀ ze nɨ chəi zɨ namɨ zɨə kɔn ɨmbə̀ʼ Ə̀nùŋɨ̀sɨg, ɨchî nɨ tɨ̀ wɨ̀ ghɨ̀ ni fîŋ Ə̀nùŋɨ̀sɨg bɔ̀ŋ ə.

2 Kɔrèn 1:11

ɨchî nɨ mbə̀ə kɔ̀ŋgɨ̀ ə Ŋwiə̀ ɨgwɨ na. Mbə mɨ ghɨ̀ əne, bə̂d mɨ̀nɔnɔʼ bɨrɨ naʼ məben-əwe əmbɨ ə Ŋwiə̀ ɨmbə̀ʼ əwa, ɨmbə̀ʼ ɨghəm nɨ wɨ̀ bɨrɨ wiirɨ ə̀kɔ̀ŋgɨ̀ ə bə̂d mɨ̀nɔnɔʼ, əne nàʼ əghɨ ze nɨ mbɨ kɔŋgɨ əməd nɔn.

Efesùs 5:20

Mbə̀ kɨə nàʼə̀ məben-əwe əmbɨ ə Ŋwiə̀ nɨ yeʼ Mbǎʼ. Mbə̀ kɨə ghɨ̀ əne ənɨ mɨ̀nyùmə̀ jìm bə̀ fɔrɨ ɨmbə̀ʼ ɨghɨjìm. Mbə̀ ghɨ əne ənɨ ɨkum a Ə̀nùŋɨ̀sɨg Yeso Kristo.

Efesùs 6:18

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm bə̀ fɔrɨ ənɨ mbə̀ə ghɨ̀ ɨnû jìm. Mbə̀ ghɨ əne ɨchî nɨ Əzwî ə naʼ ɨka ɨ nən. Əne mbə̀ chub ɨkyèʼe. Tɨ mbə̀ bɔd ə nɨ kɔŋgɨ ə Ŋwiə̀ ɨgwɨ ə bə̂d məd mɨjìm.

Kòlosè 3:15

Mbə̀ saŋ ə ni əbɔrəbɔd ze nɨ Kristo ə nàʼə̀ ə tumbɨ tə fîŋ. À yɨ ɨmbə̀ʼ əbɔrəbɔd zɔ̂ nɨ Ŋwìə̀ nyaʼa tɔŋ əwən ni mbə̀ yeʼe fɔtɨ ɨŋga nyamnyod mɔʼ. Mbə naʼ məben-əwe əmbɨ ə Ŋwiə̀ ənɨ mɨ̀nyùmə̀ jìm.

Kòlosè 3:17

Əne ɨnû jìm mbe nɨ mbə̀ə ghɨ̀ə̀, kɨ̀ ənɨ mbe nɨ mbə̀ə ghàə̀, mbə ghɨ ənɨ ɨkum Ə̀nùŋɨ̀sɨg Yeso. Mbə mɨə ghɨ̀ə̀ əne, mbə bɨrɨ yeʼə chè ənjìm məd nàʼə̀ məben-əwe əmbɨ Ŋwiə̀ Mbǎʼ.

Kòlosè 4:2

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm. Mbə mɨ yeʼə kɔ̀ŋgɨ̀ə̀, mbə̀ chub ɨkyèʼe bə̀ nàʼə̀ məben-əwe ɨ bɔ.

1 Timotì 2:1

Ənû rɨtu yɨ ni mə wɨə buʼ ɨbɔ ni mbə̀ nɔn ɨghɨ rɨ əmbɨ ə Ŋwiə̀, kɔ̀ŋgɨ̀ əməd, biirɨ ɨghɨ bə̀ nàʼ məben-əwe ɨ bɔ ɨgwɨ ətu ə wə̀d jìm.

1 Timotì 5:5

Ɨku əyi we nɨ chəi wə̀d nɨə nəŋgɨ əməd, nɨ yeʼ tə̀zìʼ wi, fə nùŋ ti rɨkɔndɨ ɨgun ə Ŋwiə̀. Ɨ wɨə wò ɨmbì nɔn ɨnû rɨ əmbɨ ə Ŋwiə̀ bə̀ kɔ̀ŋgɨ̀ əməd ɨzimɨ mbɨ əziə.

1 Pità 4:7

Ɨnwǐ ɨghɨjìm fə tiinɨ, əne mbə nuŋ mbə ɨtu mbɨ zeŋ bə̀ yimbɨ ə ɨnyod ɨmbə̀ʼ kyerɨ ɨchî nɨ kɔŋgɨ ə Ŋwiə̀.

1 Pità 5:7

Mbə saŋ ɨghɨjìm mbe nɨə chə əwən ɨ bɔ, ɨmbə̀ʼ ɨghəm nɨ à yɨə məd ə nəŋgɨ əwən.